او كما قال البحبحانى

**mano** · 4 - 3 - 2009, 11:04 PM

الست زي الشتيمة… بتلف تلف و ترجع لصاحبها .
.
::الست زي الطريق الصحراوى.. الغلطة عليه بحادثة .
.
:: الست زي نادى الزمالك ..جمالها فى ضعفها .
.
:: الست زي الجورنال.. تقراه من ورا لقدام .(يعنى دايما بتكون تصرفاتها غير ما تتوقع)

.

:: الست زي عربية الإسعاف ..لما تفتح السارينة لازم توسّع لها .

.

:: الست زي الشتا ..تحب الدفا .
.

:: الست زي شاحن الموبايل..معظم الوقت مالوش لازمة، بس في لحظة بيبقى كل حاجة .
.

:: الست زي الكتاب الحلو .. أول ما تخلصه عايز تبقى ترجع تقراه من الأول تاني .

:: الست زي التليفزيون .. من النادر إنه يعرض الحاجه المناسبة في الوقت المناسب .

:: الست زي العيد.. الاتنين ماينفعوش من غير وقفة.

:: الست زي الحكومة .. دايماً محتاج معجزة علشان تعرف تغيّرها .

:: الست زي كتب الفلسفة .. كل ما تيجي تدوّر على إجابة تتورط فى أسئلة جديدة .

::الست زى المسمار ..الاتنين مايجوش غير بالدق .

:: الست زى جهاز الكمبيوتر ..ماحدش يعرف هي بتشتغل إزاى غير اللي عملها .

:: الفرق بين الست زمان والست دلوقتى .. زى الفرق بين الجنيه زمان والجنيه دلوقتى .

**احساس** · 4 - 3 - 2009, 11:34 PM

:: الست زي عربية الإسعاف ..لما تفتح السارينة لازم توسّع لها

طب وسع بقى علشان السرينه هتتفتح00وسع يلااااااااااااااااااااااا ااا
احنا زى المسمار ولا زى الشتيمه
والله انتى ملعون ملعون ملعون بعدد ورقات الكوتشينه

**mano** · 4 - 3 - 2009, 11:45 PM

المشاركة الأصلية كتبت بواسطة ريناردا

والله انتى ملعون ملعون ملعون بعدد ورقات الكوتشينه

والله انتى كدة زعلتينى فعلا ومن غير هزار لان الكلمة دى صعبة جدا يا رشا سورى بجد

**عاشقة الرومانسية** · 5 - 3 - 2009, 12:04 AM

يا مانووووووووووو يا جامد على الله اسمعك فى يوم من الأيام بتقول اتجوز ماشى طالما الستات وحشين اوى كده ربنا يدينى ويديلك العمر عشان اسمع بس بتقول حواز
وشوف بقى دور الستات على حق
وابقى خلى البحبحاوى ينفك

والله يا مانو بعيد عن ان التوبيك ضد البنات بس بجد توبيك جامد

**mano** · 5 - 3 - 2009, 12:21 AM

المشاركة الأصلية كتبت بواسطة عاشقة الرومانسية

يا مانووووووووووو يا جامد على الله اسمعك فى يوم من الأيام بتقول اتجوز ماشى طالما الستات وحشين اوى كده ربنا يدينى ويديلك العمر عشان اسمع بس بتقول حواز

وشوف بقى دور الستات على حق
وابقى خلى البحبحاوى ينفك

والله يا مانو بعيد عن ان التوبيك ضد البنات بس بجد توبيك جامد

يا سندس نورتى والله وعلى فكرة انا قلتها للمرة المليون وهاقولها للمرة المليون وواحد البنات هما الكريزة اللى فى تورتة حياتنا ومنقدرش نستغنى عنهم ابدا

الموضوع: او كما قال البحبحانى

أدوات الموضوع

او كما قال البحبحانى

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة