ابتسم انت فى كلية هندسة ....(الجزء التانى )

[mano]

ابتسم انت فى كلية الهندسه

عندما تعلم ان لديك محاضرة الساعة 8:30 صباحا و جميع الكليات حولك تبدا محاضراتها الساعة 10 او 11
اذن انت فى كلية هندسة
عندما تستيقظ كل يوم و تعلم ان لديك حفنة من السكاشن و المحاضرات و غيرك بياخد 3 ايام اجازة فى الاسبوع غير الجمعة و العطلات الرسمية
ابتسم انت فى كلية هندسة.
عندما تقول لسائق التاكسى كلية هندسة فينظر لك نظرة حاسد و حاقد ( على ايه يا حسرة ) ثم يو صلك
مشوار الاتنين جنيه و يقولك عشرة ( طمعا فى المهندس الصغير )
ابتسم انت فى كلية هندسة
عندما تطلب احد اصدقائك فتجده نائم و انت لا
ابتسم انت فى كلية هندسة
عندما تدفع فى الدروس ما يساوى تمن جهاز عروسة
ابتسم انت فى كلية هندسة
عندما تحسب بالجمع دون الطرح مدة تعليمك فتجدها تحقق المعادلات التالية:مدة تعليمى الاجمالية = مدة التعليم الاساسى + التعليم الجامعى + التحابيش ------------ -- (1)و علما بان التعلم الاساسى= التعليم الاساسى + التعليم الثانوى
اذن التعليم الاساسى = التعليم الابتدائى + التعليم الاعدادى + الثانوى ------------ -- (2)
و علما بان التعليم الجامعى = سنوات اكاديمى + سنة امتياز ------------ -- (3)
و علما بان التحابيش = دبلومة + ماجستير + دكتوراة ------------ -- (4)
و بالتعويض من 2 و 3 و 4 فى مدة التعليم الاجمالى=الابتدائى+الاعداد ى+الثانوى+اكاديمىجامعى+ا لامتياز+دبلومة+ماجستير+دكت� �راةمدة التعليم الجمالى = 6+3+3+6+1+2+ 4+4=29 سنة مع الشغل و النفاذ (بفرض عدم الدبلرة
اذن ابتسم انت فى كلية هندسة
مما سبق نستنتج انك سترى الملاحظات التالية فى حياتك:
انت بتدرس و صاحبك اللى في تجارة خلاص بيشتغل
ابتسم انت فى كليةهندسة...
انت فى الجيش و صاحبك بتاع اداب بيتجوز
ابتسم انت فى كلية هندسة...
انت بتبدا حياتك و صاحبك بتاع خدمة اجتماعية اتجوز و خلف 3 عيال و سافر برة يشتغل و رجع بعد طول غربة
ابتسم انت فى كلية هندسة
عندما تحضر كل السكاشن و تذاكر المحاضرات و تاكل الكتب و بعدين تجيب جيد نظرا لدكتور لجنة الشفوى
ابتسم انت فى كلية هندسة
عندما يعاملك الدكاترة كانها بتنتقم منك
ابتسم انت فى كلية هندسة.
عندما تجد كليتك و سط المصانع بما فيها من آسمنت و تراب و قرف
ابتسم انت فى كلية هندسة.
عندما تجد كليتك معزولة عن باقى الكليات خوفا من انتقال الامراض الى طلبة الكليات الاخرى
ابتسم انت فى كليةهندسة
عندما لا تجد فى كليتك كافتريا عدلة ,عندما تكون حفلة الاستقبال فى الكليات الاخرى على انغام الموسيقى و انت فى حفلتك قاعد جوة المدرج سامع خطبة عريضة لعميد الكلية ابتسم انت فى كلية هندسة
عندما يصاب الشباب بالصلع فى سنة 3 و البنات بالتجاعيد (دة لو فى بنات اصلا)
ابتسم انت فى كلية هندسة

مش هطول عليكم كفاية اننا فى كلية هندسة

ودى كانت نهاية طالب اتعقد لما دخل كلية الهندسة

[shely]

الحمد لله انا مش كليه هندسه
هههههههههههه
ولا هدخلها حتى مع انى عاوز اكون سفير

[mano]

الحمد لله انا مش كليه هندسه

هههههههههههه
ولا هدخلها حتى مع انى عاوز اكون سفير

سفير ؟؟!!!!!! اية دة يا واد سفير اية هو انت فاكر الحكاية دى سهلة ...هتبقى ممكنة فى حالة واحدة لو عندك واسطة جامدة جدا جدا جدا زى وزير مثلا ويبقى انت لازم تدخل كلية سياسة واقتصاد وربنا يوفقك يا محمود وشكرا للمرور

[فتح الباب]

هههههههههههههههه
يربنا يخليك لكليتك
وينجحك
ولا باين دكتور الشفوي هيتوصي
شكراااااااااااااااااااااا اا

[mano]

هههههههههههههههه
يربنا يخليك لكليتك
وينجحك
ولا باين دكتور الشفوي هيتوصي
شكراااااااااااااااااااااا اا

لية بس الفال دة يا فتح الباب هههههههههههه على العموم نورت يا جميل

[-Nona-]

ده ظلم لكليه الهندسه على فكره
هى كليه متعبه اه وشغلها كتير ايون وعينك هتطلع ايون
لكن حلو واللهى صدقنى

[mano]

ده ظلم لكليه الهندسه على فكره

هى كليه متعبه اه وشغلها كتير ايون وعينك هتطلع ايون

لكن حلو واللهى صدقنى

وانا عارف يا نونا ولا مكنتش دخلتها ههههه نورتى يا قمر

[haboosh]

الهندسة كان حلم جميل بس وقت اللي فوقت انصدمت بواقع الدراسة المرير
بس لا تقول والله الهندسة حلوة وحلاوتها انها صعبة
كلامي صح او صح ؟؟؟؟؟؟؟؟؟؟؟؟
هههههههههههههههههههههه

[mano]

الهندسة كان حلم جميل بس وقت اللي فوقت انصدمت بواقع الدراسة المرير
بس لا تقول والله الهندسة حلوة وحلاوتها انها صعبة
كلامي صح او صح ؟؟؟؟؟؟؟؟؟؟؟؟
هههههههههههههههههههههه

والله كلامك صح الصح و 100 100 الهندسة زى الطعام السبايسى حلاوتة فى الشطة اللى فية ههههههههههههههههههه

[esra2]

شكلك هندسة حلوان (إعدادى) عموماً ربنا معاك
بس فى اللى حالتهم أنيل منك وصدق أحمد ربنا
يا ابنى محدش واخد منها حاجه
ايه دنيا