ماذا لو حكمت المرأة العالم؟

[نور نور]

ماذا لو حكمت المرأة العالم؟ ماذا سيحدث برأيكم؟

مع قدوم يوم المرأة العالمي, خرج البعض بصورة خلاقة وابداعية تظهر العالم في حال حكمته النساء. فهاك نبذة من هذه الصور الساخرة. مارأيك؟




صورة امراة على ورقة الدولار النقدية



جنود العالم ستكون من النساء





العالم سيصبح اكثر خضرة ونظافة لو حكمته امراة



ميشيل اوباما رئيسة الولايات المتحدة



البيت الابيض....اوبس...البيت الوردي





ساعة تظهر جدول اعمال المرأة اليومية: غسل الاطباق على الواحدة, كي على الساعة الثانية, ترتيب الاسرة على الرابعة, اخراج الكلب في جولة على تمام الخامسة, تنظيف بالمكنسة الكهربائية في تمام السابعة, اخراج النفايات في الثامنة, تنظيف بيوت الراحة (الحمامات) في تمام العاشرة. وتنظيف التراب في الحادية عشرة.



مستلزمات الجندية..



تعرف على المسدس الجديد



لا وجود لجيمس بوند... تعرف على الواحدة والوحيدة جين بوند



السيارة النسائية...مع جميع مستلزماتك التجميلية ونظام الكتروني لصف السيارة بدون ان تقلقي بذلك بنفسك



لخدمتك...اشهى الوجبات السريعة في بورجر كينغ (ملك).....سوري بورجر كوين (ملكة)

[mr_ahmedhamdi]

لا يفلح قوم ولو شئونهم امرأة
حاولى مرة تانية هههههههههههههه

[احمد طنطاوي]

وبهذه المناسبة العظيمة يتم تغير النشيد الوطني الي ......؟
الحياه بقي لونها بمبي ... بمبي .. بمبي .. بمبي
اشكرك جدا .. موضوع جديد .

[ريم ريم]

ياريت يانور علشان اول حاجة نعملها نشنق الرجالة فى ميدان عام ههههههه

[mr_ahmedhamdi]

لا هنقول في النشيد مصر هي امى وهيبقي اسم على مسمى
بس اسكت الشعب كله هياكل احلي اكل
هو عيب الموضوع علشان رغي الستات فالست الريسة هاتطلع كل خمس دقايق تقولنا خطاب نصه كالتالي
1-اسكتو يا ولاد ماعرفتوش مش الرز غلي والسكر كمان معلش بقي بس اوعدكم ان الرز هايجيلكم متنقي جاهز
وعلشان انا بحب المسقعة قررت البتنجان من بكرة هيبقي ب 4 جنيه بدل 8 هيصو
2-واي واحدة جوزها قرفها ومطلع عينها تجيلي وانا شخصيا هاشرف على تعزيبه
3-واللى جوزها يخونها وقتلتو وعبتو فى اكياس برأة والسكينة والاكياس هدية من الدولة فى كل بيت
4- ومن انهاردة لتنمية قانون التكافؤ الاجتماعى بين الرجل والمرأة قررت ان لو ست البيت هى اللى هاتطبخ الراجل هو اللى يجهز يعنى يقمع البامية يخرط الملوخية ينقى الرز وكمان يغسل المواعين قبل وبعد الاكل
5- الراجل لازم كل شهر يشترى لمراته فستان واي حاجة دهب ولو مش لاقي ياكل يسرق ويجيب واللى يقصر يتم نفيه مباشرة الى الصحراء الغربية علشان يعرف قيمة الجنة اللى مراته معيشاه فيها
6- اللى يفكر يمشي من البيت او يطفش او يحاول يروح اي مكان تتولى وزارة الداخلية ضبطه واحضاره مع عمل اقرار ممضى من قبل الزوج بعدم تكرار الواقعة وفى حالة التكرار يدفع غرامة قدرها نص مليون جنيه للزوجة
7- كل يوم الصبح الافطار من واجبات الزوج مع عمل الترتيبات اللازمة للاولاد من كي الملابس وتسريح الشعر وتجهيز سندويتشات المدرسة مع مراعاة عدم ايقاظ الزوجة .
8- للزوجة الحق فى رفض شغل الزوج والمطالبة بجلوسه بالبيت لأعمال النظافة وتجهيز الاكل وغسل الملابس وكيها مع الغناء للزوجة كل يوم فى الصباح اغنية سكر حلوة الدنيا سكر وفي حالة زيادة السكر على الارض يقوم بالتنظيف الفورى والدورى لعدم لم النمل بالبيت
هذا وقد اعلنت سيادتها ربنا ما يحرمنا من حنيتها باستكمال القرارات الجمهورية غدا وذلك لميعاد الكوافير ومقابلة اصدقائها فى النادي

[mr_ahmedhamdi]

ذلك وقد اعلنت سيادتها بطيبة قلبها وعنيها الواسعة ورقتها المتناهية فى وقت لاحق بتغير كلا من الاسماء التالية
بابا غنوج الى ماما دي بتنجانة
ابو جلنبو الى ام اللى جنبو
ام اربعة واربعين الى مامت اربعة والاربعين بتاع ابوهم عدي
بابا نويل الى ماما سهير
مبروك لشعب مصر وهنيئا لكم بالست امكم

[mr_ahmedhamdi]

نسيت اقولكم الريسة بتنبه على رزق الترزي اقصد المصمم بتاعها ميجيبش سوست للفستان الجديد من السوست الصينى اللى اي كلام وبتبوظ بسرعة بدل ما تعمله سوستة فى بقه وتكسرله راس السوستة انا قولت اهو بدل ما ابلتى تبهدلنى اقصد بدل ماالريسة تبهدلنى يجعل كلامنا خفيف عليها

[mr_ahmedhamdi]

نقلت وكالات الانباء الخبر التالي عن الريسة بتاعتنا ههههههههههههه
يا واد يا محروس انت يا ولا فين العيش يا مدهول على عينك بسرعة تجيبو لطين عيشتك
هذا وقد تم محاصرة المكان بالكلاب اللولو وقد حكمت الريسة ربنا ما يحرمنا من حنيتها على محروس ب 15 سنة يكسر بسكويت

[شمس]

خراب لا شك فيه هههههههه
تسلمىىىىىىىىىى

[نور نور]

لا يفلح قوم ولو شئونهم امرأة
حاولى مرة تانية هههههههههههههه

ميرسي يااحمد علي مرورك