معملتش (دماغ ) قبل كده ؟ ...

[Khalid-2009]

معملتش (دماغ ) قبل كده ؟ ..



بس المرة دى مش اي دماغ دي اسمها
( دمــــــــاغ نـــاس )
ايـــــه دماغ ناس دى ..





- دماغ ناس .. زى دماغ قهوه .. دماغ لب وسودانى .. تعمل دماغ " ناس"..
بص ياسيدى ..





لو فى يوم لقيت نفسك متضايق ومخنوق وملكش نفس تكلّم حد ومش لاقى حاجه تعملها ..
إنزل الشارع إتمشى لواحدك و تأمّل فى الناس ..
هتلاقى الموضوع مسلّى جداَ ..
الشعب المصرى ده لذيذ طحن ..
دماااااااااااااااااغ



......


**** هتلاقى ناس طالع عين أهلهم فى أتوبيس فيه 186 واحد والناس طالعين من الشبابيك والجو حر ..
والناس لسّه بتركب وهى مبتسمه وحاسه بالكفاح ..
وتلاقى واحده ست تخينه – غالباَ موظفة – دخلت وسط الـ 120 واحد اللى واقفين على الباب واخترقت الجموع فى براعة ورشاقة تحسد عليها ..
سبحان الله


**** بنت لابسه هدوم المدرسة ومزوغة ماشيه مع ولد
– ممكن تحلف إنه مش هيلاقى شغل ولا بعد 100 سنه من شكله –
وإن لقى.. أول حاجه هيعملها أنه يسيب البنت دى ..
كفايه فقر بقى ..



**** واحد ومراته - كبار فى السن – ماشيين على الكورنيش بياكلوا ترمس فى منتهى السعادة والأمتنان ومش عايزين حاجه تانيه من الدنيا ..



**** واحد شكله تعبان طحن ومش لاقى ياكل، بس جايب أحدث " الموبايل " وبيتكلم فيه بصوت عالى فى وسط الشارع..
عشان هو حر ..



**** واحد عمره ما شاف الزبدة فى حياته ولا يعرف بتستخدم فى أيه أساساَ ..
عاملين معاه لقاء فى القناة الثالثة بيسألوه عن رأيه في مقاطعه المنتجات الدنماركية ..
قلهم " أه طبعاَ انا مع المقاطعه دا واجب وطنى يا جماعه أنتوا بتتكلموا إزاى .. "



**** واحد واقف مع خطيبته/صحبته قدام قفص الأسود فى جنينه الحيوانات
بيقولها : " بصى .. أهو ده بقى أسد .. !!! " شاعراَ بأنه قد منحها العلم والمعرفه المطلقة وأسرار الكون ..



**** بنات بكرش لابسه بديهات ستومك.. عشان دى الموضه ..



**** أسره مكونه من 4 أفراد أب وأم وبنت شابه وولد فى أعدادى قاعدين فى Café .. طلبوا عصاير وشيشتين .. مين اللى شرب الشيش ؟! .. البنت وأمها .. حاجه تغيظ... !!


**** من شهر كده كده كان فى ماتش للأهلى و فريق تانى يطلق عليه البطاطس التونسى .. كان فيه 2 منقبات بيشجعوا فى المدرجات !! .. و واحده منهم كانت لابسه نقاب أحمر .. تشجيع بقى .. صباح التهييس ..




جرب أنت كمان تعمل دماغ ناس ..
هتلاقى الموضوع مسلّى جداَ .. و أبقى قلنا إيه رأيك ..

[saso164]

ههههههههههههههههههههههههه ههههه

تهييس غريب شويه
بس بجد موضوع تحفه
تسلم ايدك

[ملاك...ولكن]

ههههههههههههههههههههههههه هههههههههههههه
تسلم يامان والله
توبيك هايل

[Khalid-2009]

ههههههههههههههههههههههههه ههههه

تهييس غريب شويه
بس بجد موضوع تحفه
تسلم ايدك

شكرا ليكي يا ساسو على المرور الرائع

[Khalid-2009]

ههههههههههههههههههههههههه هههههههههههههه
تسلم يامان والله
توبيك هايل

تسلمي يا ملاك على مرورك الجمييييييل

[hobah]

ههههههههههههههههههههههههه هههههههههههههه
تسلم ايدك موضوع جامد بجد

[Khalid-2009]

ههههههههههههههههههههههههه هههههههههههههه

تسلم ايدك موضوع جامد بجد

تسلم ايدك على مرورك الراااااائع ده

[XoXo.GoSs!p G!rL]

موضوع رائع
ميرسى ليك على الدماخ

[ابو تريكه]

شهر كده كده كان فى ماتش للأهلى و فريق تانى يطلق عليه البطاطس التونسى .. كان فيه 2 منقبات بيشجعوا فى المدرجات !! .. و واحده منهم كانت لابسه نقاب أحمر .. تشجيع بقى .. صباح التهييس ..




ههههههههههههههههههههههههه هههههههههه

جامد اوى الدماغ دى

[No TiMe]

تعالي هنا اقول اللي بيحصلي لما اروح الجامعه
بص بقي انا طبعا موصلاتي بعيد عن الجامعه الرئيسيه ازاي انا في جامعه فرعيه عن الرئسيه
فبركب وبستني عما المكروباس يتملي علشان امشي
وبص بقي علي اللي بيحصل

بكون قاعد واتفرج علي فيلم الأاكشن اللي متعود اني كل يوم اشوف زيو
باص كبير الاكسبرس ابو بابين اكبر حاجه
اول ما يدخل الموقف
وعينك ما تشوف الا النور

اللي يجري واللي يتكعبل
وتلاقي اللي في الموقف كلو ورا الباص دا مع ان فيه واحد وراه فاضي دماغ صعايده بقي لازم اللي بيمشي
قال يعني اللي مبيمشييش بيودي في حته تانيه مع ان كلو بيودي نفس المكان
لا الصراحه انا بفطس من الضحك علي المنظر اللي كل يوم بشوفو
يلا احلي تهيسه
وبجد دا اللي بيحصل