معهد للرقص الشرقى

[hmhasan]

مجلس الشعب يناقش انشاء معهد للرقص الشرقى اعتقد اننا فى مصر قد قمنا بحل جميع المشاكل التى تواجهها مصرنا الحبيبة وبقى علينا التفكير فى الاستمتاع و الرفاهية من خلال انشاء معهد لتعليم الرقص الشرقى , وأعتقد ان أعضاء مجلس الشعب قد ملوا من رقص الوزراء والاستجوبات و التصفيق للوزراء عمال على بطال وأرادو التجديد , فاليوم مناقشة انشاء المعهد وغدا مناقشة تعيين عميد المعهد ووضع الأسماء التى سوف يختاروا منها ( فيفى عبدة, دينا, هياتم, لوسى 0000الخ) وبعده امتحانهم امام لجان وأعضاء المجلس وبعد ذلك مطالب المعهد فمثلا مطالبة وزير الاعلام بعرض برامج تعليمية وكذلك محاربة الدروس الخصوصية بشارع الهرم كل هذا غير الشرايط وcdاللازم لمراجة ليلة الامتحان وكذلك وأهم شىء امتحان العملى امام أعضاء المجلس الموقر وهذا من أهم شروط انشاء المعهد .
بالله عليكم ده اسموا كلام بدل ما نحل مشاكل الماء و الاسكان ورغيف العيش وغيرها من مشاكلنا اللى ما بتخلص .
الوقت عندنا ببلاش والحياة وردية وصفق يا جدع
وعجبى

[رحيل القمر]

امال انت عايزهم يلهوا الناس ازاى غير بكدة دة سياسه
ربنا يستر على اللى جاى شكرا ليك معلومات جديدة بس هوة بجد
بس عادى الواحد بقى يتوقع اى حاجه فى الزمن دة

[مسايا]

مشاكل. مشاكل ايه الى انت بتتكلم عنها
احنا خلاص مبقاش عندنا اى مشاكل
العيش زى الفل مليان نشارة خشب
الميه ملوثه لتقويه جهاز المناعه
الشقق كتير والحمد للله
المواصلات فاضيه وزى الفل
يبقى فاضل لهم ايه غير معهد الرقص .........