مــوقف غــريب ؟؟!

[Sherif _S_a_s_a]

بسم الله الرحمن الرحيم

__

مــساء الــخير يــا جــماعه

النهرده حصلي موقف كدا بجد معرفتش افسره

كنت ماشي في النادي وفي حديقه كده روحت وخلعت منها وردة جميله اوي

بصيت علي شوكها بنظره بايخه جدا شوفتها وحشه اوي رمتها وكملت طريقي

قعد شويه افكر ليه انا عملت كدا

؟؟؟!

مش نفس الورده دي كنت مسكها امبارح بتأمل في لونها

وريحتها الجميله و معانيها

و حنيت اوراقها

النهرده بصيت لشوكها حسيت بخشونتها ولمست فيها احساس غريب

طيب ياترا ايه الـ غير نظرتي للورده دي

(( الحزن ))

؟؟

طيب ليه لما بنحزن بنشوف كل جميل و حش

كل حنين قاسي

كل ما هوا طيب القلب حقود

نظرتنا بتختلف مليون الميه

للدرجه دي الانسان متقلب

بجد انا بحاول افسر دا من امبارح حته معرفتش انام كويس ليه احنا ماشين مع الطيار

سايبين نفسنا مع الظروف الحزن يشلنا ويحطنا يتحكم في قلوبنا

يغير نظرتنا للحياة يمحي الفرح عننا

ليه منبقاش واقفين بقلوبنا واقفين علي مبادئنا

الفرح يجي نفرح ..

الحزن يجي نحزن ..

بس نفضل واقفين

علي نفس مبادئنا ويفضل الـ في قلوبنا في قلوبنا

ميغيرناش احساس ولا يهزنا احزان

ولا نكره الـ في يوم حبناهم

كل العواصف دي جانب من اعصار الحياة

ممكن تهد بيوت ودمر املاك

بس متقدرش تخلي ابداا الـ احباب اعداء


...,,...

مش كدا ولا ايه ؟؟!

ارجوكم شاركوني عرفوني انا صح ولا لاء ؟؟!

**

[كابوس الحرامية]

فيه ناس يا شريف مينفعش منكرهش اللحظة اللي جمعتنا فيهم مهما كانت لحظات حلوة

بس لما تكتشف ان الحلو دة طلع كدب يبقى لازم تندم مش حقول تكره لاني مقدرش اكره

لكن في اوقات كتيرة بنفضل باصين للحاجات الحلوة اللي في الشخص اللي قداممنا بس قوام بننساها وبندور على الشوك

بس مهما شوفنا وقابلنا ناس لازم نتعلم ان الطبع غلاب في ناس بطبعهم متقلبين

وفيه ناس لافيه ناس مش بيحسو بالنعمة اللي في ايديهم غير لما بتضيع

.....الانسان بطبعه اناني وغدارلكن في انانيه تهلك

بس فجأة بننسى الحاجات الحلوة وبندور على اللي احنا عايزينه بس مش مهم حنأذي مين المهم اننا نحب نفسنا اكتر من اي حد تاني ونكون أنانين حتى في قرارتنا

....ربنا يشيل عننا كلنا الحزن وموضوع جميل جدا للطرح والنقاش يا شريف ربنا يوفقك

لكن برضه ساعات الحاجات الوحشة بتضيع جمال الاشياء الاخرى

[شيري العسولة]

موضوع جميل جدا شريف
واختيار متميز بجد
بس احب اقولك ان اللى يحب مايعرفش يكره ابدا
وعلى فكرة احنا اللى فى ادينا نسعد نفسنا بدل مانسبها للظروف
يعنى نتغطى عن اى حاجة ممكن تضايقنا
ولية نبعد عن حد بنحبة ولية زكرى حلوة معانا وكل ماامشي ف طريق افتكروا
بعد كل ده ونسيبة ونقول بنحزن لية طبعا لازم نحزن
والحزن مش بدينا بس بدينا نمحي من حياتنا
واكيد ساعتها هنلاقى الورده احلى واجمل مما كانت علية من مظهر
ومش هافكر ف شوكها خلص
بس لو بصينا صح
تسلم شريف لموضوعك الجميل

[Sherif _S_a_s_a]

هوا دا بقي الـ انا بتكلم عنه

المهم اننا نحب نفسنا اكتر من اي حد تاني ونكون أنانين حتى في قرارتنا

بتقوليها وانتي زعلانه اكيد دا مش طبعك طيب ليه بتعمليه وماشيه عليه

الحزن غيرك مش كدا

؟؟!

حول اتجاة تفكيرك

دا غلط كبير جدا

هوا دا فعلا الـ انا بحاول اوصله في الموضوع

وعايز اقولك حاجه كمان مها حصل ومهما قولنا

عمرنا عمرنااااا ما هنكره حد في يوم حبناه

وميرسي كتير لمرورك يا نهي

**

[~ man neO ~]

اناا فعلا ممكن اغير نظرتى للحاجه بس مش كل حاجه
والتغيير ده بيبقى تغيير خارجى
لان اناا زى نهى ما بعرفش اكره
او بمعنى اصح مبحبش اكره
والتغير للواحد ده لابد منه
لان مفيش انسان كامل فالكمال لله وحده
فاكيد هنلاقى مناا اللى كده واللى عكس كده
بس على فكره عمرك ماتحس بالشىء
الا اذا كان له تغيير
وتحس بشىء تانى ليه لما مايبقااش على وتيره وحده

بجد موضوع رائع شريف تسلم ايدكــــ

[Sherif _S_a_s_a]

بس احب اقولك ان اللى يحب مايعرفش يكره ابدا

طبعااا انا معاكي في دا اكيد

وعلى فكرة احنا اللى فى ادينا نسعد نفسنا بدل مانسبها للظروف
يعنى نتغطى عن اى حاجة ممكن تضايقنا

برضو معاكي في الكلام دا بس مش كل حاجه بتبقي في ايد الانسان

ومش اي قرار بيبقي من جواه

ساعات كتير اوي بنخلي الظروف تاخد القرار

وتحت اسم القضاء والقدر بنفذ قرار الظروف والمحن والحياة والعيشه و و .. الخ

الـ قرار احنا اصلا مش مقنتعين بيه

القرار الـ عمرنا ما فكرنا فيه
..,,..

ميرسي كتير لـ مرورك يا شيماء

**

[كابوس الحرامية]

ايوة طبعا مش طبعي يا شريف الحمدلله

بس بصورلك وجهة نظر بعض الناس في انانيتهم اصعب شيء انك تبقى اناني

[Sherif _S_a_s_a]

التغير للواحد ده لابد منه
لان مفيش انسان كامل فالكمال لله وحده

طبعاااااا الكمال لله وحده والتغير لابد منه

بس انهي تغير

التغير الـ من خلاله اشوف الحياة اسوء

اشوف حاجات كانت جميله او كانت اجمل حاجه في حياتي كمان

اشوفها بعد التغير اتغيرت

اتغيرت للأوحش

دا ميبقاش تغير دا يبقي تبديل

تبديل لشخصيتك كلها

وياريته بأرادك

برضو بأراده الـ الحزن والـ الظروف

ودا واقع علي فكرا مش مجرد كلام

..,,..

ميرسي كتير لـ مرورك وكلامك الجميل

**

[شيري العسولة]

ساعات كتير اوي بنخلي الظروف تاخد القرار

وتحت اسم القضاء والقدر بنفذ قرار الظروف والمحن والحياة والعيشه و و .. الخ

الـ قرار احنا اصلا مش مقنتعين بيه
طيب احنا مش مقتنعين بية نعملوا لية من اصلوا
ولية نخلى نفسنا حزينة اوى كده
صدقنى مافيش احلى من اننا نعيش مع بعض ف حب
ومن غير مانشغل مخنا فى الحزن
لان لو فكرنا فى الحزن مافيش اكتر منة
لازم نسامح بعض ونريح بعض بمعنى نسعد بعض
ويارب تكون سعيد وماتشوف الحزن ابدا
وخليك فاكر انت الوحيد القادر على اسعاد نفسك وباديتك ترجع الورده ل لونها الطبيعي

[Sherif _S_a_s_a]

ايوة طبعا مش طبعي يا شريف الحمدلله

بس بصورلك وجهة نظر بعض الناس في انانيتهم اصعب شيء انك تبقى اناني

ايوه عارف يا نهي انا كمان برد عليكي بتصوير

للـ شايلين الاحساس دا غصب عنهم

**