مصر تفوز على البرازيل 3-4

[6aha]

بسم الله الرحمن الرحيم

بيان عاجل

طبقا للقانون الجديد الموضوع من قبل الاتحاد الدولى لكرة القدم fifa والموضوع خصيصا لمباراة مصر والبرازيل والذى ينص على
ان الفوز للفريق الذى يحرز اقل عدد من الاهداف وعليه "تقريبا والله اعلم" اعلن الاتحاد عن فوز المنتخب المصرى فى اللقاء الذى اقيم بينه وبين المنتخب البرازيلى
فى بطولة كأس العالم للقارات بنتيجة 3-4

ماهو مافيش حل غير كده عشان الواحد يبرر اللى الناس بتعمله .. بيباركوا لبعض
انا اول مرة اشوف اللى بيحصل ده .. ييجى الواحد وياخدك بالحضن والله .. ويقولك الف مبروك 4-3 ... بس .
ايه ده .. ايه يا عم انت انت خلاص ؟ قد كده احنا كنا فاقدين الأمل .. إحنا صحيح قبل الماتش كنا بنتخيل ونهزر
دا احنا ها يتعمل بينا رقم قياسى من الاجوان اللى ها تدخل فينا
والتوقعات ما قلتش عن 3-1 للبرازيل للمتفائلين .. غير بقى 7-0 وما فوق للمتشائمين ..
بس اكيد كلنا كنا بنتمنى ان احنا نفوز رغم انك ما كنتش بنقول ده قدام حد عشان ما يتريقش عليك ..
اتفرجنا على الماتش وفضل ف امل .. لحد ما كاكا جاب الجون الرابع قومنا وانا الوحيد اللى على الاقل مش فرحان
والشباب ناوى ينزل يحتفل فى شبرا .. اه والله .. وهايجيبوا كلب ويلبسوه لبس البرازيل ويمشوا يضربوه بالعصاية .. كنت ها اتشل
الاسخم ان انا لما فتحت الراديو على النت لقيتهم مشغلين نانسى عجرم " لو سألتك انت مصرى " والله كنت خلاص .. واللى زاد وغطى
الاغنية اللى بعديها .. حمادة هلال طبعا عارفينها " والله وعملوها الرجالة " ونفسى اعرف عملوا ايه ..؟ يا جماعه والمصحف احنا اتغلينا
اقسم بالله احنا اتغلينا ..
اه انا مش ها اقول احنا لعبنا وحش بس كان فى احلى وفى الاخر انا مش ها الوم برده على اللاعيبة ولا على شحاتة واقول الحمد لله
بس مش لدرجة ان اخويا يكلمنى يقولى مبروووك .. مبروك على ايه ..؟
والله انا خايف اكون اتفرجت على ماتش تانى .. وعلى العموم لو حد شاف الماتش مباشر وشاف النتيجة خلصت غير 4-3 للبرازيل .. يبقى يقولى ..

[bogey]

بص
يامان احنا قدمنا متش روعه وانا على نفس فخور احنا بالمعنى بتعنا قتوعنهم احنا لو تعادلنا مع ايطايا وكسبنا امريكاخلاص هنصعد وميهمناش البطوله احنا يهمنا نرد على النقادونقولهم مصر انشا الله دخله كاس العالم

[mohamed albarawy]

ddddddddddddddddddddddddddd

[6aha]

اولا شكرا يا بوجى على الرد الجميل
وانا كمان والله عجبنى المستوى بتاع المنتخب وما شوفتوش كده قبل كده
بس برده مش خسارة فينا ان احان نتعادل او نفوز على البرازيل .. ما الكاميرون عملتها
هما يعنى احسن مننا فى ايه .. ورغم ده احنا على الاقل ان شاء الله ها نترفع فى الترتيب العالمى للمنتخبات بسبب الماتش ده
بس برده ما ينفعش اقولك مبروك احنا اتغلبنا .. واكيد كان فى احسن .. لكن الحمد لله على كل حال واهو احسن من غيرها

ويا محمد ما تزعلش .. ان شاء الله نعوضها .. والمرة الجاية نلبس الكالب لبس إيطاليا وبرده نضربه بالعصاية
ههههههههههههههه
وشكرا يا شبابا على المرور اللى ولا اجمل

[6aha]

اولا شكرا يا بوجى على الرد الجميل
وانا كمان والله عجبنى المستوى بتاع المنتخب وما شوفتوش كده قبل كده
بس برده مش خسارة فينا ان احان نتعادل او نفوز على البرازيل .. ما الكاميرون عملتها
هما يعنى احسن مننا فى ايه .. ورغم ده احنا على الاقل ان شاء الله ها نترفع فى الترتيب العالمى للمنتخبات بسبب الماتش ده
بس برده ما ينفعش اقولك مبروك احنا اتغلبنا .. واكيد كان فى احسن .. لكن الحمد لله على كل حال واهو احسن من غيرها

ويا محمد ما تزعلش .. ان شاء الله نعوضها .. والمرة الجاية نلبس الكالب لبس إيطاليا وبرده نضربه بالعصاية
ههههههههههههههه
وشكرا يا شبابا على المرور اللى ولا اجمل

[كابوس الحرامية]

بص يا طه هما بيهنو بعض عشن بس لعبو ماتش كويس مع منتخب كبير زى البرازيل

وقدرو يجيبو 3 اهداف بس لما نشوف اخرتها مع الفراعنه

نهى

[6aha]

الصراحة برده دى من الحاجات اللى الواحد ما كانش متخيلها
ان مصر تجيب 3 اجوان فى البرازيل ..
وان شاء الله يا نهى أخرتها مع الفراعنة خير وزى الفل
وان شاء الله نعوض مع ايطاليا وربنا يستر

[~ man neO ~]

لازم يا طه نبارك
احناا منتخب مصر مكنااش متوقعين اى نتيجه ولا حتى نحرز هدف
اناا مردضتش اتفرج على المباره اول ما لقيتهاا 3_3 قعدت اتفرجت
بس بصراحه كناا نستاهل الفوز وليس التعادل اللى ضاع مناا
بس اللاعبين حسوا انهم خلاص ركبوا المباره فكل لاعب قعد يظهر مهاراته
وده كان سبب الهزيمه فى الاخر
بس احناا مكنااش عايزين اكثر من اللى هماا عملوه
بس لو كناا طلعناا بالتعادل كانت تبقى اجمل واجمل
دا فخر ليناا ان احناا اول فريق من ساعت ما دونجاا مسك الفريق
يحرز فيه ثلاث اهداف
يعنى فخر فخر

[6aha]

ههههههههههههه
فعلا احنا ما كناش متوقعين النتيجة
لكن التعادل كان هايبقى احلى ويا سلام لو فوز .. هوه صحيح طمع بس مشروع يعنى
هوه يعنى لاعبيتنا بتلعب برجل واحده ..؟
شكرا عبد النبى وعقبال ان شاء الله ماتش ايطاليا لما نبارك بجد
ولونى خايف من إيطاليا اكتر من البرازيل

[الثعلب المصري]

على فكرة على قد مالناس فرحانة وهايصة بالهزيمة المشرفة بطعم الفوز على قد إننا مشقادر أنام من إمبارح
دإحنا خلاص كان كلها يادوبك دقيقتين وينتهي الماتش تعادل بعد ماكنا أقرب للفوز وتيجي حتة ضربة جزاء ملهش أي لزمة وتضيع الماتش لا واللي يغيظ أكتر وأكتر إن الحضري كان هيصدخا
يادي الحسرة
عموماًشكراً ليك ياغالي على ردة فعلك