¨°o.O ( ماتتنفخــش عــلي الفــــاضي) O.o°

**وهج الشمس** · 30 - 7 - 2009, 04:41 PM

اييييييييه دنيا للعايش فيها مرتاح ،،ولا الميت مرتاح ،،

ايــوة يابني والنبي رش ميه قدام المحل ،،خلينا نصتبح،،ونشوف شغلنــا
ال حتي اليومين دول مابقاش في افكــار ولا مواضيع نرغي فيها ،،
ماعلينــا ،،في يوم كــته كنت بتمشي بالمنتدي،،والله مافاكرة
المنتدي ولا الميل ،،ولا الشارع ولا الجامعه ،،ولا في وسط البلد ،،
ماعلينـــا برضه ،،المهم اخرة المشي ،،لقيت واحد واقف في نص الطريق ،،
بيقول لامين شرطة انت متعرفش انا مين ،،وانت بتكلم مين ،،انت متعرفش
انا ممكن اعملك فيك ايـــه ،،ياعم اتلهي جتك نيلة ،،
فاجئة كته الشعب المصـــري كله بئـــا مهم ،،
كلنا بقينـــا ولاد الـــريس،،بلا نيله دي كمــان ،،

المهم ان ته برضه مش موضوعنا ،،موضوعنا اللي بحك وحكيكي
التبـــــاهي،،ع الفاضي والمليان ،،ممكن يكون وهــــم بنوهم نفسنا بيه
يعني مثـــلا واحده صاحبتنا ممكن توهم نفسها انها بنت العميد،،وشوية توهم الناس انها داخله
فيــلم مع عمر الشــريف مع نخبة من نجوم وقتنا الحالي،،
يعني تعيــش في الـــدور وتلاقوها وهي بتتكلـــم ،،ان الصدق هيطلع من عنيها،،
ممثله بئا وواخدة ع الكـــدب،،ماعلينا اهي بتعيش ع نفسها وخلاص ،،

لكن المشكلة بئا انها تعيش علينا وتقرفنا بحكايتها ،،وتعقد الواحد،،يعني تكون
قاعدة وسط اصحابها ،،تقول دانا كنت في مارينا الاسبوع اللي فات
مش عارفة وانا ماشية في الشارع قابلت واحد متسول
ومكنش معايا غير خمس تلاف جنية ،،فدتهملوا،،
ومتراعيش ان في بهايم غيرها ممكن ميكونوش لاقيين ياكلوا ،،
استغفر الله العظيم,,ماهو الاحســـاس نعمة ،،من ربنـــا
طيب مثلا واحد في المنتدي هنا ,,تلاقيه باي مكان يفضل يتباهي بنفسه ،،

وانا عندي مشغوليات ،،وانا راجل مهم في شغلي،،وان شغلي مش بيمشي
غير بكلمة مني ،،وان ان ان ،،وتيجوا تدوروا في حقيقته
تلاقوا اصلا ولا يسوا بصله معفنة حتي،،،،عيب يا صاحبتى ،،لا مش عيب
لانه عقد شباب كتيرة ،،ميعرفش ان في شباب ممكن نفسيتهم تتعب من اللي بيقولوا
ميعرفش ان في شباب قاعدة من غير شغل ..

انا مش بحرضهم انهم يغيروا ولا يحقدوا عليه ،،بس ع الاقل ان دة مكان للترفيه
مش كمان هنجيب الضغط للاعضاء هنا ..كفاية الي بيشفوه في حياتهم ،،
لا وكمان تلاقيه يدخل المواضيع يستهزء بالناس وظروفهم ،،
ياخي دة ربنا كبير ،،واللي اداك يدينا ،،وياعالم يمكن انت النهاردة بالعلالي
بكرة تبقي مش لاقي تأكل ،،

في ناس كده تلاقيها ع الفاضي والمليان عماله تتكلم ..عن نفسها وتبقي فخورة اوووي ..انها
توضح يعني انهم بيعانوا من المسئوليات ،،
يعني مثلا ليا واحد زميلي نص نص ..بيعمل ماجستير ..وهو اصلا ظابط مترجم
الانسان ته بيخنقني خنقة رهيبة ,,طول ماهو قاعد وسطنا
ماسكة الموبايل ..لا اتنين ههههههه وعمال يكلم في ناس

واي حد يبقي لية مصلحه في قسم ،،في اي جهه حكومية ,,يخلصها

وديما يتباهي بمعارفه انا خالي مساعد اول وزير مش عارف اية

وصاحبي اسامة ظابط في امن الدولة,,ووليد خاطب بنت مش عارفة اية ،،

انسان خنيق اينعم هو اه بيخدم الناس فعلا ..ومش بؤ بس تلاقيه بيذل
الناس بعد مايخدمهم..ويتباهي ويتمنظر اوووي ويفرط جناحاته ع الخلق ,,

حقيقي دة مش شئ مشرف يعني اننا نتكلم عليه ،،بس اللي ملحظاه ،،
ان الموضوع بيضر اكتر المستمعين ،،ازاي،،
يعني انت عمال تتكلم انك ربنا رازقك ببنت حلوة ..وبشغله حلوة,,وبمستوي حلو..وظروفك تمام,
خلاص عرفناااا,,مش لازم بقي تحرك جوانا حتة النقص
ان اللي عندك مش عندنا،،في حاجة اسمها احساس
تقدير الغير ،،نراعي شعور بعض ،،