هى وخطيبها على الكورنيش

[Sezer]

جبتلكوا حاجة كده تضحك فى الحر اللى احنا عايشين فيه ده

هو و هى مشيين على الكورنيش .. الجو حار .. الشمس محرقة


هي : عطشانة

هو : وأنا كمان

هي : يعنى ... عايزة اشرب
هو : أكيد مادام عطشانة يبقى عايزة تشربي
هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة

هو : ومين اللي هيحاسب ؟؟

هي : أنت طبعاً
هو : منين ياحسرة .. ماانتى عارفة الكانز وغطاه

هي : ماقلتش عايزة كانز .. كفاية إزازة صاروخ

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك

هي : قصدي تعزمنى في مكان شاعري

هو : في الحر ده .. ماينفعش

هي : بلاش دى .. نأخد مركب عالكورنيش

هو : المراكب بتغرق اليومين دول .. خلينا ع البر أحسن

هي : بلاش المركب تعالى نأكل ترمس .. أظن ده رخيص

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس

هي : يا سلام!! .. ماأنت كان معاك إمبارح
هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى
هو : أكذب عليكى يعنى
هي : لأ .. تحرق دمى أحسن

هو : أنا مش شامم ريحه شياط يعني

هي : يخرب بيت البرود

هو : برود إيه ؟؟ ماهو الجو مولع أهو

هي : إنت اللي بارد

هو : بارد إزاى ؟؟ دا أنا بشُر عرق

هي : بقولك إيه .. روحنى

هو : أروحك ؟! هو إنتى ماتعرفيش تروحي لوحدك

هي : آآآآه .. طب أنا ماشية

هو : ليه يا حبيبتي؟؟

هي : حبك برص

هو : والله البرص بيفهم عشان حبني
هي : بجد كده كتير

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟
هي : أيوة وحالاً كمان

هو : طب استني لما نوصل آخر الشارع
هي : اشمعنى ؟؟

هو : أصل أنا ساكن هناك .. و مايرضكيش أروح لوحدى

هي : لااااااااااااااااااااااا
طششششششششششششششششششش
هو : ينفع كده ترمي نفسك في الميه مين هايوصلني بقى

[قمر الليالى]

ابرد من كدة بنيادم انا مشفتش
كان المفرود ترمة هو فى المية او تتبلى علية وتقول انة
بيعكسها

[التئبة]

ههههههههههههههههههههههههه ههههههههههه حوار لطيف اوي شكرا ليك على التوبيك الجامد ده

[ريماس]

يخربيت البرود ده لو معايا اشله بصراحه اسوق البرود اللي علي حق مع شخص زي ده

جتهم نيله ميلوا البلد



توبيك تحفه

[HoBa HoBa]

ههههههههههههههههههههههههه هههههه
بجد جامدة مووووووووت
انا لو عندى حد كدة والله كنت انتحرت من اول الطريق
ههههههههه

[نيمو]

توبيك بجد بجد جامد بيسلموا بس ايه الواد البارد ده ده خنقنى انا شخصيا يلا البقاء لله بقى عشان تعرفوا ان فى ولاد ترفع الضغط مش البنات بس تقبل مرورى

[taha madkour]

روعة يا باشا

[Sezer]

منورين يا شباب التوبيكم بردودك الجامده