انا جاى اهدى النفوس

**Sezer** · 4 - 8 - 2009, 07:19 PM

دي شويه مواقف رد فعلكم بيكون فيها غلط

جيت اعلمكوا حسن التصرف علشان تبقوا حلوين مع بعض

خطأ لما تكون ساكن بالدور الأرضي ... وفوقك ساكن واحد ... وجت الساعه وحدة ...
وأنت بتنام ... سمعت صوت وهيصه... و مش عارف تنام ... و تروح لهم ..
و تخبط عليهم... وتقول لهم .. ممكن توطوا الصوت شويه اصلي هنام و ترجع ..
و تلقيهم على نفس الحاله .. وتقول .. ربنا يخدهم مش عارف انام .. وتكمل للصبح ..
الصح : اول شي تروح تجيب حته حديد حلوه بالبيت
وبعدين تروح وتطلعله ولا تخبط على الباب ولا الجرس اضرب الباب برجلك
لحد ما يفتح و تضرب بالحديده فى راسه فى جنب واحد
لحد ما راسه تتفتح فى ناحيه واحده. علشان الجيران لبعضيها وكده

خطأ : لما تكون متابع فيلم .. ومتحمس .. ثم يجي واحد من اخواتك ويغير القناة ..
من غير ما يقولك... و تقوله ليه غيرت مش شايفنى بتفرج؟
الصح : بالصنيه اللى جنبك... و لو مفيش بالطفايه اللى جنبك
و تديله فى خلقته ... و تاخد الريموت.. بدون ماتكلمه
واتفرج على فيلمك ... وتابعه بصدر رحب

خطأ :لما يخبطك واحد وانت ماشى.. و توقع كتبك... وتاخدها وتمشى.. و تعتذروا لبعض.
الصح : تمسكه من قفاه... وتمسح بيه الحيطه
و تلبه فى بطنه .. و يريت بكوعك ولا بركبتك
و تقوله .. مره تانيه تفتح عينك يا لوح ..

خطأ : تفتح الإشارة .. و يزمرلك واحد رخم وراك...و تطلع في المراية ...
و تلقيه متعصب موت.. و تشاورله متاسفين...
الصح : تنزل بمفتاح عجل.. او كوريك... و تروحله... وأول مايفتح الباب ... جره من شعره
وتفضل تضربة لحد ما يبوس رجلك .
و بعدين ..
قله مرة ثانية الاشاره خضره .. تبقى حمره.. تبقي زرقه...
حط لسانك فى بقك و اخرس.

خطأ : تدخل المحاضرة متأخر ... يقولك الدكتور اطلع برا يا فاشل .
ياللي فيك ومافيك ... ويقفل الباب فى وشك .. و تخرج وانت متضايق ...
الصح : انك تمسكه من كرفتته وبعدين تلفه وتلفه وتلفه وتلفه وتلفه
وبعدين تريح شويه وبعدين
تلفه وتلفه وتلفه و تعلقه من الجرافته فى البروجيكتور ..
و تقوله ..
مش جامعه ابوك دي عشان تطرد الطلبه

خطأ : جالسين أنت ومجموعة من الشباب ... وعندكم علب بيبسي
و جايب الهدوم من على الحبل... فصاحبك يرج العلبه ... ثم تجيى تفتحها
فتغرق هدومك... ويضحكو عليك .. فتقول ... و الله لارده فيك المقلب ده
الصح: تمسكه ... مع رجليه ... و تمسح بيه الارض ... و تجيب علبه بيبسى..
وترجه رجا مبرحا ... ثم تفتحه بوجهه ...
و بعدين ..
تقوله انا مش اخوك الصغير عشان تهزر معايا ياغبي
و المره ده سمحتلك عشان خاطر اصحابى ياحمار
و لا اقولك!! ...
و تكب العلبه كلها عليه

خطأ : تحلق عند حلاق ... ومتحمس تعلمه يعمل كذا ... وسوي كذا
وهو يقولك أنت بس ارتاح ..
وتسيبه ... وتلقاه حالق نص شنبك ... و مبوظ شعرك... وتحاسب وتطلع
وتقولوالله ما احلق عندك تانى.

الصح : تاخذ الموس ... و تظبط وشه... وشنبه
وإن حصل تحلق راسه ... و ما تحسبوش ... و يا سلام عليك لو تضربوا...
و بعدين ..
قول بينك وبين نفسك ... مش احلق عنده تانى

خطأ : تمشي بالحارة .... مثلا رايح للمسجد ... و بعدين يجى عيل
و يرميك بطوبه.. ثم تلعن الشيطان وتعوذ من إبليس ... وتكمل طريقك
تقول ربنا يسامحه...
الصح: تاخذ لك مطوه وتغزه بيها و تضربه في وشه كده خير وبركه
وإن ماضربتوش بالمطوه خذ عصايه وامسكه و قطعه من الضرب

إن صوت خير وبركه ...
بس لو ما صوتش.. سيبه ... و روح صلي و خلص مشاغلك
و ارجع مخصوص عشانه.. وتفرغ له ...
اكيد هيصوت قبل الصلاه اللى بعدها

خطأ : راكب سيارتك مستعجل ... وكل اشارة توقف عندها ...
حتى الاشارات اللي مافيها أحد
الصح : حتى لو انت مش مستعجل ... اقطع الاشارة .
الاشارة حطوها للي ما بيعرفوش يسوقوا .

خطأ:تكتب بعد نهاية اي موضوع تكتبه في المنتدى
ان شاء الله ما كونش طولت عليكوا و تقعد تتاسف وكأنك عامل عمله
الصح :المفروض تكتب اقروا وانتم ساكتين واذا طولت موضوعي فبمزاجى
واللى مش عاجبوا ما يقراش ..واللي قرأ الموضوع وما ردش هولع فيه بجاز

انا بنصح بس لو حبيتوا تجربوها
انا معرفكوش ولا عمرى شفتكوا

**~~رشة جريئة~~** · 4 - 8 - 2009, 07:22 PM

ايوة والله صح انته جاى تهدى النفوس يا سيزر هههههههههه

**~~ZOORA~~** · 4 - 8 - 2009, 07:23 PM

ليك حق ماشى

وانا إلى كنت هقولى انى تبعك لما أجرب

مشكور جدا الموضوع جامد

ونصايح أجمد

**Sezer** · 4 - 8 - 2009, 07:27 PM

المشاركة الأصلية كتبت بواسطة رشة جريئة

ايوة والله صح انته جاى تهدى النفوس يا سيزر هههههههههه

ايوه يمكن حال الدنيا يتصلح
تسلمى يا قمر

**Sezer** · 4 - 8 - 2009, 07:29 PM

المشاركة الأصلية كتبت بواسطة ZOORA

ليك حق ماشى

وانا إلى كنت هقولى انى تبعك لما أجرب

مشكور جدا الموضوع جامد

ونصايح أجمد

والله ردك هو الى اجمد
تسلملى يا برنس

**كابوس الحرامية** · 4 - 8 - 2009, 07:31 PM

https://forum.masrawycafe.net/showthread.php?t=29126

**قمر الليالى** · 4 - 8 - 2009, 07:32 PM

المشاركة الأصلية كتبت بواسطة Sezer

خطأ:تكتب بعد نهاية اي موضوع تكتبه في المنتدى
ان شاء الله ما كونش طولت عليكوا و تقعد تتاسف وكأنك عامل عمله
الصح :المفروض تكتب اقروا وانتم ساكتين واذا طولت موضوعي فبمزاجى
واللى مش عاجبوا ما يقراش ..واللي قرأ الموضوع وما ردش هولع فيه بجاز

انا بنصح بس لو حبيتوا تجربوها
انا معرفكوش ولا عمرى شفتكوا

كل الكلام دة مينفعش لازم نمشى فى الشارع بسنجة

وانا عجبنى وقريت وادينى رديت علشان مبحبش الجاز

تسلم ايدك يا بوب

**Sezer** · 4 - 8 - 2009, 07:39 PM

المشاركة الأصلية كتبت بواسطة MISS.NONY

https://forum.masrawycafe.net/showthread.php?t=29126

opps
والله مكنتش اعرف
وانت لازم تفضحينى يعنى

**Sezer** · 4 - 8 - 2009, 07:44 PM

المشاركة الأصلية كتبت بواسطة قمر الليالى

كل الكلام دة مينفعش لازم نمشى فى الشارع بسنجة

وانا عجبنى وقريت وادينى رديت علشان مبحبش الجاز

تسلم ايدك يا بوب

مبتحبيش الجاز؟
طب ايه موقفك من السولار؟
بس العموم انت خلاص رديتى

وفلتى
نورتى يا قمرايه

**اميره الغرام** · 4 - 8 - 2009, 11:59 PM

انا لو قلت عليك انك سكر يبقي ظلمتك

الموضوع: انا جاى اهدى النفوس

أدوات الموضوع

انا جاى اهدى النفوس

معلومات الموضوع

الأعضاء الذين يشاهدون هذا الموضوع

المواضيع المتشابهه

كنتم فين يا أخواتي لما ضاعت ملفاتي؟ ورقة ورقة دبوس دبوس زنجا زنجا

الكلمات الدلالية لهذا الموضوع

ضوابط المشاركة