اسئلة بجد رخمه بس حلوة

**الاميرة سومة** · 11 - 8 - 2009, 06:23 PM

شويه اسئلة بجد رخمه بس حلوة
يارب تعجبكم

****************
س: ايه الشبه بين الجرنال والشمس ؟؟
ج: الاتنين بيطلعوا الصبح
س: ايه الشبه بين التفاح والكمثرى ؟؟
ج: الاتنين مش جوافة
س: ايه الشبه بين الصعيدي الذكي وسوبر مان ؟؟
ج: الاتنين خيال علمي
***********
***********
س: ايه الفرق بين الصحراء.. وايام الاسبوع.. وموس لورد ؟؟
ج: الصحراء مفيهاش حد
ايام الاسبوع فيها حد واحد
موس لورد فيه حدين
***********
س: واحد وقع من الدور التاسع لقى ايه ؟؟
ج: لقى مصرعه
س: واحد وقع من الدور العاشر لقى ايه ؟؟
ج: لقى حتفه
***********
س: ليه الأرنب مبيعديش من قدام القهوة ؟؟
ج: بيخاف من السحلب المكار
س: دكتور أسنان ارتكب جريمة يسجنوه فين ؟؟
ج: في سجنال تو
***********
س: ليه نابليون كان بيقعد قدام التلاجة ؟؟
ج: عشان يستنى حملة فريزر
***********
س: ايه هي قمة الادب ؟؟
ج: انك تخبط على التلاجة قبل متفتحها
س: ايه هي قمة الصبر ؟؟
ج: انك تستنى حد يفتحلك
س: ايه هي قمة الدهشة ؟؟
ج: حد يفتحلك فعلا
***********
س: إيه وجه الشبه بين الحلاق وجورباتشوف ؟
ج: الإتنين بيتعاملوا مع الروس
س: إيه وجه الشبه بين القمر وصينية البطاطس ؟
ج: الإتنين ميتعملوش عصير مانجو
***********
س: إيه العلاقة بين الكمبيوتر والحفرة ؟
ج: الكمبيوتر حاسب آلى
أما الحفرة حاسب لتقع
س: ليه في الأرجنتين مش بيزرعوا تين ؟
ج: لأنها من الدول اللا تينية
***********
س: إيه الفرق بين الليمون والزيتون ؟؟
ج: الأولاني بيتعمل منه لاموناتة والتاني مابيتعملش منه زاتوناتة
س: إيه الفرق بين الزمالك والشامبو البرت بلاس ؟؟
ج: البرت بلاس اتنين فى واحد لكن الزمالك اتنين فى عبد الواحد__________________
وده سؤال منى ليكم بقا
ايه الفرق بين الكوبرى,والنفق,وازى الصحه؟
ت
ح
ي
ا
ت
ى

**قمر الليالى** · 11 - 8 - 2009, 06:50 PM

س: إيه الفرق بين الزمالك والشامبو البرت بلاس ؟؟
ج: البرت بلاس اتنين فى واحد لكن الزمالك اتنين فى عبد الواحد__________________
هههههههههههههههههه فلتحيا الاهلى

الكوبرى بنعدى من علية والنفق من جواة وازى الصحة الحمد لله

الموضوع حلو اوى تسلمى

**~~ZOORA~~** · 11 - 8 - 2009, 09:10 PM

ههههههههههههههه
جميلة جدا

أسئلة تمام ومن الاخر

مرسى يا جميلة سومة

**الاميرة سومة** · 11 - 8 - 2009, 10:48 PM

العفو يا قمر بس ليه مجاوبتيش على سؤالى

**fulla** · 11 - 8 - 2009, 10:50 PM

اذى الصحه هههههههههههههه الحمد لله تماااااااااااااام

ميرسي يا سوومه على الرخامه دى

قصدى التوبيك الرخم مش انتى

**الاميرة سومة** · 12 - 8 - 2009, 03:44 PM

ههههههههههههههههههههههههه هههه
العفو
تسلم ايديكو

الموضوع: اسئلة بجد رخمه بس حلوة

أدوات الموضوع

اسئلة بجد رخمه بس حلوة

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة