تعبت خلاص

[my baby you]

عايزه اعرف قوللى احساسك ايه .عايزه اعرف لما تكون بتحب فى حد وهو عدوك؟
لما تكون عايش له بكل بأمانه وغدره فى ضلك ؟
عايزه اعرف قوللى احساسك ايه ؟
لما تكون عايش بين ناسك بس يا قلبى لوحدك
لما تعادى الدنيا عشان قلب سابك لوحدك؟.....بجد مش حاجه صعبه دى انك تفضل تحب فحد وتشوفه انه كل حياتك وهو يقسى عليك ومش حاسس بيك لما تعمل اى حاجه وتحسسه انك قد ايه بتحبه ومتفكرفش فنفسك ولا تخاف عليها عشان الدنيا وخداك بفرحتك بيه هو .وتكون نقطه ضعفك لو حسيت فصوته بس زعل ونفسك تشوفه احسن واحد وانك صعب تعيش مع حد تانى غيره وخسرت ناس عشانه عشان عندك ثقه لما يكون معاك هيتغير للاحسن عشانك وعشان حبك ليه.لما تتمنى انك تعيشى ولو يوم واحد بس معاه.مش عشان بتفكرى فنفسك وعايزاه يكون معاكى وخلاص لا عشان واثقه ان مفيش حد هيقدر يخرجه من اى يجرح غيرك او انه يفهمه.لما يقدر يبعد عن حياتك وممكن يقولك كده بس انت جواكى مش هتقدر تردى عليه غير بتوحشنى.لما يكون حزين او زعلان يبقى انت اللى مش قادر تنام عشانه.انك كل ما تفكر وتقول هنساه تكره نفسك عشان قلت كده وتحس انه لو لحظه هان عليك .وتوصل درجه حبك ليه انك هتشوفه مرتاح لو بعدت عنه غصب عنك تعمل كده بس تتمنى انك يكون ليك طفل منه روحه عشان دى الحاجه الوحيده اللى هتبقى روحه فيها.توصل حبك وخوفك عليه لدرجه ابعد من كده .وانك مش هتتقدر تعيشى ايامك اللى جايه من غير ما تعرفى عنه اى حاجه وفلاخر تلاقى نفسك حمل تقيل عليه .وتحس فكلامه جرح ليك وانك هنت عليه وان كل كلمه قالها ليك كان كدب او كانت وقتها وخلاص وبرضو مش هاين عليكى وبتقول لنفسك ان ده من ورا قلبه.محدش يقول ده غباء او سذاجه او طيبه او مش عارفه مصلحتك وكرامتك.حفظنا ع الكرامه وكل حاجه واخترتى انك تبعدى .بس هتعمل ايه احساسك هيكون ايه..ياريت يكون حد قدر يفهمنى..وربنا ما يحط اى حد فالموقف ده لانه بجد صعب

[my baby you]

انا محتاجه اعرف رأى كل حد يدخل بجد ؟؟؟؟؟

[my baby you]

؟؟؟؟؟؟؟؟؟؟؟؟؟؟؟؟؟؟؟؟؟

[نار الشوق]

بجد التوبيك جامد وصعب اوى فعلا..ان الواحد يحب حد للدرجه دى ويلاقى نفسه حمل تقيل عليه..ربنا معاكى بجد وتقدرى تنسى او ع الاقل تحاولى تعيشى حياتك

[my baby you]

ميرسى ليكى .وربنا يهدينا ويقدرنى على انى انسى

[LOAA KESHTA]

بجد ربنا يصبرك

[my baby you]

ميرسى لكل واحد رد عليا..

[قطقوطة]

ربنا معاكى بجد
من اصعب الاحاسيس والمشاعر انك تحس بالظلم دا كله وبالغدر رغم الوفاء وبالكذب رغم الصدق وبكل حاجة حلوة كان الرد عليها بكل ماهو سيء
بجد حرااااااااااااااااااااااا م جرح المشاعر لان دى نقطة ضعف اى بنت
فجأة كدة تلاقي اللى كان بيقويكى في يوم من الايام هو اللى بيقوى عليكى
ياسمين

[maahes]

السلام عليكم ورحمة الله وبركاته
أسف جدا على هذه المشاعر المتدفقة منك لشخص لايستحق ولكن هذا حال الدنيا فأن ليس كل مايتمناه المرء يجده ،أسف فعلا.
ومأجمل النسيان فى هذه المواقف رغم صعوبتها ، فلكي الله يأمة الله.
ولكي مني جميل الشكر

[my baby you]

ميرسى ليكى يا ياسمين ولكلامك..وليك يا maahes بس والله ياريت يكون النسيان سهل انا فعلا بحاول اعمل واعود نفسى ع حاجات كتير..انا بس ببقى نفسى اطمن عليه..عشان كرامتى بعدت وبعدت غصب عنى المره دى مقدرش اعمل حاجه عشان جه عليا اوى وحسسنى انى مش مهمه بالنسبه ليه.المشكله دلوقتى انه فضل شهر منعرفش حاجه عن بعض ولا انا حاولت انى اتصل ولاهو كمان .بس من يومين كان بيتصل وبعت رساله يسأل عنى.بس انا مقدرتش ارد .صعب عليا اللى عمله .انا هونت عليه هو مش سابلى حاجه اقدر اعملها جرحنى كتير وكنت بستحمل عشان بحبه ولغايه دلوقتى جوايا مسامحه.بس اخر حاجه حصلت بينا صعبه وصعب عليا نفسى .كونى انى احس ان تقيله عليه وانه ممكن يتهرب منى اعمل ايه تانى استحمل ..ربنا يسامحه انا مش قادره حقيقى نفسى بس اطمن عليه يقولى انا كويس ومش عايزه حاجه منه بس يطمنى عليه وفنفس الوقت كرامتى مقدرش اجى ع نفسى اكتر من كده..بجد صعب عليا اللى انا فيه ده.اتصرف ازاى لو كلمنى تانى ارد عليه ولالا واعمل ايه ؟