فتيات للبيع !!!!!!

[جومانه2009]

بنات هذا الزمن اهم شئ عندهم هى المادة متغاضيين عن اى شئ
فكيف تكون المادة هى الهدف الوحيد لعلاقة كالزواج؟
الزواج الذى اهم شروطة لكى يستمر وينجح ..الحب..التفاهم..الاحترام
فاتلجاء الفتاة الى الزواج المادى بائعة الحب وكل ما يجعلها سعيدة
بشئ مثلما يأتى يزول بسرعة!!
وهى المادة!!
فتاة لكى تعيش حياة ترف وغنى تبيع نفسها لانسان لا تعرفه لمجرد انها علمت انه لديه مادة!!!!
فلماذا تبيعى نفسك بأرخص الاثمان؟؟؟؟؟؟
لكى تحسنى من حياتك او تعيشى فى مستوى اعلى مما انتى فيه وانتى لا تعلمى انك تباعى بالرخيص!!!!!!!!
فتاة كل حجتها ان ظروفها صعبة ومعيشة اهلها غير مرضية
فتبيع نفسها وهى لا تعلم ان ما تبيع نفسها به يأتى ويزول فى لمحة البصر!!
وفتاة كل حجتها انها تريد العربية والفيلا وحساب البنك وهى لا تعلم انها مجرد سلعة كل من يدفع اكثر يفوز بها!!!
لماذا لا تختارى شريك حياتك بقلبك وعقلك الذى يدلوكى على انسان يسعدك ويحميكى ويحبك ؟؟؟
حتى ولو كان محدود الدخل فاعلمى اننا نحن من نصنع المادة وليس هى من تصنعنا.
فتأكدى ان ما يأتى بسرعة يزول بأسرع مما أتى..
سؤال

لماذا اصبح هذا الحل هو الحل الوحيد عند اغلب بنات هذا العصر؟؟
وهل هو حل منطقى وصحيح؟؟؟
ام انه مثلما ذكرنا فى بداية الامر مجرد سلعة تعرض فى السوق ومن يدفع اكثر يفوز بها؟؟

موضوع مهم ومستفز
ارجو منكم المناقشة لكى نحاول ان نلفت انظار من تفكر بتلك الطريقة
لكى نعلم اننا فى نهاية الامر بشروليس سلعة
ارجو النقاش للاهمية وخطورة الموضوع

[botta]

بصى يا جومانة
كل بنت حقها انها تتجوز واحد يعوضها ( لو كانت أسرتها غير ميسورة ) أو يحافظ لها على المستوى اللى كانت عليه فى بيت أهلها
بس الغلط هو ان البنت اللى بتلاقى الراجل ده بتمسك فيه بغض النظر عن دينه و خلقه اللى المفروض لهم النصيب الأكبر فى التفكير
و يمكن البنت دى معذورة لأن الأغنياء دول بقوا قليل و حتى كمان معظمهم بيكون كبير عنها مش شاب
اللى أنا قلته ده هو وجهة نظرهم
بس كمان ما ننساش دور الأهل اللى ما بيصدقوا و يقولوا واحد هيعيش بنتنا كويس
ربنا يسترها على كل البنات

[كابوس الحرامية]

هو فعلا شيء محزن
وللاسف فيه كتيييييييييييير من امثال الفتيات دول اللى مش بيفكر غير في الماده لكن هما بيخسرو حاجات كتير جدا قدامها سعادتها وحياتها واحيانا كرامتها
وكفايه جدا احساسها باهدار كرامتها بانها سلعه تشترى .لكن اهم ما في الحياة الزوجية الحب والتفاهم والاحترام وعمر الفلوس مابتشتري سعاده
لان الناس دلوقتي اختلفت عن زمان تفكيرهم بقى سريع ونمط حياتهم بقى اسرع وكل حاجة بقت سهله علينا حتى الجواز والطلاق
ربنا يهديهم
...
تسلمي يا جوجي على الموضوع المهم ده
ربنا يوفقك يا حبي

[جومانه2009]

بصى يا جومانة

كل بنت حقها انها تتجوز واحد يعوضها ( لو كانت أسرتها غير ميسورة ) أو يحافظ لها على المستوى اللى كانت عليه فى بيت أهلها
بس الغلط هو ان البنت اللى بتلاقى الراجل ده بتمسك فيه بغض النظر عن دينه و خلقه اللى المفروض لهم النصيب الأكبر فى التفكير
و يمكن البنت دى معذورة لأن الأغنياء دول بقوا قليل و حتى كمان معظمهم بيكون كبير عنها مش شاب
اللى أنا قلته ده هو وجهة نظرهم
بس كمان ما ننساش دور الأهل اللى ما بيصدقوا و يقولوا واحد هيعيش بنتنا كويس
ربنا يسترها على كل البنات

يمكن يكون كلامك منطقى
بس نقول ايه لانسانه باعت نفسها لواحد عمرها ما شفته ولا عرفته الا يوم كتب الكتاب
وكل اللى خلها توافق على ده هى المادة وحجتها انها عايزة ترتاح
وقبلة انها تكون سلعة لفترة اقل من شهرين شافت فيهم العذاب والذل من كل انواعه
وهى دلوقتى بقلها ثلاث سنوات تريد ورقة طلاقها
فهى بين السماء والارض
دى ممكن نقول عليها مش عيب انها حبت تحسن وضعاها
ها ايه رأيك

[جومانه2009]

هو فعلا شيء محزن

وللاسف فيه كتيييييييييييير من امثال الفتيات دول اللى مش بيفكر غير في الماده لكن هما بيخسرو حاجات كتير جدا قدامها سعادتها وحياتها واحيانا كرامتها
وكفايه جدا احساسها باهدار كرامتها بانها سلعه تشترى .لكن اهم ما في الحياة الزوجية الحب والتفاهم والاحترام وعمر الفلوس مابتشتري سعاده
لان الناس دلوقتي اختلفت عن زمان تفكيرهم بقى سريع ونمط حياتهم بقى اسرع وكل حاجة بقت سهله علينا حتى الجواز والطلاق
ربنا يهديهم
...
تسلمي يا جوجي على الموضوع المهم ده
ربنا يوفقك يا حبي

فعلا يا نونى كلامك كله صحيح
بس للاسف البنات دى مش بتعرف انها عملت الغلط وباعت نفسها كده الا بعد فوات الاوان
تسلمى يا حبى على مرورك

[طلة القمر]

صباح الخير جومانه
العيب كله مش على البنات
يمكن 50 فى الميه
وال50 التانيه
الظروف المعيشيه اللى وصلنا ليها
فعلا فى ناس مش لاقيه تاكل
وناس بترمى الاكل فى الزباله
الحياه فعلا اصبحت صعبه وغاليه
اكيد اللى بيدوق المر قوى فى حياته
بيصعب يشوف القرار الصح
المهم عنده يغير الطريق المظلم اللى عاش فيه طول عمره
ولو ليوم واحد بس التمن غالى
يمكن تحسبها ضربة حظ
يمكن تكسب
بس اكيد بتخسر
ربنا مع البنات
ويحسن ظروف الجميع
بارك الله فيكى
اختك طله

[جومانه2009]

تسلمى طله على مرورك
وفعلا معاكى حق
وفعلا اغلب الفتايات اللى بتطر اننها تتزوج بتلك الطريقه بتكون ظروفهم معدومه مش صعبه
ولكن للاسف فيه واحده منهم سألوها اى طريق فيهم احسن ظروفك المعدومه او جوزاك وعذابك بالطريقه دى قالت ظرفى ولو كانت اصعب من كده
يعنى مش دايما حل الزواج ده كويس
وتسلمى مرة اخرى على مرورك

[No TiMe]

جميل التوبك جومانه وبالفعل فيه بنات بتجري ورا الماده ودي بتكون فيها خسرانه خسرانه وعمرها ما تكسب
اهم حاجه في الزواج الناجح ان يكون مبني علي حب وتفاهم وثقه بين الطرفين
صعب انك تتجوزي واحد علي فلوسو وكدا هتلاقي حياتك كلها مقلوبه
وفيه بنات مبيكونش ليها يد في الحكايه ديا واللي بيكون ليه اليد في كدا الاب او الام
مفكر انو لو زوجها لواحد معاه فلوس هيعيشها وهتبقي معاه سعيده ودا تفكير غير صحيح
السعاده ان الاتنين بيحبو بعض ويكونو عاوزين بعض مش يتججوزوو بعض علشان الفلوس بس
توبك جميل ومهم الايام ديا يسلمووو الايادي بجد

[جومانه2009]

ميرسى ليك يا اسلام على مرورك ورأيك
وفعلا كلامك منطقى جدا
وكمان عايزة اقول لاى بنت
انتى ممكن تتزوجى بانسان حالته المادية يعنى متوسطة
بس لو بتحبيه
اكيد انتى وهو ممكن تحققى حلمك فى تحسين ظروفك وظروفه

[salama10]

موضوع رائع كالعادة جومانه

فعلا دى بقت ظاهرة ان البنت ممكن تتجوز انسان لمجرد انه غنى

بس للاسف عمر الزواج ده بيكون قصير

طبعا الزواج علاقة لازم تكون مبنية على حب وتفاهم وانسجام بين الطرفين

لأنها مش علاقة عابرة يوم ولاشهر ولا حتى سنة

دى رباط مدى الحياة

تسلم ايدك جومانه على الموضوع

دمتى بحفظ الرحمن