(ياااااااااااه مكنتش متخيل ان دى هتبقى نهايتى و بالشكل ده)
انكمش فى ركن الحجرة وهو بيلعن حظه الى وصله للمصير ده , (معقول نهايتى هتبقى بالشكل الفظيع ده ان جسمى يسحق كده بس اعمل ايه ده مفيش منفذ اهرب منه ما انا كمان زنقت نفسى كان مفروض اهرب من الناحية التانية)
تقافزت الافكار دى كلها فى باله بينما الجسم العملاق الذى سيسحقه يقترب منه ببطء
(مهما عملت هيصيبنى الجسم الكبير ده و هيسحقنى يااااااه و هتخرج احشائى و تتناثر هنا وهناك انا بك.......)
وقبل ما يكمل جملته هوى الجسم الثقيل عليه و سحق جسمه الصغير و تناثرت احشائه هنا وهناك .....تحققت اسوأ كوابيسه

(اخيرا خلصت منه ده كان صرصار سخيف تصدق بقالى ربع ساعة بجرى وراه)
قالت الزوجة لزوجها وهى بتلبس فردة الشبشب مرة تانية ...
تمت بحمد الله ...
التوقيع:Y.Y