نايب بلدنا الهمام

**عفريت أفندى** · 1 - 1 - 2010, 12:15 PM

بسم الله الرحمن الرحيم

السلام عليكم و رحمة الله و بركاته

شعر سياسى حبيت يكون الموضوع ف القسم السياسى

مش فى قسم الاشعار

الشعر بعنوان

نايب بلدنا الهُمَام

نايب بلدنا الهُمَام ....... عاملينه شخصيه قيمه

نِسمعله حبة كلام ........ نِلـْطع إيديه الكريمه

رغم انه ناقِص علام ..... وزمِّتـُه مش سليمه

ونقابله آخر احترام ...... بقلوب بلدنا الغشيمه

دايمًا بيحضر قوام ... في أي مَعْزىَ في خيمه

ويوَّزع الابتسام ........ بعدين يخش ف نميمه

ع اللي صِحِي واللي نام .. واللي طلعله بغنيمه

واللي قعد واللي قام ... واللي سرق كام بهيمه

ياما وعود بالكلام ....... وكأننا ف فيلم سيما

مشروع إنارة ظلام ...... كل البيوت القديمه

توسيع حدود الزمام ...... وبلدنا يبقالها قيمه

والناس تصدق قوام ...... تفرح بنيَّات سليمه

ويعدِّي عام بعد عام .. تِكشِف وعوُدُه العقيمه

والناس تفوق م المنام ... تِنزل عليه بالشتيمه

لاكن شعور بانهزام ..... يخلق مشاعر أليمه

ينووا معاه الخِصام ..... بعد الوعود السقيمه

ويقرروا الانفصام ...... ويصمموا بالعزيمه

وفي انتخاب تاني عام .. ترْجَع روابط حميمه

ويعود ما بينهم وئام .... وتعود وعوده اللئيمه

والناس تصدَّق قوام ... ينسوا الحاجات القديمه

ينسوا كلام كان رُكام ..... ينسوله أكبر جريمه

أصل الرجوع والسلام .. عاده في طبعِك يا ريمه

************

للعلم منقوووووووول

**عفريت أفندى** · 5 - 1 - 2010, 03:33 PM

فين الردود ؟؟

**ايسل** · 5 - 1 - 2010, 04:59 PM

نايب بلدنا الهمام نايبه وحطت علينا

مشكور وليد على نقل هذه الكلمات التى تعبر عن حقيقه نواب الشعب

**عفريت أفندى** · 6 - 1 - 2010, 06:41 AM

المشاركة الأصلية كتبت بواسطة ايسل

نايب بلدنا الهمام نايبه وحطت علينا

مشكور وليد على نقل هذه الكلمات التى تعبر عن حقيقه نواب الشعب

تسلمى ايسل على مرورك الجميل

و فعلا نايب بلدنا نايبه و حطت علينا

تحياتى لتعليقك المميز

**بك أستجير فمن يجير سواك** · 9 - 1 - 2010, 01:54 PM

يمكن دلوقتى اقولك ايوة هما كده زى ماقولت بس كمان مش كلهم
وبجد انا شوفت ولمست تعب ناس علشان ناس وحب فى الناس
علشان كده بقولك انى مش كلهم وبجد كلماتك متميزة وربنا يسترها علينا
ودمت متميز وحفظك الله

**عفريت أفندى** · 10 - 1 - 2010, 07:49 AM

الارض

يمكن دلوقتى اقولك ايوة هما كده زى ماقولت بس كمان مش كلهم
وبجد انا شوفت ولمست تعب ناس علشان ناس وحب فى الناس
علشان كده بقولك انى مش كلهم وبجد كلماتك متميزة وربنا يسترها علينا
ودمت متميز وحفظك الله

فعلا يا ريم

مش كلهم

لكن معظمهم

بنسبه 99 %

تسلمى على مرورك الجميل

تحياتى

الموضوع: نايب بلدنا الهمام

أدوات الموضوع

نايب بلدنا الهمام

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة