•°¤*(¯`°(s)( (ازاى تعرف انك ماشى فى شارع مصرى) )(s)°´¯)*¤°•

[♥بـونـبـونـايـه سـكـره♥]

لوف مرة كنت ماشى ف حال سبيلك
وفجأه لقيت نفسك تايه
ومش عارف انت فين
ولقيت الحاجات دى
يبقى لا زم تعرف
ان انت أكيد أكييييد فى مصر

WELCOME TO CAIRO




•
لما تقرى على الميكروباصات جمل مكتوبة بخط اليد هى خلاصة التجربة والحكمة البشرية زى " يا سلام لو الناس تبطل كلام " " ما تبصليش بأيامه دا انا بجرى على يتامى " – " الحلو حلو ولو صحى من النوم " – " الحاسد ربنا يعينه " – " يا بركة دعاكى يامه " – " يقينى بالله يقينى" – " كل واحد عاجبه عقله " – " ما حدش فاهم حاجة " – " لا افتخار ولا غنى دى من ربنا " – " للبيع عشان ترتاحوا " .

[CENTER]

• لما تلاقى أعمدة النور منورة بالنهار بنورها الاصفر زى كوبايات ينسون ايزيس أورجانيك .

• لما تلاقى نفس العواميد دى مطفية بالليل .

• لما تقرا أسماء شوارع وماتعرفش مين الناس دى " ميدان لاظوغلى " " شارع نوال " " شارع ابن الوز عوام " .

•لما تكون إشارة المرور معمولة مخصوص عشان الواحد يكسرها .

• لما اى حد يسألك عن أى حاجة بس بصيغه دينية زى " الساعه كام والله ؟ " - أو " والنبى شارع طلعت حرب إزاى؟ " – فحد يجاويه ب " على طول إن شاء الله " .

• لما تقف بعربيتك ف الاشارة جمب ميكروباص وتلاقى كل الركاب بيبصوا لك ف وقت واحد نظرة ملهاش معنى .



•
لما تلاقى فرق الافطار السريع ف رمضان لحظة اذان المغرب عشان تدى الصايمين ع الطريق أكياس بلح ، وتلاقى الشاب منهم متحمس ويقف لك ف نص الطريق ( ماعندوش مانع انك تدوسه بس المهم تفطر ) .



• لما تلاقى اعلان ف الشارع بطلته ممثلة أو موديل عارية الاكتاف وفيه حد لون الكتف العارى ده باللون الاسود .

وبرضو
ويلكم تو كايرو

[Special Girl]

ههههههههههههههههههههههههه ههههههههههههههههههههه
ولما تقرأ موضوع ذى العثل كده يبقى انت اكيد اكيد فى منتدى مصراوى كافيه
تسلم ايدك ا سولى على التوبيك االعثثل ده
تقبلى مرورى

[♥بـونـبـونـايـه سـكـره♥]

ههههههههههههههههههههههههه ههههههههههههههههههههه
ولما تقرأ موضوع ذى العثل كده يبقى انت اكيد اكيد فى منتدى مصراوى كافيه
تسلم ايدك ا سولى على التوبيك االعثثل ده
تقبلى مرورى

تسلميلى جوجو حبيبت قلبى منورانى دايما بمرورك العثل

[back 2 life]

ههههههههههههههههههههههههه ههههههههههههههههه
توبيك يجنننننننننننن
تسلم ايدك يا قمرايه

[♥بـونـبـونـايـه سـكـره♥]

ههههههههههههههههههههههههه ههههههههههههههههه
توبيك يجنننننننننننن
تسلم ايدك يا قمرايه

تسلمى انتى ياعثل منوره التوبيك والمنتدى كله