صررررررررخه ............ اسمعوني

**هشام اللول1** · 5 - 4 - 2010, 02:42 PM

ياشعب نهرك نهر النيل وعطاشنين

ياشعب كلك رجال اعمال وفنانين وللاسف الباقي جعانين

ياشعب فيك 6 اكتوبر والشروق والعبور وغيرها ياما كتير وللاسف 5 عائلات في غرفه عايشين

ياشعب شبابك وصل التلاتين ولسه مش متجوزين

ياشعب كلك ناس طيبين وعايشين منداسين

ياشعب انت الحضاره وللاسف مش متقدمين

ياشعب كلك ارض وصحراء وللاسف الناس مدفونين

ياشعب تعليم عالي وعلماء وفي الاخر كلنا عاطلين

مش عارف احنا كده شعب ظالمين ولا مظلومين

ياشعب رئيسك حسني وللاسف عطاشنين وجعانين ومش عايشين ومش متجوزين ومنداسين واميين ومدفونين وعاطلين

وانا شايف انه كده طبعا واكيد مظلومين مش ظالمين

فين فلوس قناه السويس

فين فلوس توشكي

فين فلوس السياحه

فين فلوس الخصخصه

فين فلوس الزراعه

فين فلوس الصناعه

فين فلوس رجال الاعمال اللي بالمليارات

فين فلوس الغاز الطبيعي والبترول

اعتقد وطبعا دي ضريبه علي الهواء اللي بستنشقه

طب احب اعرف

العيب في الحكومه ولا العيب في الشعب

للاسف مسمعناش ولاعرفناش الجوع والعطش والفساد والبطاله الا في عهدك يارئيسنا (مبارك)

فين عهد جمال فين عهد انور

فعلا عهد مبارك مش عهد مبارك

فعلا عهد جمال كان فعلا جميل

فعلا عهد انور كان فعلا منور

عاوزين نعيش

بنطلب ابسط حقوقنا المياه والطعام والعمل

وبلااااااااااش فسااااااااااااد

مش عاوزين أي ترفيه مش عاوزين سيارات

ولا عاوزين بواخر ولا عبارات

ولا فيلل ولا عمارات

عاوزين نعيش وبس

والله العظيم دي مش عيشه

فهمووووووني ياعالم

**عفريت أفندى** · 5 - 4 - 2010, 04:09 PM

فهمووووووني ياعالم

يا إتش هدى أعصابك

أحسن يحصل لك حاجه

ربنا المستعان

و حسبنا الله و نعم الوكيل

**ايسل** · 5 - 4 - 2010, 04:19 PM

فهمووووووني ياعالم

ياعم هشام نفهمك ايه مش لما نفهم احنا الأول
يمكن بيحوشولنا الفلوس علشان لما نكبر

شكرا هشام

**snowfall** · 5 - 4 - 2010, 04:41 PM

محدش فاهم حاجة خااااااااااااااااالص
المهم ان اللى احنا فيه مش ذنبه لوحده ولا ذنب الناس اللى اسمهم رجال اعمال و الناس التانيين ده ذنبنا احنا كمان لاننا سكتنا كتيير وجايين نتكلم بعد مدة كبيرة اوى ويارتنا بنتكلم بصوت عالى دا احنا حتى مش محصليين وشوشه بس انا شايفة انها مشكلة شعب كل واحد فيه بقى يخليه فى نفسه وبس زيادة عن اللزوم لحد ما بقى كل واحد عايش فى مشكلى هو بس ومحبوس فيها ونسيينا ان كلنا عندنا اسم واحد فى البطاقة هو (مصرى) يلا ربنا يستر معانا

**هشام اللول1** · 5 - 4 - 2010, 05:43 PM

المشاركة الأصلية كتبت بواسطة مرهف الاحساس

فهمووووووني ياعالم

يا إتش هدى أعصابك

أحسن يحصل لك حاجه

ربنا المستعان

و حسبنا الله و نعم الوكيل

شكرا ياوليد
بس متخفش علينا احنا لسه شباب برده

بس الواحد خايف علي الاجيال القادمه

حرام يعيشوا نفس العيشه دي
ومش هي دي مصر

شكرا ياوليد

**هشام اللول1** · 5 - 4 - 2010, 05:47 PM

المشاركة الأصلية كتبت بواسطة ايسل

فهمووووووني ياعالم

ياعم هشام نفهمك ايه مش لما نفهم احنا الأول
يمكن بيحوشولنا الفلوس علشان لما نكبر

شكرا هشام

ايوة عندك حق يا ايسل

يبقي يعطوها لينا نهايه خدمه

خلاااااااااص هما مش عاوزين الشعب يعيش

وعلي العموم ربنا يستر يمكن بكره نفهم

علي العموم متحوليش تفهمي يا ايسل

**~ NORA ~** · 5 - 4 - 2010, 08:15 PM

هشام هدي أعصابك ان شاء الله يمشي حسني هو وابنه ويجلنا البرادعي يارب يارب يارب

**mito_alsidy** · 5 - 4 - 2010, 10:04 PM

الحمد الله
دى حسنه مش حسنى
بس احنا مش وخدين بالنا

**براكودا** · 6 - 4 - 2010, 07:55 AM

صباح الفل يا هشام
ويا عم هدي اعصابك
وانا هقولك رأيي باختصار
عهد جمال احسن من عهد فاروق وعهد السادات احسن من عهد جمال وعهد مبارك احسن من عهد السادات .
استبشر خيرا

**bosy_na** · 7 - 4 - 2010, 02:16 AM

إحنا شعب ربنا غاضب عليه

واللى ربنا غاضب عليه بيبتليه

ربنا إبتلانا بالوباء ربنا يرضى علينا ويشفينا منه

الموضوع: صررررررررخه ............ اسمعوني

أدوات الموضوع

صررررررررخه ............ اسمعوني

معلومات الموضوع

الأعضاء الذين يشاهدون هذا الموضوع

المواضيع المتشابهه

قصة جثة فرعون .. وإسلام العالم الفرنسي .. بصور فرعون

الكلمات الدلالية لهذا الموضوع

ضوابط المشاركة