نهاية حب وبدايه حب

[out of love]

السلام عليكم

انا عندى سؤال ومحتاجة الاجابة

لو اى حد منكوا كان عنده صديق
مرتبط بشخص وكان بيحبه جدا وبعدوا ومحصلش نصيب
والشخص اللى صحبك كان بيحبه مثلا جى وقالك انه بيحبك وعايز يرتبط بيك
هتعمل ايه ؟؟؟؟؟؟؟؟؟ ياترى هتوافق وتنسى صاحبك ؟
ولا هتقول لصاحبك ؟ ولا هترفض ؟؟ ولا هتجرب ؟
ولا ايه ؟؟؟؟؟؟؟؟


وانت كنت عارف كل حاجة من صاحبك دا ومين اللى صح ومين الى غلط
وكمان عارف مدى حبه

[آية الرحمن]

مستحيل طبعا لازم ارفض لان دايما
صحبتى هى الى هتتعذب وكمان
مينفعش ارتبط بحد كان يوم من الايام
مرتبط بحد من اصحابى وكمان دايما هبقى
فى مشاكل مع صحبتى والصداق احلى شئ
صعب تتعوض وصعب اخسر صديق علشان حبيب

[عفريتـــة هانم]

امممممممممممممممممممممممم
شوفى قبل اى حـــد انتى عايزة ايـــة بمعنى لو انتى حاسة انك فعلا عايزة الشخص دة وانو هيقدر يحافظ عليك ومش هتبقى علاقة وانتهت زى صاحبتك قبل ماتخدى اى قرار روحى اتكلمى مع صاحبتك شوفى هو لسة فى قلبها ولا خلاص وحسب ردها عليكى انتى هتقدرى تقررى لوحدك بس اهم حاجة لو انتى فعلا عايزاة بجد تعرفى صاحبتك بس مش هقولك هتخسريها لو هى دماغها كبيرة مش هتخسرو بعض ولو العكس برضة مش هتخسرو بعض بس مش هيبقى فية صفاء نيــــة فى المعاملة بينكم وفى الاخر دى حياتك ومحدش يخترها غيرك
تقبلى مرورى

[روكي]

الموضوع ده صعب وانتي مش هينفع اصلا تقولي لصحبتك عشان هيحصل مشاكل معاه ومعاكي وممكن او اكيد هتخسريها ديه حاجه حاجه تانيه انك تعرفي كل اللي كان بنهم وسبب المشاكل ومين اللي غلطان واكيد اي موقف هيحصل معاه لو ارتبطي هتقارني بين اللي بيعملوا معاكي واللي كان بيعمله معاها ومفروض انه عارف حاجه زي ديه فاسئليه ليه انتي واكيد بردوا انتي كنتي امامه من الاول مع صاحبتك وفي الاول والاخر ده قرارك وربنا يوفقك
تقبلي مروري