فين حشيشك يا مصر

**SCREEM** · 18 - 4 - 2010, 01:20 PM

SHAMM_m_tcm6-2975202.jpg

كل الللي يعرفوني هنا عارفين كويس ان كل مصيبة بشك في الحكومة

لكن الغريب ان المرة دي و رغم انها مش مصيبة لكن بردو شكيت في الحكومة
كلنا ( قرأنا مش عشان بندور ) في الصحف و المجلات عن ان الحشيش شاحح اليومين دول و ان ( المدخن) بيدوخ دوخة الست اللي رافعة قضية نفقة لحد ما يلاقي قرش

الحشيش راح فين

HASH1.jpg

انا سافرت ايام ازمة الانابيب و رجعت لقيت ازمة حشيش
دة احنا كنا دولة منتجة ،يا ترى هل دة ليه دعوة بعجز الموازنة العامة

هل اقتراب الانتخابات ليه علاقة باختفاء الحشيش حيث انه من المعروف ان بعض المرشحين ( الشرفاء) يقوموا بشراء الاصوات الانتخابية بقروش الحشيش و بعض الاقراص الاخرى ( 8-9% يدخنوا الحشيش ) عملية نضيفة 100%

HASH2.jpg

هل هي حملات الداخلية الاخيرة على اباطرة المخدرات ( زي ما بتقول الحكومة ) هي السبب ، طب معلش كانوا فين من زمان
دة انا اسمع ان بعض الافراح الشعبية المخدرات بتتوزع فيها زي الشربات

هل هي الطريقة المعهودة لرفع سعر السلعة باخفائها و تعطيش السوق لفترة ثم ظهورها و التاجر يلم الغلة في حجره بالساهل و يبقى عندنا احتكار للحشيش يعني هو اقل من الحديد في ايه دة الفرق حرف واحد

هل هي طريقة لترويج انواع اخرى من المخدرات و مكافحة النوع الشعبي و الحشاشين بقى يجربوا انواع تانية و يرجعوا للبانجو و الماريجوانا و خصوصا ان صورة الماريجوانا بقت ملزقة على اغلب الاشياء و ادام عنينا طول الوقت

marijuana_leaf.jpg

طب هل هي نظرية المؤامرة يعني مثلا نفكر ان اسرائيل هي السبب فقررت تحول الدفة من الحشيش الشعبي لان بعض البسطاء يعتقدوا زي نور الشريف في فيلم العار ان الحشيش اعشاب مش مخدرات فلمت كل الحشيش عشان تخلي الناس تشرب هيروين مثلا

اتخيل ان الصين دلوقتي و خصوصا انها دولة قاعدة للساقطة و اللاقطة و عارفة تسد جميع احتياجات الشعوب من كل شيء قاعدين في غرزة صيني و بيصنعوا حشيش صيني و حتنزل بيه على رمضان كدة و تحرق السوق باسعار ليس لها مثيل ، فينك يا جهاز حماية المستهلك

الغريب في الامر ان موضوع اختفاء الحشيش من الاسواق بقى معروف و كل الناس بتتكلم عادي على ان الحشيش شاحح و كأنه سلعة تموينية زي السكر و الزيت و الا حتى مدرج في البورصة مش غريبة دي
حتى انا اللي حتى لا اشرب الشاي اول ما فكرت في موضوع اكتبه قررت ( انفس ) بيه عن نفسي طلع عن الحشيش
و بمناسبة موضة الاعتصامات و الاحتجاجات و الوقفات و انتشارهم لا استبعد ابدا وجود اعتصام او وقفة احتجاجية تنادي بتوفير الحشيش و بناء الغرز اوحتى توفير الكلُلة هي يعني سويسرا احسن منا
دي بقت هي اللي بتستورد الحشيش بنفسها من الدول المنتجة علشان تضمن انه لا يتم خلطة بمواد مسممة و يبقى خطر على الحشاش السويسري المحترم لانه لازم يبقى حشيش بيور عشان صدره مش زي خلطة يحيى الفخراني في فيلم الكيف ، طبعا ملناش دعوة بالعالم دي ، دول بيعملوا دراسات و حاجات كبيرة تجيب صداع و احنا ناس دماغنا اكبر من كدة

عشان كدة و من موقعي هذا اعتقد ان السبب الحقيقي لازمة الحشيش ان محدش عارف يفيش الهوامش
و الحل الوحيد ان الحكومة تفتح باب الاستيراد و تدعم الحشيش و تنزله على بطاقات التموين و لا تفرض عليه أي ضرايب بطرسية عشان النفس

**عفريت أفندى** · 18 - 4 - 2010, 07:56 PM

حشيش فايده فيك يا سكريم

تسلم يا عمونا

موضوع لووووووووووز

ممكن الناس عشان تلاقى الحشيش

تفيش الهوامش بس المهم إنها تطلق الهاويس

**SCREEM** · 18 - 4 - 2010, 08:58 PM

المشاركة الأصلية كتبت بواسطة مرهف الاحساس

حشيش فايده فيك يا سكريم

تسلم يا عمونا

موضوع لووووووووووز

ممكن الناس عشان تلاقى الحشيش

تفيش الهوامش بس المهم إنها تطلق الهاويس

حتي الحشيش الحكومه مزنقه عالشعب فيه يمكن بيعملو قانون وهينزلو دعم ولا حاجه

الف شكر ياحج علي مرورك

**bosy_na** · 18 - 4 - 2010, 09:49 PM

حتى انا اللي حتى لا اشرب الشاي اول ما فكرت في موضوع اكتبه قررت ( انفس ) بيه عن نفسي طلع عن الحشيش

ده موضوع تنفس بيه عن نفسك ؟؟

ده انتا تفكر تشرب شاى احسن

شكراااااااااااااااااااااا اااااااا سكريم

موضوعك يودى .............. مارينا

**SCREEM** · 18 - 4 - 2010, 10:30 PM

المشاركة الأصلية كتبت بواسطة bosy_na

حتى انا اللي حتى لا اشرب الشاي اول ما فكرت في موضوع اكتبه قررت ( انفس ) بيه عن نفسي طلع عن الحشيش

ده موضوع تنفس بيه عن نفسك ؟؟

ده انتا تفكر تشرب شاى احسن

شكراااااااااااااااااااااا اااااااا سكريم

موضوعك يودى .............. مارينا

يعني اغير الموضوع ولا اشيله ولا اعمل ايه وبعدين ماالموضوع يودي مارينا اهي فرصه الواحد يصيف اما اذا كانت مارينا الي في دماغك فياريت يعاملوني معامله حرامي غسيل

الف شكر لمرورك الجميل نورتي

**عفريتـــة هانم** · 18 - 4 - 2010, 10:38 PM

ههههههههههههههههههههههههه هههه
والنبى ما انت مزعــــل نفسك يا راجل
هى ازمـــة وبأذن الله هتعدى
ههههههههههههههههههههههههه ه
موضوع جـــأمد والله تسلم الايادى
تقبل مرورى

**SCREEM** · 18 - 4 - 2010, 10:52 PM

المشاركة الأصلية كتبت بواسطة عفريتـــة هانم

ههههههههههههههههههههههههه هههه
والنبى ما انت مزعــــل نفسك يا راجل
هى ازمـــة وبأذن الله هتعدى
ههههههههههههههههههههههههه ه
موضوع جـــأمد والله تسلم الايادى
تقبل مرورى

لازم ازعل نفسي ان مزعلتش في دي هزعل في ايه بس وبيسمع من بقك ربنا يارب نفسي اشوف الحكومه بتحل ازمه يمكن تقدر تحل دي

الف شكر علي مرورك الجميل نورتي

**aymanemad** · 18 - 4 - 2010, 11:01 PM

والله يا جماعه مفيش ازمه ولا حاجه ده الحشيش عندنا للركب

**SCREEM** · 18 - 4 - 2010, 11:25 PM

المشاركة الأصلية كتبت بواسطة aymanemad

والله يا جماعه مفيش ازمه ولا حاجه ده الحشيش عندنا للركب

فين ياحج بس مفيش ده غير ان علي كلامك ده يعني الحكومه فشلت في دي كمان يانهار اسود

الف شكر علي مرورك ياحج

**Innocent** · 19 - 4 - 2010, 12:01 AM

كل ازمه وانتو طيبين يا دراله
ثانكس اسكريم على التوبك

الموضوع: فين حشيشك يا مصر

أدوات الموضوع

فين حشيشك يا مصر

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة