سمع هس

[الجراح]

الا ترون اننا نتهكم ونجلس دائما في مقاعد المتفرجين ونرصد الحدث وتتباين ردود الافعال والانفعالات وقاعدين نضحك على بعض
لماذا لا نبحث عن الحلول كحل بديل عن لطم الخدود والنواح
امامكم الكثير من القضايا على سبيل المثال لا الحصر
ابحثوا عن شخص ما له من القدرات والتي تتلائم مع افكاركم لتولي مهام الرئاسة
ابحثوا عن حل لقضايا الاقتصاد المصري
ابحثوا عن حل لمشكلة التعليم
ابحثوا عن حل لمشكلة المياه الاتية وبسرعة البرق والاخطار الناجمة عن ذلك
ذكرتموني بمجالس بيزنطة ظلوا يبحثون في مشكلة هل الملائكة ذكورا ام اناثا حتى قضي على دولتهم
في اللغة العربية فعل وفاعل ومفعول به
انتم الان مفعول به ولا موش واخدين بالكم
لماذا لا تكونوا انتم الفاعلين
شكرا

[Innocent]

كله بيبحث بس للأسف ماحدش بيلاقى حاجه
العيب فى النظر باين والا ايه
ثانكس جراح على التوبك

[الجراح]

الاخ الكريم
الواضح ان الجميع او معظم الشباب فضل مركز المهاجم والذي يعمل من خلال خريطة عشوائية بلا عقل او تنظيم
والكثير هنا بيفكر ازاي يكتب على الرغم من قبل ان تكتب لابد وان تقرأ لتطلع على افكار من حولك
غلط كل ده غلط
تعملون بشكل عشوائي بلا عقل او تنظيم بل والادهى ان عملكم مثل الفلاش يعمي الابصار للحظات ثم فجأة يظهر له
عسكري امن مركزي ياخدو على قفاه
يا ولدي العزيز انتبهوا لخوازيق عواجيز السياسة فهم يضعونكم رصاصة في مقدمة ماسورة طبنجة هم يملكون الزناد
والاخر سوف تجدون العواجيز على الكرسي وتتحولون مرة اخرى الى جماعة من لاطمي الخدود
يا عم اصحوا وفوقوا ربنا يهديكم
وجاي انت تقولي كله بيبحث
سلملي على ابحاثكم
عارف انك او غيرك ممكن يزعل مني
لكني ارجوكم ان تبحثوا لكم عن منهج عمل محدد ودقيق
ياريت تفهموا القصد الحقيقي من هذا الرد
ولا اقولك انتم احرار عايزين تفهموا افهموا موش عايزين تفهموا مفيناش من زعل
اعملوا وقفات ومظاهرات بعد ايام الشهر 6و7و8و100 ابريل والاخر عسكري امن مركزي غبي حيجري وراك ويطرقعلك
افهموها بقى الله يخليكوا

[ايسل]

لماذا لا تكونوا انتم الفاعلين

الأخ الجراح كيف تطلب منا ان نكون فاعلين ويوجد نظام يقبع على قلوبنا
ولا يقدم لنا اى شئ بل بالعكس
يقضى علينا نحن سيدى مفعول به غصب عنا وان اعترضنا كما تحدثت انت عسكرى امن يمسكنا من قفانا
تطلب ان نكون فاعلين اذا نجتهد فى الحصول على اعلى الشهادات وبتفوق
ثم نجد غيرنا هو من يجلس فى المكان الذى لا يستحقوا هل رأيت
الشباب المتعلمه التى تعمل فى المجارى تقول بدل الهتافات والتفاهات والرغى والاعتراض اجلسوا وحلو مشكلة التعليم استغرب كثيرا فى كل مكان فى العالم يختار الشعب حكومه تمثله يثق بها وهى من تحل المشاكل
نحن هنا لا نختار حكومتنا ولا يسمعون لنا ولا حتا لو تظاهرنا كيف بالله عليك نحل مشكلة التعليم اصغر فرد مثقف فى هذه البلد يعرف كيف تحل مشكلة التعليم فى بلدنا ها وبعدين هنعمل ايه علشان ننفذ الافكار التى ترفع من مستوا تعليمنا لو تقدمنا بحلولنا هيقولولك بلها واشرب ميتها
عايزنا نحل مشكله التعليم اخرج لى من الوزاره كل الفاسدين والمرتشين
والكساله الذين يقبضون الاموال ورأسهم على مكاتبهم وكأنهم اهل الكهف اجمع لى المدرسين واسألهم اين ضمائركم اين ذهبت لماذا لا تعطون الطلاب حقوقهم من الشرح بما يرضى الله وليس بالدروس هيقولوا علشان الحكومه جوعتنا بعنا ضمايرنا اخى الفاضل مصر اصبحت خراب بسبب هذا النظام ونحن السبب لأننا صمتنا كثيرا على اخطائهم لم يجدوا من يعترض على اى شئ اخطأوا فيه
اخى الفاضل مش عايز حد يخرج 6 ,7 100 علشان منتاخدش من قفانا طيب
ارجوك ان توضح لى بدل ان تقول افهموا بقى فهمنا انت الخطوات التى نقوم بها لأصلاح هذا الخراب الذى نعيش فيه وقل لى كيف سنحل مشكلة التعليم بلاش قولت فى كلامك بنمشى ورا السياسين وبيضحوا بينا طيب هاتلى حل نعرف نختار من يمثلنا علشان نضمن نجاحهم فى كافة مجالات حياتنا

انت فعلت مثلنا تحدثت مثلنا فى مجالس بيزنطه ننتظر منك حلول لكى

يمكن نقتنع بكلامك ونعمل زيك

واشكرك

[الجراح]

اخي او ابني الكريم احييك
انت محق تماما وحاولت انت ان افكر بالنيابة عنك وان اقود
فمن الممكن ان اكون مغرضا واملي علك الكلام المقنع جدا وبما يتوافق مع مصلحتي الشخصية ولا تظن اني بجهز نفسي للهروب من الاجابة
وتأكد اني سوف اقول لك تصور سياسي قديم والتمس لي العذر ان لم يتوافق كلامي مع اتجاهك فالفرق يربو عن الستين عاما و مع ذلك حجاوبك
اولا لي سؤال ساذج عليك بالاجابة عليه و بكل امانة
1-هل لديك بطاقة انتخابية؟
هل انضممت الى اي تنظيم حزبي او سياسي؟
هل فعلت شيئا يفيد بيئتك او جيرانك ؟
هذه الامور بديهيات الف باء سياسة
ومع ذلك سوف اجيبك لكن كان من الضروري اثبات سلبيتك ومتزعلش مني لكنك ارتضيت ان انصحك
لابد اولا من التجمع السياسي الثقافي ...كيف؟ حقولك
طول عمرنا بنكلم في مواضيع زي البغبغانات مثلا وعد بلفور ..ماذا تعرف عنه؟ وتفاصيل بنوده
مثال اخر اسم بلدك لماذا قد تم تسميتها بأسم جمهورية مصر العربية ولم تسمى الجمهورية العربية المصرية؟
ماذا تعرف عن اتفاقية السلام مع اسرائيل كامب ديفيد يعني؟
لابد يا ولدي العزيز من توحيد الجهود من قبل كل اطياف الشباب وبمنتهى الحرية تتحاورون
تحت اي مسمى يتم هذا التجمع وليكن مثلا التجمع الكروي الاهلاوي لنشر الثقافة بين شباب الاهلي ونتكلم في الكورة ويتم ارفاق اي مواضيع اخرى
اوعى تقولي ان ده كلام هجص وخيال لا ابدا والله لابد عمل ستار حديدي لجمعكم فالجمع رياضي صرف
يعني خليك خبيث شوية وورط معاك النادي الاهلي لأنك محتاج ضهر وسند
تعالى جيب كتاب في السياسة او الاقتصاد او اي مجال اخر وناقش الكتاب مع اصدقاء لك ومنه تجد مدخلا للحديث في السياسة ومجالات اخرى
ناقش مشكلة النظافة في الحي الذي تسكن فيه واجمع كل الاصدقاء وابحثوا عن طرق للوصول لحل
المداخل للحديث في السياسة متعددة وبدون حرج ولا مغامرات غير محسوبة العواقب
انا معاك في ذلك النقاش الرائع بس اوعى تنسى تجاوبني على كل ما طرحته عليك من اسئلة
عايزني اتكلم اكتر حكلمك بس واحدة واحدة كده مع بعض
شكرا وللحديث بقية

[ايسل]

وتأكد اني سوف اقول لك تصور سياسي قديم والتمس لي العذر ان لم يتوافق كلامي مع اتجاهك فالفرق يربو عن الستين عاما و مع ذلك حجاوبك

بالعكس اخى جراح تعلمنا ان الاكبر منى بيوم يعرف عنى بسنه وانت تقول فوق الستين فاحسبها انت بقى علشان انا فاشله فى الحساب

-هل لديك بطاقة انتخابية؟
لماذا؟؟؟؟؟؟؟ لماذا؟؟؟؟؟؟ لماذا؟؟؟؟؟ وارجو الا تسميها سلبيه لأنها فى وجهة نظرى قمة الأيجابيه
هل انضممت الى اي تنظيم حزبي او سياسي؟


وهل من وجهة نظرك يوجد الأن اى حزب او تنظيم
محترم او رؤساءه يبحثون فعلا عن مخاطبة الشعب
وتوعيته وهل عندهم مبادئ اصلا بحثت اخى بل واعرف الكثير من خباياهم منهم من يبحث عن تمويل خارجى ومنهم من يبحث عن ارضاء الحزب الحاكم ومنهم من يبيع ضميره حتى لا يخلع من كرسيه بالله عليك كيف تنضم الى هؤلاء

ومع ذلك سوف اجيبك لكن كان من الضروري اثبات سلبيتك ومتزعلش مني

مش زعلانه ولكنك فهمتنى خطأ انا قولتلك قول انت الحلول لأنك اتهمتنا بالتالى
تعملون بشكل عشوائي بلا عقل
انتم الان مفعول به
ذكرتموني بمجالس بيزنطة ظلوا يبحثون في مشكلة هل الملائكة ذكورا ام اناثا حتى قضي على دولتهم
فوجدت من كلامك ان طريقتنا لم تعجبك واننا بنكلم بس ومش بنحل حاجه على الرغم من انى اجد ان كلامنا مفيد حتى لو كنا نتحدث فقط دون ان نفكر فى حلول مش احسن ما تلاقينا البلد بتولع واحنا بنتكلم على اغانى عمرو دياب وكوكب الشرق هيفا وهبى كويس ان احنا بنكلم يعنى عرفنا حقوقنا وعرفنا ان النظام ده خسف بينا سابع ارض
علشان كده قولتلك انت انتقدتنا بس مقولتش حلول يعنى عملت زينا اتكلمت زى مجالس بيزنطه اتمنى ان تكو ن فهمت ماذا قصدت
وعد بلفور ..ماذا تعرف عنه؟ وتفاصيل بنوده
مثال اخر اسم بلدك لماذا قد تم تسميتها بأسم جمهورية مصر العربية ولم تسمى الجمهورية العربية المصرية؟
ماذا تعرف عن اتفاقية السلام مع اسرائيل كامب ديفيد يعني؟
فهمت من هذه الاسئله انك عايز تقول انتم جهله وبتكلموا وخلاص واذا كنا فعلا نجهل هذه الاسئله التى طرحتها اذا العيب مش فينا بل فى نظام التعليم فى مصر فاشل فاشل

على فكره انا لا اسميه وعد بلفور انا اسميه
وعد من لا يملك لمن لا يستحق
لأن اعدائنا بيسموه ارض بلا شعب لشعب بلا ارض.
اما ما ذكرته بعد ذلك فهى احلام ورديه
الكل يبحث عن تحسين مستواه المعيشى
والشاهد على ذلك اجساد الشباب التى تعودلنا بسبب الهجره غير الشرعيه عايزهم يقعدوا ويفكروا ويحلوا هما عايزين يختاروا رئيس هو اللى يصلح حال البلد
على الاقل يعيشوا من غير ما يفكروا بكره هياكلو ايه علشان يعرفوا سا عتها يفكروا فى السياسه والاقتصاد وتنظيف الحى
اعتذر على الاطاله ولكن حبيت اوضح لك كيف نفكر
واشكرك

[براكودا]

والله يا خال اصبت المرمى
فأنا شايف ان المعارضة عندنا صراخ وصويت واضرابات واعتصامات ، قبل ما اي حد منهم يطلع ويقدم حل او فكرة لحل موضوع ما ، المعارضة في مصر يعني اعارض الحزب الحاكم في ايجابياتة وسلبياتة ، اعارض الحكومة في كل قرار او كل مشروع او كل قانون من دون ان ندرسة بكل جوانبة الايجابية والسلبية ، ولكن نسعى لابراز السلبيات فقط لا الايجابيات و السلبيات .
ولكن لو فيه معارضة بجد ولها افكارها ولها حلولها سوف تجبر الكل على احترامها واولهم الحكومة نفسها .
وليه مثلا بتوع 6 ما يعملوش حزب سياسي منظم ليفيدوا البلد اذا كان عندهم حاجة تفيد ، وليه البرادعي عمال يلف ويدور ويروح هنا وهناك من غير ما يكون له حزب سياسي محترم ، وكان من الممكن انه يرشح نفسة من خلال حزبة بكل سهولة .
ممكن يطلع واحد معارض يقولي ( ازاي نعمل احزاب ولجنة الاحزاب من الحزب الوطني )
يا سيدي اتقدم انت الاول وابدأ بخطوة ايجابية مدروسة صح ،، وبعدين لو رفضوا يبقى انت كسبت برضوا وهما اللي خسروا .
للاسف ماشيين في طريق خطأ .
اتمنى ان تتقبل مروري

عماد

[الجراح]

السلام عليكم

وارجو الا تسميها سلبيه لأنها فى وجهة نظرى قمة الأيجابيه

ارجو ان تتحملي النقد بروح رياضية جملتك هذه غير مقنعة مثلك مثل باقي الفاشلين من الاحزاب في دول العالم المتخلف في السودان في مصر في تشاد الخ
شارك وقل رأيك من خلال صندوق مغلق وخذ خطوة وسر مرة واحدة للامام ..المقاطعة ليست الحل المناسب فعندما قاطع الناخب المصري الصندوق قال السلطويين
بركة يا جامع وانفردوا بل التهموا الصندوق اتعلمين كم عدد الناخبين في انتخابات الرسة في مصر اسمعي يا ستي
ستة ملايين ناخب ونصف تقريبا ..مليون ونصف للمرحوم ايمن نور واربعة ملايين للغضنفر ..من عدد بطاقات انتخابية 24 مليون بطاقة ..فضيحة
هذا مافرزت عنه الصناديق جاية تقوليلي ان ده منتهى الايجابية اديني امارة لقد رددتي ما يقولنه فشلة الحزب الناصري والوفديين والاحرار وكل هؤلاء الفشلة
عايزين فكر جديد موش شغل بغبغانات نردد ميقال وخلاص فوقوا من غفلتكم ايها الشباب ام مصر قولتلك مفيناش من زعل

وهل من وجهة نظرك يوجد الأن اى حزب او تنظيم

ايوه يا ستي دي وجهة نظر العقلاء موش شغل المنظرة والخيابة اللي انتو بتعملوه ...شغلكم الخايب ده يجهضه عسكري امن مركزي مقرونا بصفعة محترمة على القفا
اما شغل التنظيمات ومن خلال اسمه تنظيمات اي خاضع لنظام وقاعدة بيانات افهموها بقى


]

العيب مش فينا بل فى نظام التعليم فى مصر فاشل فاشل

[شماعة بتعلقي عليها فشلك كان من الممكن انك تروحي مكتبة وتجيبي كتاب عن تاريخ مصر التحرري مثلا او كتاب عن مناهج النضال لكنك عايزة تاخدي الدنيا لوي دراع وفتاكة وفهلوة وصوت عالي واعمل اي لبش وخلاص ...غلط في مناهج وعلم ومعلمين واهل خبرة واهل ثقة وشبكة معلومات عنكبوتية ...لكنكم فضلتم شغل العافية والله يكرمه عسكري الامن المركزي احسن دواء للحالة دي وتقريبا والله اعلم انكم اصبحتم مدمنين ضرب على القفا
قلتلك متزعليش مني عشان انا مولع منكوا ....انا موش من رجالة السرايا افهمي المسألة صح ان كنت عايزة تفهمي

[QUOTE]على فكره انا لا اسميه وعد بلفور انا اسميه
[وعد من لا يملك لمن لا يستحق[/QUOTE]
شطورة يا حبيبتي ده يا ستي الكل كلام المرحوم جمال عبد الناصر وبتردديه زي اخوانا بتوع الاتحاد الاشتراكي بتاع زمان او الاخوة العرب اللي هما اخيب منك
سامحيني ابنتي لي ابناء اكبر منك ولهم ابناء يقاربونك في السن ...موش عايز اقول اكتر من كدة وبفضل اني اتكلم بالدارجة في اوقات كتير
اما وعد بلفور فسوف اتحدث لكم عنه في وقت اخر
المصيبة انك موش عارفة اسم بلدك وجاية تتكلمي في السياسة حاجة تغيظ
وتقولي لي اني عايز اثبت انكم جهلة ...بتضربي اسفين بيني وبين الناس ..لأ يا ستي انا عايز اثبت انكم ناقصي علم ومعرفة بالكثير من الامور واوعي تقوليلي انك احمد زويل ...وحتى علمي المتواضع والذي يصنف بأنه اعلى من البكالوريوس بشويتين او تلاتة برضوا ناقص
ليه كده ....ايوه جهلة وبالفم الملان وعنتريين وسيوفكم من خشب ودواكم اتعرف
لا عمل بدون علم وانت تتعالون على العلم وتظنون بأنفسكم العلماء وعواجيز السياسة قاعدين بالمرصاد وحيوصلوا للكراسي على قفاكم
اقسم بالله اني لم اقصد تقديم اي اهانة او اساءة لكم لكني اتحدث وكأني اتحدث مع اولادي تماما
ان كانت صياغة كلماتي اخذت منحى الشدة فهي في مستقر الوجدان حب وعتاب
وانصحكم وانصح نفسي بتقوى الله والتحلي بالصبر وان لا تتعالوا على العلم
شكرا احبائي

[الجراح]

والله يا خال اصبت المرمى
فأنا شايف ان المعارضة عندنا صراخ وصويت واضرابات واعتصامات ، قبل ما اي حد منهم يطلع ويقدم حل او فكرة لحل موضوع ما ، المعارضة في مصر يعني اعارض الحزب الحاكم في ايجابياتة وسلبياتة ، اعارض الحكومة في كل قرار او كل مشروع او كل قانون من دون ان ندرسة بكل جوانبة الايجابية والسلبية ، ولكن نسعى لابراز السلبيات فقط لا الايجابيات و السلبيات .
ولكن لو فيه معارضة بجد ولها افكارها ولها حلولها سوف تجبر الكل على احترامها واولهم الحكومة نفسها .
وليه مثلا بتوع 6 ما يعملوش حزب سياسي منظم ليفيدوا البلد اذا كان عندهم حاجة تفيد ، وليه البرادعي عمال يلف ويدور ويروح هنا وهناك من غير ما يكون له حزب سياسي محترم ، وكان من الممكن انه يرشح نفسة من خلال حزبة بكل سهولة .
ممكن يطلع واحد معارض يقولي ( ازاي نعمل احزاب ولجنة الاحزاب من الحزب الوطني )
يا سيدي اتقدم انت الاول وابدأ بخطوة ايجابية مدروسة صح ،، وبعدين لو رفضوا يبقى انت كسبت برضوا وهما اللي خسروا .
للاسف ماشيين في طريق خطأ .
اتمنى ان تتقبل مروري

عماد

هذا الفكر يكاد يكون الاقرب للصح ليتهم مثلك
شكرا لك

[الجراح]

والله زي العسل الله يباركلك
خليكوا اقعدوا وابحثوا لحد مترجع 67 تانية