إلى حبيـب الملايين الريـس حسـني مبارك والأربعين حرامي ..؟

**عمر خورشيد** · 22 - 4 - 2010, 09:39 PM

السلام عليكم ورحمة الله وبركاته ..

لكم الله يا شعب مصر ..

أقدم لكم كلام يقال أنه من أشعار الشاعر/ أحمد فؤاد نجم

//////////////////////////////////////////

سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك – هاتفتكر مين ولا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين

///////////////////////////////////////

مع خالص تحياتي لكم ..

**مسافر عبر الازمان** · 22 - 4 - 2010, 09:51 PM

ااااااااااااااااااااااااا ااااااااااااااااااااااااا ااااه

الفساد .........ساد

**براكودا** · 23 - 4 - 2010, 02:35 AM

نعم الريس حبيب الملايين

**ايسل** · 23 - 4 - 2010, 03:12 AM

نعم الريس حبيب الملايين الجعانين واللى مش لقين بيوت وفى الشارع نايمين المشردين واللى برا بلادهم علشان لقمة العيش مذلولين ولا اجساد شبابنا اللى رجعوا غرقانين
ايوه الريس حبيب الملايين
شكرا خورشيد

**عمر خورشيد** · 23 - 4 - 2010, 04:31 PM

المشاركة الأصلية كتبت بواسطة مسافر عبر الازمان

ااااااااااااااااااااااااا ااااااااااااااااااااااااا ااااه

الفساد .........ساد

هي دي مصر في عهد على بابا والأربعين حرامي ...؟

**عمر خورشيد** · 23 - 4 - 2010, 04:40 PM

المشاركة الأصلية كتبت بواسطة ايسل

نعم الريس حبيب الملايين الجعانين واللى مش لقين بيوت وفى الشارع نايمين المشردين واللى برا بلادهم علشان لقمة العيش مذلولين ولا اجساد شبابنا اللى رجعوا غرقانين
ايوه الريس حبيب الملايين
شكرا خورشيد

مصر في عهد / على بابا بقت في مستنقع الفساد والأهانة للمواطن المصري ..

ولكن أن شاء الله سوف يأتي فجر جديد ويولد قائد لمصر يراعي الله فينا ويخاف على مصلحة البلد ...؟

شكراً ليكي يا أسيل وأنتي بجد نورتي الموضوع بمرورك العطر ..

**عمر خورشيد** · 23 - 4 - 2010, 04:44 PM

المشاركة الأصلية كتبت بواسطة براكودا

نعم الريس حبيب الملايين

هو في الحقيقة يعني حبيب الحرامية الكبار وليس حبيب الشعب ..؟؟؟؟؟؟؟؟؟؟

**عمر خورشيد** · 23 - 4 - 2010, 04:45 PM

المشاركة الأصلية كتبت بواسطة براكودا

نعم الريس حبيب الملايين

في الحقيقة يعني هو حبيب الحرامية الكبار وليس حبيب الشعب ..؟؟؟؟؟؟؟؟؟؟

**عمر خورشيد** · 23 - 4 - 2010, 06:27 PM

شكراً ليكم على مروركم ..

**هشام اللول1** · 23 - 4 - 2010, 08:48 PM

هم دول المصريين الصبورين
علي كل بلاء بنصبر
بس الصبر طال والله
30 سنه صبر
ياااااااااااااااااااااااه
ياصبر ايوب

شكرا اخي الكريم عمر
وبارك الله فيك

الموضوع: إلى حبيـب الملايين الريـس حسـني مبارك والأربعين حرامي ..؟

أدوات الموضوع

إلى حبيـب الملايين الريـس حسـني مبارك والأربعين حرامي ..؟

معلومات الموضوع

الأعضاء الذين يشاهدون هذا الموضوع

المواضيع المتشابهه

عيـــــد ميـــــلاد ميين !!!!!

الكلمات الدلالية لهذا الموضوع

ضوابط المشاركة