۩۞۩ قصيدة من حسني مبارك الى الشعب المصري .( ممنوعة من النشر .. جامدة جداً جداً ).۩۞۩

[m&m2009]

هذه القصيدة من اشعار شاعر العامية الكبير

أحمد فؤاد نجم ..


وطبعاً القصيدة منعت من النشر في مصر ولكن لا يستطيعون أن يمنعونا من نشرها على الانترنت لاننا نعيش الحرية على النت مدام مش عارفين نعيشها في بلد حسني مبارك والاربعين حرامي ..؟


تعالوا نشوف بيقول ايه عمنا احمد فؤاد نجم :-


من حسنى مبارك " إلى شعب مصر "


ياشعبي ياحبيبي ياروحي يابيبي ياحاطك في جيبي يابن الحلال ..

ياشعبي ياشاطر ياجابر خواطر ياساكن مقابر وصابر وعال ..

ياواكل سمومك يابايع هدومك ياحامل همومك وشايل جبال ..

ياشعبي اللي نايم وسارح وهايم وفي الفقر عايم وحاله ده حال ..

احبك محشش مفرفش مطنش ودايخ مدروخ واخر انسطال ..

احبك مكبر دماغك مخدر ممشي امورك كده باتكال ..

واحب اللي ينصب واحب اللي يكدب واحب اللي ينهب ويسرق تلال ..

واحب اللي شايف وعارف وخايف وبالع لسانه وكاتم ماقال ..

واحب اللي قافل عيونه المغفل واحب البهايم واحب البغال ..؟؟

واحب اللي راضي واحب اللي فاضي واحب اللي عايز يربي العيال ..

واحب اللي يائس واحب اللي بائس واحب اللي محبط وشايف محال ..

واحبك تسافر وتبعد تهاجر وتبعت فلوسك دولار او ريال ..

واحبك تطبل تهلل تهبل عشان مطش كوره وفيلم ومقال ..؟؟

تحضر نشادر تجمع كوادر تلمع تقمع تظبط مجال ..

لكن لو تفكر تخطط تقرر تشغلي مخك وتفتح جدال ..

وتبدأ تشاكل وتعمل مشاكل وتنكش مسائل وتسأل سؤال ..

وعايز تنور وعايز تطور وتعمللي روحك مفرد رجال ..

ساعتها حجيبك لايمكن اسيبك وراح تبقى عبره وتصبح مثال ..

حبهدل جنابك وأذل اللي جابك وحيكون عذابك ده فوق الاحتمال ..

وامرمط سعادتك واهزأ سيادتك واخلي كرامتك في حالة هزال ..

وتلبس قضيه وتصبح رزيه وباقي حياتك تعيش في انعزال ..

هاتقبل هحبك حترفض هالبك حتطلع حتنزل هاجبلك جمااااال ..؟؟

********** ***********

@@@//////////////////////////////////////////////@@@



أشوفكم بقى في الـ ....؟؟

أوعى محدش يجي يزورني بجد هازعل اوي ..؟؟


ههههههههههههه هههههههههههههه


مع خالص تحياتي :

إلى جينرال المنتدى السياسي / هشام اللول ..اللي هشوفوا قريب مشرف معانا في الـ ...؟؟

ههههه ههههه

وتحياتي لكل واحد بيحب الريس والاربعين حرامي ...؟؟؟

[~ NORA ~]

حلوة بجد تسلم مشكوووووووووووووووووووووو وووور بجد وبارك الله فيك ورعاك وتستمر على التقدم ده

[عفريت أفندى]

[aeme3100]

هتوحشنا بس ابعت عنوانك فى جونتناموا اول ما توصل واحنا هنبعتلك العيش والحلاوه

[m&m2009]

حلوة بجد تسلم مشكوووووووووووووووووووووو وووور بجد وبارك الله فيك ورعاك وتستمر على التقدم ده

ربنا يخليكي يا اختي العزيزة وأشكرك على مرورك العطر ده ..

[m&m2009]

هتوحشنا بس ابعت عنوانك فى جونتناموا اول ما توصل واحنا هنبعتلك العيش والحلاوه

يا عم جونتناموا خلاص قفالوه وأتنقل عندنا في مزرعة طره ...؟


يبقى تعالى زورني وأوعى تنسى العيش والحلاوة ..؟؟

[m&m2009]

ايه يا جاج أنت خايف تتكلم .. متخافش د احنا في عصر الحرية ولا ايه ...؟؟؟؟؟؟؟؟؟؟

[هشام اللول1]

مع خالص تحياتي :

إلى جينرال المنتدى السياسي / هشام اللول ..اللي هشوفوا قريب مشرف معانا في الـ ...؟؟

ههههه ههههه

تسلم ياحاج علي التحيه دي
يعني ايه انزل من المطار علي طره
ليه كده بس ياعم حرام عليك
احنا عملنا حاجه
ده حتي غلاااااااااااااابه قووووووي والله

ولا علشان نقابل الغلابه اللي جوه
ماشي ياعم طالما مع بعضينا
معاااااااااااااااك

تسلم ياحاج علي القصيده الجميله دي
وتسلم علي التحيه

وبارك الله فيك
واللهم احفظك ووفقك

[Megos]

لكن لو تفكر تخطط تقرر تشغلي مخك وتفتح جدال ..

وتبدأ تشاكل وتعمل مشاكل وتنكش مسائل وتسأل سؤال ..

وعايز تنور وعايز تطور وتعمللي روحك مفرد رجال ..

ساعتها حجيبك لايمكن اسيبك وراح تبقى عبره وتصبح مثال ..

انت مااختش بالك من التحذير ده.انا حاسس انك انت المقصود بالكلام ده..شدحيلك

[m&m2009]

تسلم ياحاج علي التحيه دي
يعني ايه انزل من المطار علي طره
ليه كده بس ياعم حرام عليك
احنا عملنا حاجه
ده حتي غلاااااااااااااابه قووووووي والله

ولا علشان نقابل الغلابه اللي جوه
ماشي ياعم طالما مع بعضينا
معاااااااااااااااك

تسلم ياحاج علي القصيده الجميله دي
وتسلم علي التحيه

وبارك الله فيك
واللهم احفظك ووفقك

ربنا يجيبك بالسلامة يا أتش وياريت بقى تدعيلنا دعوة في الحرم ان ربنا يصلح حالنا ويبعد عننا اللي مايتسموش ..؟

تقبل تحياتي إليك ..