اقدم لك احترامي ياريس .. وانصحك ..؟؟؟؟

[هشام اللول1]

أصدر الرئيس حسنى مبارك تعليماته بفتح منفذ رفح لإدخال المعونات الإنسانية والطبية اللازمة إلى قطاع غزة، وكذا استقبال الحالات الإنسانية والجرحى والمرضى التى تتطلب عبورها إلى الأراضى المصرية بشكل استثنائى وبدون سقف زمنى. يأتى ذلك فى إطار تحرك مصر لرفع المعاناة عن أبناء الشعب الفلسطينى فى قطاع غزة.

ويأتى هذا القرار استجابة من الرئيس مبارك لمعاناة الشعب الفلسطينى فى قطاع غزة ، خاصة بعد توحش الحصار الإسرائيلى برا وبحرا وجوا على غزة ، واستمرار عدوانها على كل المحاولات الدولية لكسر الحصار، وآخرها أسطول الحرية الذى هاجمه الجيش الإسرائيلى.

اولا احب اقدم لك تحياتي واشكرك علي قرارك الحكيم ده
ثانيا احب اقولك ياريس ياريت السقف ده يطول اطول فتره ممكنه من الزمن
ثالثا ياريت ياريس تقوي نفسك اكتر من كده قدام الصهاينه
رابعا الشعب بيطلب منك سحب السفير المصري من اسرائيل
وطرد السفير الاسرائيلي من مصر وقطع جميع العلاقات والمعاهدات
معهما
نفسي تكبر في نظر شعبك ياريس بمجموعه قرارت حكيمه
انا نفسي نحبك بجد ياريس علشان انت كبيرنا
ونفسي تسلم الراي وانت حي
لواحد تعرف انه هيعوض الشعب عن اللي بيحصل فيه ده

نفسي ياريس اشوف مصر
زي ايام محمد علي
دوله النهضه
دوله كانت محتله اكثر من 13 دوله
دوله قوي عظمه
(( مصر )) ياريس (( مصر ))

[عفريت أفندى]

ربنا يحقق لك اللى نفسك فيه يا اتش

و معلشى بئه

لا تعليق

سلامو عليكوا

[~ NORA ~]

ربنا يهديك ياريس وتبقى كده على طول وياريت يتحقق كل الكلام اللى قلته يا هشام وتسلم يا عم وتقبل مروري المتواضع ده

[ايسل]

انت طيب قوى يا هشام انت فاكر انه فتح المعبر حنيه منه ولا كرم اخلاق لا يا عم اتش
ده امر من القياده العليا من ولى النعم القرار ده علشان يهدى الناس شويه على اسرائيل ومصر وأمر من امريكا اوعى تصدق انه بقى حنين فجأه
شكرا هشام على حسن النيه ده

[براكودا]

انت طيب قوى يا هشام انت فاكر انه فتح المعبر حنيه منه ولا كرم اخلاق لا يا عم اتش
ده امر من القياده العليا من ولى النعم القرار ده علشان يهدى الناس شويه على اسرائيل ومصر وأمر من امريكا اوعى تصدق انه بقى حنين فجأه
شكرا هشام على حسن النيه ده

آسف اختلف معاكي جدا يا ايسل
مصر عمرها ما اخدت امر من حد ولا هتاخد مهما يكون مين هو
وصباح الفل عيكم

[jnajnnat]

اللهم أنصر إخواننا في فلسطين وفي العراق
آآآآآآآآميييين

[هشام اللول1]

ربنا يحقق لك اللى نفسك فيه يا اتش

و معلشى بئه

لا تعليق

سلامو عليكوا

وعليكم السلام
كفايه مرورك ياوليد احسن من مائه تعليق
وانا شاء الله ربنا يرزقنا بحاكم عادل

نورت يا وليد
بارك الله فيك وحفظك

[هشام اللول1]

ربنا يهديك ياريس وتبقى كده على طول وياريت يتحقق كل الكلام اللى قلته يا هشام وتسلم يا عم وتقبل مروري المتواضع ده

منور الموضوع اهلاوية
وربنا يهدي ويحاول يعمل حاجه حلوة في حياته
الناس تفتكرة بيه بعد مماته

نورتي اهلاويه
حفظك الله

[هشام اللول1]

انت طيب قوى يا هشام انت فاكر انه فتح المعبر حنيه منه ولا كرم اخلاق لا يا عم اتش
ده امر من القياده العليا من ولى النعم القرار ده علشان يهدى الناس شويه على اسرائيل ومصر وأمر من امريكا اوعى تصدق انه بقى حنين فجأه
شكرا هشام على حسن النيه ده

انا نفسي اتعلق باي قشه حب للراجل ده ومش عارف
وانت كمان يا ايسل بتشجعيني كمان علي كده تسلمي

يعني هيفضل ياخده الاوامر كده علي طووووووول
مش هياجي يوم ويعطي اوامر خارجيه
ده يبقي ضعف وهوان ومحسوب عليه ده كلها

نورتي ايسل
حفظك الله وبارك فيكي
دمتي بخير وسعاده وراحه بال وصحه وود

[هشام اللول1]

آسف اختلف معاكي جدا يا ايسل
مصر عمرها ما اخدت امر من حد ولا هتاخد مهما يكون مين هو
وصباح الفل عيكم

صباح الفل عليك انت بقي

طب فسر ليه احنا محترمين معاهداتنا معاهم من معابر وغيره
وهما مش عندهم اي احترام لاي حد في الدنيا كلها

ياعم بركودا والله العظيم الراجل ده معيشنه في خزي وعار في الخارج هنا
بسبب حكمه الزباله ده
اسال وانت تعرف

نورت ياحاج