قصيدة جامدة مووووت :: مش هاسألك ::: """:::: تغريد سامي :::::"""""

**thesniper_12007** · 25 - 6 - 2010, 05:37 PM

مش هاسألك تغريد سامي

مش هاســــألك

مش هاسألك ايه غيرك
انا عايزه منى أحررك
الحزن قلبى يدونه
دمى ..مداد بيلونه
مين اللى قال ان الغرام
حبة كلام
لقا والسلام
وقلوب بتسرح بالهيام
وان حالنا مال
القول ما يقدر يعدله
والدمع بعد ماكان حجر
ينبوع ألم
بلمسه القسوة انفجر
وخطاوى فرح اتشردت
م التوهة ماتت عا السكك
م القهر طيرى بينتحر
ويلح جوايا السؤال
ليه العتاب؟
والفكرة مش فكرة حساب
ياسؤال وعطشان للجواب
وكأنها كلمة قدر
قلبك غدر,
بس افتكر
انا قلبى ياما كتير غفر
انك بظلمك تهمله
مستنى توهبله الحياه
وانت اللى قادر تقتله
تظلم وظلمك منتهاه
تقدر تمللى تعلله
راح فين حبيبى بتاع زمان؟
فيضان حنان.
وضى حبك
ياما مدلى
جسور..
منورها الامان
تملا معانيها المكان
تحكى اللى كان.
مش هاسألك:
إيه غيرك؟
إيه ماعرفوش بيحيرك
ولا خلاص ..الوقت ضاع
مقدرتش حتى افكرك
ولا حتى أقول أنك مُدان
ولا حبى مر عليك
وهان
أنسى خلاص كل اللى راح
وان اللى جاى ..
مابقاش مباح
مهما المعانى اتفسرت
مش هاسألك ايه غيرك
أنا عايزه منى أحررك

**thesniper_12007** · 20 - 8 - 2010, 07:51 PM

والله يا جماعه قصيدة جامدة يحزنني ان مافيش ردود عليها

**دره** · 21 - 8 - 2010, 01:00 AM

جميله جدا يا اكرام
تسلم عالنقل الممتاز
بجد جميله
ومش لازم الرد المهم انها فعلا جميله

**أحمد سعيد** · 21 - 8 - 2010, 01:06 AM

يا إكرام إنت ذوّاق
تعرف إن ( الأستاذه تغريد سامي ) تبقى أمي ولا لأ ؟؟
هههههههه
أظن مفاجأه
عامة هيا في مقام والدتي وشجعتني كتير زمان
تسلم يا غالي

**ابو تريكه** · 21 - 8 - 2010, 01:08 AM

فعلا قصيده حلوه اوى

وبجد زوقك روعه

يسلمووووو وبالتوفيق

**thesniper_12007** · 21 - 8 - 2010, 08:19 AM

المشاركة الأصلية كتبت بواسطة اسلامى حياتى

جميله جدا يا اكرام
تسلم عالنقل الممتاز
بجد جميله
ومش لازم الرد المهم انها فعلا جميله

أحسن حاجه فيكي يا اسماء إنك طيبة ومتدينه وذواقة للشعر مش عارف اقولك ايه
أشكرك على مرورك الطيب الكريم
تقبلي تحياتي
لك خالص ودي وتقديري واحترامي

**thesniper_12007** · 21 - 8 - 2010, 08:24 AM

المشاركة الأصلية كتبت بواسطة أحمد سعيد

يا إكرام إنت ذوّاق

المشاركة الأصلية كتبت بواسطة أحمد سعيد

تعرف إن ( الأستاذه تغريد سامي ) تبقى أمي ولا لأ ؟؟
هههههههه
أظن مفاجأه
عامة هيا في مقام والدتي وشجعتني كتير زمان
تسلم يا غالي

إزاي تكون مفاجأة وانا أساسا جايب اشعار أحمد سعيد موسى من على منتدى اسارير وهناك ماشاء الله الشاعر الكبير احمد الشربيني واحمد راضي وتقى المرسي وتغريد سامي وعلي عبد الله وأحمد سعيد موسى كتير كتير يا عم أحمد وطبعا توقعت انها شجعتك لإن المنتدى ده فعلا جميل حاسس بروح الأخوه موجوده فيه
أشكرك على مرورك الطيب الكريم وشعورك النبيل
تقبل تحياتي
لك خالص ودي وتقديري واحترامي

**thesniper_12007** · 21 - 8 - 2010, 08:26 AM

المشاركة الأصلية كتبت بواسطة ابو تريكه

فعلا قصيده حلوه اوى

وبجد زوقك روعه

يسلمووووو وبالتوفيق

إنت اللي كلك ذوق يا ابو تريكة ربنا يديم علينا المودة والمحبه اللهم أمين
أشكرك على مرورك الطيب الكريم
تقبل تحياتي
لك خالص ودي وتقديري واحترامي

**roro_rawan** · 22 - 8 - 2010, 11:34 PM

بجد حلوى اوى
وكلماتها رائعه

**!!silent** · 22 - 8 - 2010, 11:39 PM

ميرسي كلماتها حلوه اوي ي ي

الموضوع: قصيدة جامدة مووووت :: مش هاسألك ::: """:::: تغريد سامي :::::"""""

أدوات الموضوع

قصيدة جامدة مووووت :: مش هاسألك ::: """:::: تغريد سامي :::::"""""

معلومات الموضوع

الأعضاء الذين يشاهدون هذا الموضوع

المواضيع المتشابهه

""""""""" لَوْحَــآتْ تَبْكِــيّ وَجَــعَهَـآ بِـصّمْــتْ """""""

الكلمات الدلالية لهذا الموضوع

ضوابط المشاركة