إبتسم .. أنت في كليه الهندسه

[Hooba]

1- لما مرة واحدة تحس ان الناس كلها شبه بعضها , ولاد و بنات مع انهم مش كدة , لكن التعبيرات ال على وشوشهم واحدة !!


2- لما تلاقى الراجل ال على الباب بيدخل الناس كلها من غيرميسألهم فين الكارنيه , لكن ييجى عندك انت و يمسكك , عرف منين انك من بره الكلية ؟اكيد عشان مش شبههم ... لو بتروح كتيرممكن تكتسب الشبه ده و لو نفسك اوى ابقى حل شوية شيتات و خش ورشة مرة ...!


3- لما تيجى تخش المحاضرة تلاقى واحد مطلع من شنطتوا كتبالمنهج كلها , و راصصها عالبنش كأنوا بيبيع جرانين و تيجى تسألوايقلك : "محجوز ياباشمهندس"( و لو ركزت اكتر ممكن تلاقى مجلات , وجرانين , اخبار ... اهرام ... يعنى مش ده المهم , دة ال لاقاه الراجل فى البيت هيعمل ايه يعنى ؟!! )


4 – لما تمشى و تلاقى اتنين ولد و بنت , قاعدين لوحدهم ,قاعدة شاعرية , فى وسط جنينة خضرا , و العصافير بتزقزق ,وتيجى تقرب منهم عشان تسمع بيقولوا ايه ! تلاقى لوحة مرميةوراهم والولد ماسك فى ايده مثلث و بيقول :" و دى ياحبيبتىطريقة استنتاج المسقط الثالث , عشان تعرفى بس انا بحبك وبعزك قد ايه "!


5– لما تيجى ماشى و تلاقى واحد بيسأل البواب ال قاعد علىباب المبنى , بيقول له " لو سمحت يا بشمهندس هو سكشن10 فين ؟؟؟" مع انه بواب , وشكله بواب و ماسك مقشة فى ايده , بس هو الواد اتعود على الكلمة خلاص !!!


6- لما و انت بتتمشى فى الكلية , وبتبص عالحيطة بالصدفة تلاقىورقة متعلقة ورا الباب و مدلدلة وواقعة , مكتوب فيها ما يفيد بأنكعندك امتحان تانى يوم , ممكن تسقط لو مامتحنتوش , بسهيعملولك ايه يعنى انت ال ماقرأتهاش , هما عملوا اللي عليهم و علقوها !


7 – لما تخش الكافيتريا تلاقى ورقة محطوطة مكتوب عليها: "ممنوع لعب الكوتشينة" و جنب الورقة بالظبت اربعة قاعدين بيلعبوا استميشن , وبيكتبوا على ظهر الورقة دى نتيجة البولة اللي بيلعبوها ... و لو نظرك يجيب بقى حاول تبص و تطلع حد مش قاعد بيلعب كوتشينة فى بقيه الكافيتريا!!!!!


8 – لما تلاقى اغلبية طلاب الكلية دة لو مش كلهم بيتخذوا قانون الضرايب الجديد كشعار لهم و هو

" مصلحتك اولا"

يبقي يا صاحبي

ابتسم انت في
كلــــــــية هندســـــــــــــــــــــ ـــة

[kokototy]

شكلك يا سيدى الفاضل كنت فى كليه هندسه
وشكلك استويت منها على الاخر
كان الله فى العون
بس بجد تسلم ايدك الواحد كده ممكن يعرف فين كليه هندسه بكل سهوله

[ملكة الاحزان]

تسلم ايديك ياهوبا موضوع بجد جميل

[Hooba]

منورين التوبيك يا شباب .... تسلموا لي علي الزياره الجميله دي..
بس للأسف أنا كنت كليه تجاره ... حيث الفشل متعه ... والرسوب له مذاق

[طيف عابر]

روعه هوبا
مواصفات جميله للكلية والطلاب
تسلم ايدك
مشكور جداااااااااااا

[Hooba]

اشكرك يا ايتها الطيف العابر .. الذي يترك في نفوسنا احساس بالرقه والعذوبه متي حل او رحل

[Hooba]

يلا اللي بعده يا رجاله

[Hooba]

up up up up +11111111