هيا دى بلدنا يا مصريين

**ThE LoSt** · 2 - 7 - 2010, 07:48 PM

السلام عليكم
وحشتونى كلكم
وانت يا محى بالتحديد
الاخ الغالى عليا بجد
انا جاى ورجعت بحاجه كده يارب تعجبكم
مش عارفين نغير فى البلد اهو نطلع الى جوانا فى الورق

ماشيين فى بلدنا وتايهين
لا عارفين منين ولا على فين رايحين

واللى عليه نبقى نايمين
نلاقى نفسنا عليه صاحيين

واخرتها ايه وبعدين
هنفضل مكانا كده ساكتين

اسمعونى يا اللى هنا عايشين
وصحصحولى كده يا اللى نايمين

تعالوا نشوف اللى حصل من سنين
اقولكم عليه ولا انتوا فاكرين

لما بعنا شركاتنا لناس تانيين
وقال ايه هانكون مستفدين

واهو لا انا ولا انتوا شايفين
اى استفاده رسكتنا وراضيين

ومشروع اتناقشوا فيه سنين
وخد فى وشه ميزانيه بالملايين

عارفين مشروع ايه ولا مش عارفين
دى تبقى توشكى يا مساكين

وقطر فى الغلابه راكبين
وينزلوا منه يا ولاداه محروقين

وغيرهم على الاكتاف متشالين
على قبرهم رايحين

لآ لاسمح الله مش عيب مسؤلين
ولسه يا مصريين

وشباب زى الورد طموحين
فى كل مكان هتلاقيهم موجودين

هنا وهناك مستنين
اى فرصه ومش لاقيين

ولا الدم دى حاجه هم يا عم حسين
تعالى خدلك فيروس ولا اتنين

ولسه بقى الجديد على العيد هاتلك حمارين
ولو غالى مش مشكله هات كلبين

هايقضى الغرض وكل سنه وانتم طيبين
حلو اوى كده واهو عايشين

ايه ؟بتقول ايه العجول فين
ياعم ده رغيف العيش مش لاقيين

قولتلك قبل كده مش عيب مسؤلين
الناس هاتعمل ايه دول مش ملاحقين

على علاج الاعضاء الموقريين
على حسابنا ياريت بالف ولا اتنين

ده بملايين وبملايين
وانت يا اللى على اد حالك يا مسكين

خليك كده تعبان وحزين
ولا هتلاقى حد يقولك انت فين

هيا دى بلدنا يا مصريين

**هشام اللول1** · 2 - 7 - 2010, 08:34 PM

اولا حمدا علي السلامه
ونورت المنتدي من تاني

كلمات رائعه وتحكي كيف
نعيش في هذا الوقت في مصر

دمت مبدع ومتميزا
بارك الله فيك وحفظك ورعاك

**دره** · 2 - 7 - 2010, 11:18 PM

حمدلله على سلامتك
موضوعك رائع
دمت متميز
تقبل مرورى

**ThE LoSt** · 4 - 7 - 2010, 12:07 AM

شكرا هشام وشكرا اسلامو
نورتوا التوبيك بجد
متشكر لمروركم

**الحريه** · 4 - 7 - 2010, 12:45 AM

هيا دى بلدنا يا مصريين
واللى عليه نبقى نايمين
نلاقى نفسنا عليه صاحيين

تسلم ايديك على الكلام السليم انت جبت اخرة الحكايه

اللى ننام عليه نقوم عليه

**Ali Pharouq Najar** · 4 - 7 - 2010, 12:55 AM

حمد الله على السلامة ....
و كلامك صحيح فعلا ....
لكن الغريبة أن الواحد ابتدى يمل من الحال ده ..
كلنا بنوصف فى حال البلد ...لكن أنا شايف ان الوصف لوحده ..
مش كفاية علشان يغير الحالة اللى و صلنا ليها ....
حمدالله على السلامة من تانى ....
و متزعلش منى ....

**البنت الجديده 1** · 4 - 7 - 2010, 01:01 AM

هي دي بلدنا بجد
لا الانسان الناجح لاقي مكان
ولكن الفشل موجود في كل الاركان
نبتسم علي الوجوه ولكن الحزن يسكن الوجدان
قد اجد يوما طريقا ولكن اين مروري فانا في بلدي لست انسان

**ThE LoSt** · 6 - 7 - 2010, 11:19 AM

المشاركة الأصلية كتبت بواسطة الحريه

هيا دى بلدنا يا مصريين
واللى عليه نبقى نايمين
نلاقى نفسنا عليه صاحيين

تسلم ايديك على الكلام السليم انت جبت اخرة الحكايه

اللى ننام عليه نقوم عليه

هيا ده حالنا
لينا رب
نورت التوبيك بمرورك الجميل

**ThE LoSt** · 6 - 7 - 2010, 11:21 AM

المشاركة الأصلية كتبت بواسطة thegohst

حمد الله على السلامة ....
و كلامك صحيح فعلا ....
لكن الغريبة أن الواحد ابتدى يمل من الحال ده ..
كلنا بنوصف فى حال البلد ...لكن أنا شايف ان الوصف لوحده ..
مش كفاية علشان يغير الحالة اللى و صلنا ليها ....
حمدالله على السلامة من تانى ....
و متزعلش منى ....

اولا الله يسلمك
ثانيا : ادينا بنقول الى جوانا
مش احسن ما نفضل ساكتين
طيب ولو اتحركنا وحاولنا نعمل حاجه ما انتا عارف كويس ايه اللى ممكن
يحصلك ويحصلى ويحصل لناس كتيره
وطبعا ما زعلتش
انت نورت التوبيك

**ThE LoSt** · 6 - 7 - 2010, 11:22 AM

المشاركة الأصلية كتبت بواسطة البنت الجديده 1

هي دي بلدنا بجد
لا الانسان الناجح لاقي مكان
ولكن الفشل موجود في كل الاركان
نبتسم علي الوجوه ولكن الحزن يسكن الوجدان
قد اجد يوما طريقا ولكن اين مروري فانا في بلدي لست انسان

شكرا لكلماتك الجميله دى
ولمرورك
نورتى التوبيك

الموضوع: هيا دى بلدنا يا مصريين

أدوات الموضوع

هيا دى بلدنا يا مصريين

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة