رساله الي والي الجمهوريه ,,,,,!!!!!!!!

**هشام اللول1** · 23 - 7 - 2010, 07:27 PM

رسالة إلي والي الجمهورية

ياوالي مصر في عصر الجمهورية

مولي علينا حكومة شويه حراميه

تركوا الحصان وركبوا سيارة 120 حصان

حتي حمار عم مسعود الغلبان نهبوا علشان تبقي سيارة 120 حصان وحمار

سرقوا بيت المال والتكية وسفروا فلوسنا للبنوك السويسرية

تركوا اللص والمرتشي والفاسد والخاين

ومسكوا الشريف والعفيف واللي بيقول كلمه حقانية

حتي العمال المتظاهرين اللي بقالهم كام يوم مستنين

كلمه منك يا والي ولا سالت فيهم وبسببك ياوالي

بنوا عشش وخيم أمام وزاره الزراعة

ومن زهقهم وخنقتهم وقرفهم قلعوا الجلابية

وبقولك ياوالي

هيجي يوم عليك وتركب حمار عم مسعود بالشقلوب

ويلفوا بيك من أسوان إلي اسكنداريه

ويبقي خليهم ينفعوك شويه الحكومة الحراميه

ووقته ينادوا عليك ويقولوا

يا أهل مصر الكرام

كل بيت في واحد مات غريق في العبارة

اومات محروق في قطار الصعيد

أو مات متسرطن بدم فاسد أو زرع فاسد أو قمح فاسد

أو مات متعذب في السجن

أو مات منتحر

بسبب الفاسداللي فوق الحمار

يأتي ياخد حقه من اللي فوق الحمار

يا حضره الوالي المحترم لقد أصبحنا جمهوريه

وشعبك لا يريدك مولاهم

وبوجه الشكر والتحية

ياوالي الجمهورية

وبقولك أنا ميه ميه

ومش عاوز أتعشي حلاوة طحنيه

علشان عارفك كريم مليون في الميه

**~ NORA ~** · 23 - 7 - 2010, 07:56 PM

هههههههه الشبه واضح بجد تسلم ياعم هشام ومستنية منك كمان بارك الله فيك وحفظك

وتستمر على التقدم والنجاح ده

**tato3030** · 23 - 7 - 2010, 08:46 PM

والله انا اعرف يا صحبى انك هتضيعنا معاك
ربنا يرحمنا

**الحريه** · 24 - 7 - 2010, 02:50 AM

وبوجه الشكر والتحية

ياوالي الجمهورية

وبقولك أنا ميه ميه

ومش عاوز أتعشي حلاوة طحنيه

علشان عارفك كريم مليون في الميه

انت فعلا ميه ميه ومش هتتعشى حلاوة طحينيه
علشان انت كدهفى السليم
احنا اللى هنكلها بدالك

على فكرة انا شايفه القسم السياسى هنا
مش على بعضه اليومين دول
ربنا يستررررررررررررررررررررر

**براكودا** · 24 - 7 - 2010, 06:27 AM

يا والي الجمهورية
انا بقى ميه ميه
وبفطر فول وطعمية
والغدا محشي وملوخية
والحلو رز بلبن ومهلبية
وربنا يخليك ليا
وانا من هشام اللول خلاص فاض بيا
ومن بكرة هتلاقية ياريس في المديرية

والله العظيم بحبك يا لول

**عفريت أفندى** · 24 - 7 - 2010, 06:46 AM

**reko** · 24 - 7 - 2010, 01:08 PM

براااااااااااااافو

**هشام اللول1** · 27 - 7 - 2010, 11:02 AM

المشاركة الأصلية كتبت بواسطة أهلاوية وأفتخر

هههههههه الشبه واضح بجد تسلم ياعم هشام ومستنية منك كمان بارك الله فيك وحفظك

وتستمر على التقدم والنجاح ده

شكرا لمرورك الكريم اهلاوية
بارك الله فيكي وحفظك ورعاكي
دمتي بخير وصحه وسعاده وراحه بال

**هشام اللول1** · 27 - 7 - 2010, 11:08 AM

المشاركة الأصلية كتبت بواسطة tato3030

والله انا اعرف يا صحبى انك هتضيعنا معاك
ربنا يرحمنا

نورت ياحج عبدو
متخافش ياحج هتخرج منها بسلام
ربنا كبير ياعبدو

بارك الله فيك وحفظك ورعاك يا عبدو

**هشام اللول1** · 27 - 7 - 2010, 11:14 AM

المشاركة الأصلية كتبت بواسطة الحريه

وبوجه الشكر والتحية

ياوالي الجمهورية

وبقولك أنا ميه ميه

ومش عاوز أتعشي حلاوة طحنيه

علشان عارفك كريم مليون في الميه

انت فعلا ميه ميه ومش هتتعشى حلاوة طحينيه
علشان انت كدهفى السليم
احنا اللى هنكلها بدالك

على فكرة انا شايفه القسم السياسى هنا
مش على بعضه اليومين دول
ربنا يستررررررررررررررررررررر

هههههههه
احنا في بلد ديقراطيه
قول اللي انت عاوزه واحنا هنعمل اللي عاوزينه

نقول بقي براحتنا علشان حتي نحس بشوية ديمقراطيه
انا عارف انه القسم متراقب
وربنا يستر بقي
وهما يعني فاضيين لينا
هما فاضيين بس لنهب والسرقه والتهبيش

نورتي الحريه
بارك الله فيكي وحفظك ورعاكي

الموضوع: رساله الي والي الجمهوريه ,,,,,!!!!!!!!

أدوات الموضوع

رساله الي والي الجمهوريه ,,,,,!!!!!!!!

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة