الكرتونه

**SCREEM** · 29 - 7 - 2010, 02:03 AM

السلام عليكم ورحمه الله وبركاته

لما رئيس مجلس الشعب يتاوب في المجلس عادي انما لما يقول جملته المشهوره الموافق علي القانون يتفضل برفع يده ( موافقه ) ومفيش ولا بني ادم رافع ايده

لما يبقي الزباله ماليه البلد ورئيس الحكومه اسمه نظيف ...يبقي الراجل الصح في المكان الصح

لما تبقي متهان ومتمرمت ووزير الداخليه اسمه حبيب ( العادلي ) .. يبقي انت اكيد في مصر

لما تبقي مش لاقي تاكل ويتفرض عليك ضرايب ووزير الماليه اسمه غالي ... يبقي الغالي تمنه فيه

لما تخش مياه الشرب علي مياه الصرف الصحي ويطلع مسؤل خفه دمه متتوصفش ويقول فيها ايه دي مناعه ...

لماتفضل شهرين ونص تصحي الصبح من النووم جدو ومشكله جدو تروح الشغل جدو تقعد باليل مع مراتك اسكت يا ابو محمد مشوفتش جدو عمل ايه ... ناقص افتح رغيف العيش الاقيه جواه

لما يبقي فيلم ( افاتار ) تم انتاجه في اربع سنين اتصرف عليه 250 مليون حقق ايرادات مليار .. لما يبقي الفيلم في مصر بيتم انتاجه في ست ايام ده لان الجمعه اجازه يبقي نسكت احسن ونبطل كلمه هوليود الشرق الي عمال علي بطال دي

لما تلاقي واحد بقاله عشرين سنه ولما رجع عايز يبقي رئيس الجمهوريه.. يعني تروح تقعد شهرين برا وترجع يمكن تبقي وزير....

لما يكون اريال التلفزيون ب10جنيه و وليد دعبس صاحب مودرن يقول ان المواطن المصري بيشتري الاريال ب 250 جنيه ويرد عليه مصطفي يونس يقوله انا جايب واحد ب 100 جنيه .. حسبي الله ونعم الوكيل

لما التليفزيون المصري يشتري حقوق 22 مباراه في كاس العالم والناس برضه تسيبه وتتفرج عالوصله.. مش احنا اولي بالفلوس دي ..

لما مورتا ( مرتضي منصور) بقاله سنه مفيش في بقه غير مش هسيبك ياشوبير ويطلع شوبير ويقدم استديو لا وشوف حكمه ربنا يامسلم ده كمان يعلق عالماتش ... يعني مورتا شرب شاي بالياسمين ... حسبي الله ونعم الوكيل

لما 14 محطه فضائيه يتسابقو عشان يشترو مسلسل غاده عبد الرازق في رمضان زهره وازواجها الخمسه وقناه واحده تشتري برنامج لداعيه اسلامي وميتذاعش البرنامج الا بعد الفجر والسبب ان خريطه القناه مفيهاش مكان .. حسبي الله ونعم الوكيل

لما يبقي جدي وجدك وابويا وابوك وانا وانت سكنين في بيت وفجاه يصحي مسؤل الصبح من النوم ويقول دي ارض ملك الدوله.. كنتي فين يادوله

لما يبقي اكتر مشروع مربح في مصر هو ( القهوه ) والسبب بسيط ان زباينه موجودين وربنا يخلي وزير التعليم والطلبه الي بتتخرج ومتلاقيش شغل ويجعله عامر....

لما يبقي الفيس بوك هو المتحكم في مصر وكل شويه يطلع جروب يبقي اروح اسطب ويندوز وابقي رئيس جمهوريه

لما تعمل موضوع ملوش دعوه باالعنوان يبقي تخش تقول كلمه واحده حسبي الله ونعم الوكيل

وانا بهدي هذا الموضوع للسيد الرئيس راعي الكوسه في مصر

**الحريه** · 29 - 7 - 2010, 02:23 AM

لما لما لما

اللمه حلوة برده

لما تعمل موضوع ملوش دعوه باالعنوان يبقي تخش تقول كلمه واحده حسبي الله ونعم الوكيل

فعلا

عنوان الموضوع مش ماشى خالص

لازم الشياكه تكمل

ايه الكرتونه ده بيفكرنى بفيلم ابو كرتونه بتاع محمود عبد العزيز

اشكرك اسكريم

اه نسيت حاجه مهمه جدا

حسبى الله ونعم الوكيل

**البنت الجديده 1** · 29 - 7 - 2010, 02:48 AM

قرات الموضوع مرتين ومش لاقيه الكرتونه بس بصراحه موضوع جميل اووووووي
وحسبي الله ونعم الوكيل (عشان دي وصيه)
شكرا جدا لجمال الموضوع
تقبل مروري

**براكودا** · 29 - 7 - 2010, 03:22 AM

ايه يا عم screem
فين الكرتونة

حسبي الله ونعم الوكيل في اللي في بالي
مش اللي في بالك انت

**عفريت أفندى** · 29 - 7 - 2010, 07:04 AM

ايه يا جماعه ؟

كله بيدور ع الكرتونه !

ما هى الكرتونه مليانه أهى

ولا انتوا شايفين اللى فيها و مش واخدين بالكوا منها

لالالالالالالالالالا

عاوزين نصحى و نفوق كلنا كده و نركز ف الكرتونه و اللى ف الكرتونه

و أخيرا

حسبى الله و نعم الوكيل ف اللى ف بالك يا سكريم

**ماجد m** · 29 - 7 - 2010, 09:03 AM

لما تلاقى جد فى إيده حفيده
والنحيه التانيه سبحه فى إيده
يبقى أنت أكيد فى مصر
لما تكتب تعليق ملوش دعوه بالموضوع خالص
يبقى لازم ترد عليا بكلمه واحده
حسبى الله ونعم الوكيل

**Ali Pharouq Najar** · 29 - 7 - 2010, 09:31 AM

كلماتك فى منتهى الصدق ....
تقبل مرورى ...

**آيه محمد** · 29 - 7 - 2010, 10:16 AM

ايه كل التشاؤم ده فين كل اللى بتقوله

داحنا فى مصر أم الدنيا

طبعا كنت بهزر دا قليل على اللى شيفينوا

**SCREEM** · 29 - 7 - 2010, 10:55 PM

المشاركة الأصلية كتبت بواسطة الحريه

لما لما لما

اللمه حلوة برده

لما تعمل موضوع ملوش دعوه باالعنوان يبقي تخش تقول كلمه واحده حسبي الله ونعم الوكيل

فعلا

عنوان الموضوع مش ماشى خالص

لازم الشياكه تكمل

ايه الكرتونه ده بيفكرنى بفيلم ابو كرتونه بتاع محمود عبد العزيز

اشكرك اسكريم

اه نسيت حاجه مهمه جدا

حسبى الله ونعم الوكيل

ولا كاني سمعت اخر كلمه دي

يعني انتي سايبه الموضوع كله وماسكه في العنوان

حسبي الله ونعم الوكيل

مش فيكي طبعا

الف شكر لمرورك

**دره** · 29 - 7 - 2010, 10:57 PM

ههههههههههههههههههه
صباح الكوسه
عالفجر كده
هو الرد مش الفجر
بس حظك الحلو
النت فصل وانا بقراه
واشمعنى بقى اسم الكرتونه
ده على اساس انك لامم شويه مصايب فى كرتونه

ارجع واقول
حسبى الله ونعم الوكيل
تقبل مرورى

الموضوع: الكرتونه

أدوات الموضوع

الكرتونه

معلومات الموضوع

الأعضاء الذين يشاهدون هذا الموضوع

المواضيع المتشابهه

انا جيييييييييت وحشتوني وحشتوني وحشتونييييييييييييييي

الكلمات الدلالية لهذا الموضوع

ضوابط المشاركة