أنا فلاحـــــــــــــــــــــ ـــــــــــــــــــــــــ ـه

[اميره بلا وطن]

بقولك ايه.........عاوز تخطبنى؟؟
تعالى لابويا واطلبنى
انما علشان بقى شغل جنان
وتعالى قابلينى وكان ياما كان
فدا مش مقبول
واحسنلك تنسى أميره على طول
معلش أصل انا بصراحه
شرقيه وكمان فلاحه
ومبادئ من ابويا وجدى
ماتخدش بقى معايا وتدّى
الصوره خلاص وضحناها
ودى الحكايه وحكيناها
لو راضى بكلامى وقابل
خلاص فى بيت ابويا نتقابل
والكلمه كمان لسه لأهلى وعيلتى وناسى
واهو كده دا نظامى
وساعتها اشيلك على راسى
وتكون مرتاح واكون انا كمان مرتاحه
معلش اصل انا فلاحه

[ayosha love]

يا سلام عليكى يا اميرة بجد اشعارك رائعة دى قليلة عليها بجد جميلة اووووووووووووووى يا اميرة تسلم ايدك يا روحى

[دره]

وليه معلش دا الفلاحه صاحبه اطيب قلب
بجد كلماتك جميله جدا يا حبيبه قلبى
ربنا يحميكى يارب
على فكره انا كمان فلاحه

[آية الرحمن]

ومالها بس الفلاحة دى اصل وعيلة
وتربية متينة لا تغلط يوم فى حقك
ولا تيجى عليك وتزعلك دى بنت
اصل ومتربية ولا تقدر فى يوم تهينك
عارفة واجبها كويس وشعارها هو ادابها
محافظة على نفسها وتحطك جوة عنيها
تسبها وانت مطمن ولا تقلق يوم عليها
صاينة شرفك وعرض وحطاهم جوة عنيها
وفيها اية الفلاحة دى لو كل بنت فلاحة
ينتهى عالم الاباحة دول يا ابنى على
الفلاحة مدورش على المرتاحة

تسلمى يا اميرة بكد كلامت رائعة
ومعلش اقبلى كلامى دا كا رد
على كلامك لان بجد مفيش زى الفلاحة
دمتى مبدعة ومتميزة

[هشام اللول1]

كلمات جميله بما فيه من حزم
ولكن الاصول متزعلش

دمتي مبدعه ومتميزة اميره
بارك الله فيكي وحفظك ورعاكي

[محمد أبراهيم]

يا بنت الاصول

يا أميره

يازكية

يلى عالاصول

متربيه

انتى ابدا مش

شقيه

ولا لغيرك تحبى

الاذية

لا يوم قلتى اه


يابنت بلدى

يامستحيه

عرفتى الاصول



وللاصول كنتى مستنيه




يمكن صحيح



مهمومه



وهمك ككل الناس




لكن إيمانك


كبير




وكرامتك على العين


والراس



أميره بلا وطن


أميره كل الاوطان





حروفك شواطئها

متناهيه الأطراف

واعماقها بعيده

لقد عبرت حدود الروعة

بمسافات


وإجتزت فضاءات التميز

إلى فضاءات النجوم والأفلاك


فيا من تختصر أشواط الإبداع

بكلمة

جميلة باقة الشكر والامتنان التى قدمها

قلمك لقلمك هنا


فمذ أن روضت اللغة


لم تتوانى يوما عن تقديم كل ما

هو مميز

فيا لسعدى

يابنت بلدى

فلا يزال قلمك يضرب ظهر الورقة

ويقول

أنا لها

رائع وأكثر

لكى

خالص تقديرى

واحترامى

[عفريت أفندى]

فلاحه و بنت أصل

عارفه الجد م الهزل

و كلامك كله موزون

و ماشى ف طريق مضمون

و دى شيمة بنات الأصول

اللى لأهلهم عيونهم تقول

و لشرفهم تطير الرقاب

و ينقطع لسان الدياب

رااااااائع أميره ما كتبتى

دمت و دام إبداعك

ودى و تقديرى

[فتى الإسلام]

جميلة جدا يا فلاحة
قصدي يا أميرة
تسلمي
ديما تبدعي

[اميره بلا وطن]

يا سلام عليكى يا اميرة بجد اشعارك رائعة دى قليلة عليها بجد جميلة اووووووووووووووى يا اميرة تسلم ايدك يا روحى

حبيبتى ايوشا
انتى اجمل من كل الاشعار وكل الكلام
ربنا يخليكى ياقمر

[اميره بلا وطن]

وليه معلش دا الفلاحه صاحبه اطيب قلب
بجد كلماتك جميله جدا يا حبيبه قلبى
ربنا يحميكى يارب
على فكره انا كمان فلاحه

ياخبر ياسمسم
انتى كمان فلاحه
طيب وربنا اجمل ناس الفلاحين رغم انى مش فلاحه بمعنى اللبس والكلام وكده
ولكن فلاحه يعنى ليا حدود حمراء لايجب ان اتجاوزها
طيب مادمتى فلاحه بقى والحال من بعضه
ماتيجى نعمل هنا رابطة الفلاحين العرب