ست تغيظ؟وولد وفى؟

[مونه]

ست عجوزه على فراش الموت وما عندهاش إلا ولد واحد .... وهي على فراش
الموت
قالت له وصية
خذ يابني الورقة دي ... وأي بنت تشوفها ( بأي مكان ) إفتح لها الورقة ( وخليها تقراها )
وياويلك (( إذا قريت اللي فيها )) أنت ما تشوفهاش
ماتفتحش الورقة .... إلا إذا حسيت ان نهايتك قربت ... وخلاص هتموت
قالها حاضر .......
وماتت الأم ====> الله يرحمها
حزن الولد حزن شديد ....
بعد مده ..... قال لازم أنفذ وصية أمي


طلع للشارع .... وبالصدفة وهو معدي من عند ( محل كافي شوب )
قال كويس ... انا هضرب لي فنجال اقهوة عشان أعدل الطاسة
دخل المطعم ........ طلب قهوة
جاله الجرسون طلع الجرسون( بنت ) ... وقدمت له القهوة
وهو بيشرب القهوة ... قال ليه ما أوريهاش الورقة ... فكرة والله
قام أخينا وفتح لها الورقة
البنت على طوووووول ... قعدت تصرخ
... يا زبالة ... ياحقير
ياقليل الأدب .... يا عديم الذمة يا عديم الضمير ... يا منحط ... ياسافل


الراجل .... (مستغرب)... مش عارف في ايه
جاء صاحب الكافي .... وطرده
المسكين اتخنق ... قال أكيد البنت دي مجنونة ... أكيد مش سليمه
طلع من الكافيه ... ومشي في الشارع ... وبالصدفة لقى ملاهي ... قال أما أدخل فيها
دخل الملاهي ...

راح إلى لعبة تصادم السيارات ====> مالقاش ولا سيارة فاضية .... شافته بنت ... قالت له .. تعالي إركب معايا
إتبسط ... فرح ... ركب معاها ... وقام يلعب
وفي الآخر .... عزمته على آيس كريم ... وقعد يتكلم معاها
قال أما أوريها الورقة ... أكيد تختلف عن البنت اللي في الكافيه ... فتح لها الورقة
البنت على طوووووول
يا زبالة..... ياحقير
ياقليل الأدب .... يا عديم الذمة يا عديم الضمير ... يا منحط ... ياسافل

الراجل ياعيني ..... مش عارف في ايه
ونفسه يقرأ اللي في الورقة ... لكن أمة ... محذراه
راح للبيت ... مر على مطعم ... قال اما أتعشى
طلب عشاء

بالليل بطنه وجعته الظاهر جاتله ( زايدة )
طار للمستشفى ... عملوله عملية زايدة
ولما صحى من النوم ... شاف الممرضة قدامة ... قال أكيد دي تختلف عن الباقيات
هي هاترحمني
وقام أخينا ... ادالها الورقة
البنت على طوووووول
يا زبالة... ياحقير
ياقليل الأدب .... يا عديم الذمة يا عديم الضمير ... يا منحط ... ياسافل


الراجل اتجنن .... قال أنا مش قاعد في البلد دي ..... دا كلهم مجانين
لازم اسافر بره البلد دي
حجز تذكرة على اول رحلة خارج البلد .... ركب الطيارة
وقعد في الكرسي ... جت المضيفة تخدمــه ====>بنت ...
جابت له العصير ... وقال هاوريها الورقة
أكيد البنات دول مستواهم عالي ... ومحترمين
فتح الورقة لها .......... والبنت على طوووووول مكدبتش خبر ومسمعاه الموشح
يا زبالة ... ياحقير
ياقليل الأدب .... يا عديم الذمة يا عديم الضمير ... يا منحط ... ياسافل


والله لأنادي لك السوبرفايزر ... أشتكيله منك
جاء السوبرفايزر ... وسمع القصة من المضيفة
قال أبداً مش هاتقعد في الطياره ولا ثانيه
مافيش إلا حل واحد نرميك من عند باب الطيارة


الراجل قال لهم إنتو مصرين ترموني من الباب
قالوله ايوة .. هنرميك من باب الطيارة
قال لازم أنفذ وصية أمي
أنا عندى طلب ممكن وأنا واقف عند الباب .... قبل ما ترموني على الأرض .... عايز أقراً الورقة
لأن أمي وصيتها إنه مايقرأ الورقة ... إلا إذا هيموت
وهو أكيد هيموت لأنه هيقع من الطيارة
وهما رايحين يزقوه عشان يقع .... فتح الورقة ..... عشان يقراها
اول ما اتفتح باب الطيارة وخلاص هيعرف ايه الى فى الورقة

راح جه شوية هوا مطيرين الورقة

ايه رأيكم فى المقلب ده تعيشووا تاخده غيرها

ها ياريت اعرف من فيكم عاوز يضربنى دلوقتى
ههههههههههههههه
ده لو كان فى حد عنده صبر وكمل قرايته هههههههههههههههههه

بلاش ضرب انا قولت

ويارب يعجبكم بس هو شاااااااب مش عبيط بالعكس ده جدع وطيب جدااا.....

علشان هو كان بيحقق وصية امه..... وامه هيا الى موتته......ان كيدهن عظيم.....

ماتخلوش الفضول يقتلكم وعايزين تعرفوا ايه الى مكتوب فى الورقه بالضبط ههههههههههه ماشى

[♥بـونـبـونـايـه سـكـره♥]

تيب يا مونه تيب
اعمل فيكى ايه انا ناو ها
ماليس دحوه لازم اعرف ال ف الورقه
ههههههههههههههههههههههههه
تسلميلى ياروح قلبى بكد

[roro_rawan]

انتى مش عاوزة حد يضربك ؟؟؟؟!!!!!!!!!!!! طيب ازاى
مليش دعوة لازم تقوليلى كانت مكتوب ايه فى الورقه لا اما انتحر واكتب انا فى ورقه ان انتى ال محردانى على كدا
بس يلا مقبوله منك يا قمرايه

[Ṃỏ7äṃΣď Ụ-ĐęṾĭ Ĺş]

وربنا وربنا كمان مره
اخر ثقااله
عقابا ليكى بقى انا لاقيت الورقه وهجيبهالك تقريها
ابقى لمى علينا المنتدى

[مونه]

تيب يا مونه تيب
اعمل فيكى ايه انا ناو ها
ماليس دحوه لازم اعرف ال ف الورقه
ههههههههههههههههههههههههه
تسلميلى ياروح قلبى بكد

هههههههههههههههههه
طيب وعد منى لو عرفت أبقى
أقولك عليه ده لو عرفت
بارك الله فيكى ياعسوله

[مونه]

انتى مش عاوزة حد يضربك ؟؟؟؟!!!!!!!!!!!! طيب ازاى
مليش دعوة لازم تقوليلى كانت مكتوب ايه فى الورقه لا اما انتحر واكتب انا فى ورقه ان انتى ال محردانى على كدا
بس يلا مقبوله منك يا قمرايه

طيب هى كان مكتوب فيها
.



..
..










....











.....











.......








........









تصدقى معتش فاكره
بس ياستى ماشى
موافقه على الضرب
لكن الأنتحار ماليش دعوه
انا مش مسئوله
بارك الله فيكى
وتعيشى وتأخدى غيرها

[مونه]

وربنا وربنا كمان مره
اخر ثقااله
عقابا ليكى بقى انا لاقيت الورقه وهجيبهالك تقريها
ابقى لمى علينا المنتدى

لالالالالالالالا أنا عارفه ايه
اللى فى الورقه أقولك
أدى الورقه لرورو روان
وكده كده المنتدى هايتلم
بارك الله فيك