حرامى قرر يتوب

[_EVE_]

السلام عليكم و رحمة الله و بركاته

النهاردة جايبلكم معايه حتة حكاية مفتكسة إنما أيه
بعنوان ....

حــرامى قـــرر يـتــوب

يارب تعجبكم

>> يلا بينا >>

اتسرقت عربية واحد و راح بلغ عنها فى قسم الشرطة ،
و قعد مستنيهم لغاية لما يقبضوا على اللى سرقها



و طال انتظاره يا عينى ...
و بعد بهدلة مع التاكسيات و الميكروباصات و بعد عناء استمر لمدة طويلة
رجع بيتهم فى يوم و إذا بيه يلاقى جرس التليفون يرن ...
راح لقى شخص بيقوله فى صوت حزين متردد : هوا حضرتك ... أأأ ..أأأ
هوا أنت صاحب العربية اللى مواصفاتها كذا و كذا ؟؟ !!
رد عليه و قالله : أيوه أنا
الحرامى : أنا اللى سرقت العربية بتاعتك بس و الله أنا تبت ، و لكن أنا مش عارف أيه اللى خلانى أعمل كده
الله يخربيت الفلوس و الطمع فى تحسين المستوى مع إنى راجل معايه فلوس ..
للأسف كله من سماع الشيطان الوسواس الخناس
أرجوك سامحنى علشان خاطر ربنا يقبل توبتى ...
لازم أسمعها منك إنك مسامحنى و إنك مش هاتبلغ البوليس عنى ...
و أنا من جهتى هارجعلك العربية
أنا مش عاوز أتفضح وسط عيلتى و قرايبى و الناس اللى يعرفونى
فرد صاحب العربية بلهفة : أرجوك رجعها و أنا مسامحك ... رجعها
فقال له الحرامى : أنا تبت و هارجعهالك ... أنا هاسيبهالك فى المكان اللى يعجبك
فـ رد صاحب العربية : سيبها طيب فى المكان الفلانى بشارع جامعة الدول العربية


الحرامى التائب : خلاص اتفقنا ، و هاتلاقى المفاتيح جوا العربية
و هاحطلك كمان ظرف فيه هدية عبارة عن تذاكر سفر لشرم الشيخ لمدة 3 أيام
و هناك حجز ليك أنت و أسرتك بفندق كويس ... لأنى عارف إنى تعبتكم بغلطتى و جريمتى

***********

راح صاحبنا للمكان اللى اتفقوا عليه و إذا بيه يلاقى عربيته فعلاً هناك
ففتحها و بص لقى المفاتيح جوا العربية زى ما الراجل قال له بالظبط
ففرح جداً و انبسط .... لم يمر وقت طويل و راح لقى ظرف موجود جوا العربية على تابلوه العربية
راح فاتحه بلهفة ... و إذا به 5 تذاكر سفر بالفعل .. على نفس عدد أفراد عيلته بالظبط
فأستغرب ..
راح البيت و اتصل بشركة السفريات .. و اتضح فعلاً إن التذاكر سليمة و الحجز مدفوع مسبقاً !!
قعد يفكر ... أيه يا جدعان الراجل اللى ضميره صحى قوى ده !
... فعلاً حس بغلطته
فاتصل بالفندق علشان يأكد السفر .. و كان قاعد جنبه مراته و أولاده
اتصل بيه الحرامى بعدها بشويه .... ترن ترن
ها .. سامحتنى يا أستاذ ؟ و هل قبلت هديتى ؟
فقال له صاحبنا : جزاك الله كل خير ... و أنا مسامحك و قبلت الهدية

*************


و بعد يومين من قضاء أجازة سعيدة مع عيلته فى شرم و الاستمتاع بجمالها
رجع بيتهم لقاه مسروق بالكامل و بقى أنضف من الصينى بعد غسيله

[نوررر]

ههههههههههههههههه عامل زى مسلسل عصابة بابا وماما نايس توبك

[مونه]

هههههههههههههههههههه
لا بجد حرامى عنده ذمه
بس بجد جميله
بارك الله فيكى

[♥بـونـبـونـايـه سـكـره♥]

... ههههههههههههههههههههههه ...
... كامده موت وربنااااااااا ...
... تسلميلى ياقمرايتى يارب ...

[_EVE_]

ههههههههههههههههه عامل زى مسلسل عصابة بابا وماما نايس توبك

نايس مرور
نورتينى يا سكرة بمرورك الجميل دا
و يا رب دايما

[_EVE_]

هههههههههههههههههههه
لا بجد حرامى عنده ذمه
بس بجد جميله
بارك الله فيكى

انتى اجمل يا سكرة
نورتينى بمرورك الجميل داا

[_EVE_]

... ههههههههههههههههههههههه ...
... كامده موت وربنااااااااا ...
... تسلميلى ياقمرايتى يارب ...

الله يخليكى يا حبى
نورتينى يا سولى بمرورك الجميل دا

[lenasalman]

ههههههههههههههههههههه جميلة أوى

[_EVE_]

ههههههههههههههههههههه جميلة أوى

مرورك اجمل اكيد
نورتينى ويا رب دايما