::: نــــ،ــــ،ـــــور & ادهـــ،ــــ،،ـــم :::‏

[_EVE_]

‎بسم الله الرحمن الرحيم

*****************************
القصه هتبدا معاكم من اليوم
----------------------------------------------------------------

الحلقه (1)
--------------

نور بنت جميله واحلي حاجه فيها برئتها ورقتها نور يتيمة الاب

وعندها ام جميله اوي بتحبها وبتخاف عليها وهما الاتنين مرتبطين ببعض اوي

والدة نور بتشتغل شغلانه كبيره جدا وبحكم الشغلانه دي مش بتكون في مدينه معينه

يعني ممكن تسافر كتير

وبعد وفاة والد نور جه لمامت نور شغل اساسي ونهائي ف اسكندريه

ومن هنا هتبدا وتدور الاحداث

-----------------------------------------------

الام : نوووور نووووور انتي لسه نايمه مش معقول يا نور بجد انتي شهاده اعداديه

يعني لازم تزاكري خلاص الامتحانات عل الابواب قومي بقي تصدقي انا غلطانه اني

خليتك تدرسي منزلي انتي كان لازم تنزلي وتحضري دانتي اخده المنزلي ومقضياها نوم

الا ما شوفتك بتزاكري الصبح ( معلش يا جماعه نسيت اقولكم ان مامتها رغايه مووووووووووت)

نور : خلاص يا ماما خلاص يا ماماااااااا هقووووم اهو خلاص هقوم... ( وتبرطم وتقول)

ده اي ده مش معقول رغي رغي عل الصبح

الام : بتقولي حاجه يا نور

نور : لالالالالالالا وانا اقدر انا بقول ايه اللي جابك من الشغل بدري ومصدعاني

الام: اخس عليكي بنت وحشه انا مصدعاك طب ماشي يا نور مش هحكي هه

نور خرجت من ( الحمام) : لا يا مامتي وانا اقدر ازعلك ولا اصدع منك يا ماما انتي قدري

يعني امر ميئوس منه

الام : ههههههههه كده يا نور طيب اقعدي بقي واسمعي

نور : مممم خير يا ماما

الام : دلؤتي يا نور انتي عارفه اننا هنا لوحدنا وملناش غير خالك (يحي) وهوا في اسماعليه

وفين وفين لما بيجي

نور: طيب واي الجديد يا ماما ..في ايه

الام : مفيش يانور كل ما في الموضوع اننا هنسافر اسكندريه وهننزل في قريه متكامله

يعني مش هنحتك بحد

واهو تدخلي الثانوي هناك

نور : ماما انتي عايزاني اسيب صحابي واهلي هنا... ازاي !!؟

الام : يا نور يا حبيبتي هناك اكيد هنقابل ناس كتير ونعرف اكتر... ( وعامله نفسها زعلت)

خلاص لو مش عايزه يا نور انسي الموضوع ده...

نور : لا يا ماما انا مقدرش ازعلك بس... خلاص يا ماما بس سؤال ليه هنسافر اصلا ؟!

الام : جالي تثبيت لشغل وهيكون هناك بدل مانا بسافر افضل اشحتطك معايا عند خالك

نور : امممممم لا يا ماما مدام لشغلك براءه والمفروض هنسافر امتي

الام : بعد ما تخلصي امتحاناتك هنسحب الورق ونسافر باذن الله ...

نور : باذن الله ... وربنا يكتبلنا السعاده هناك

------------------------------------------

وبدات امتحانات نور ونور كانت مجتهده مشاء الله وخلصت الامتحانات ونور جابت مجموع كويس

جدا ودخلت ثانوي عام وفعلا سحبو الورق ...... ولمو كل ذكرياتهم وراحو علي اسكندريه

دنيا تانيه وهوا تاني روح تانيه

حاجه كده جميله اوي ... ووصلو ونزلو في القريه اللي اتحجز لمامت نور فيها

................
نور : ماما ده شاليه ؟

الام : عادي يعني يا نور شقه بس صغيره ... بس اي بقي في جناين ومول وكل حاجه ممكن

تحتاجيها.. حتي مدرستك اللي هقدملك فيها ... هنــا !

نور ! : هنا.. طيب كويس اهم حاجه يا ماما تكون مدرسه كويسه انا باذن الله هدخل طب

يعني هدخل طب... ومش عايزه بقي نظام المدارس اللي ميجبنيش

الام : لا حبيبة ماما متخفيش دي مدرسه كل البنات والولاد اللي فيها ولاد ناس محترمين..

نور : ايه ولاد يعني ضياع يا ماما ونظام دلع ..... يوووو يا ماما بقولك مش عايزه مدرسه بايه

الام : نور انا متاكده انها مدرسه كويسه يلا عشان نقدم الورق

نور : انزلي انتي يا ماما انا هفرغ الشنط....

ونزلت مامت نور ... ونور خايفه انها متحبش المدرسه ومتدخلش الكليه اللي بتحلم بيها

المهم قررت نور تنزل تمشي تحت....... ووهيا بتتمشي لقت........

------------------------------------------------------
مستنيا ردودكم ويارب تعجبكم باذن الله

[Ali Pharouq Najar]

شكلها جميلة .....
أنا متابع حضرتك ...

[shining stars]

قصة بدايتها حلوة
ان شاء الله نتابعها
بس مش تتاخري علينا

[_EVE_]

شكلها جميلة .....
أنا متابع حضرتك ...

يا رب تعجبكوا زى ما عجبتنى
نورتنى بمرورك الجميل دا

[_EVE_]

قصة بدايتها حلوة
ان شاء الله نتابعها
بس مش تتاخري علينا

انتى احلى يا قمرايه
انتى تأمرى
نورتينى يا سكرة ويا رب دايما

[ياسمين14]

يلا كملى احنا مستنين

[_EVE_]

يسلمو يا ياسمين
نورتينى
وهكمل متخافيش

[_EVE_]

وهيا بتمشي لقت كوره خبطت في دماغها وصو ت شباب بيضحك

مسكت الكوره ولفت ورفعت النضاره عل عنيها...

ولد منهم ( وماسك نفسو من الضحك) : انا واحنا متاسفين الكوره ممكن..

نور : الكوره ممكن.. انت تخبطني في دماغي وتضحكو وكمان عاوز الكوره

الولد: عادي محصلش حاجه احنا كنا بنلعب ف شوطنا دماغك في الكوره

نور ومش فاهمه حاجه : نعم !!!!

الولد : قصدي شوطنا الكوره في دماغك .. صح كده... متاسفين معلش

نور : اهي اجري خدها بقي وتاني مره ابقو خدو بالكو من كور الناس .. يووو قصدي دماغ الناس

اوعي كده ...

ورجعت نور عل البيت ومتنرفزه وقاعده تقول : بدايه مهببه من اولها كوره في دماغي اةةةة

يا دماغي فينك يا ماما..

ووصلت نور الشاليه ودخلت وماما كانت لسه مجتش فضل قاعده وظبطت البيت ... والباب خبط

نور : حااااااااااضر انا جايه يا ماما انا جايه.. انا حطيت النضاره فين.. فييييييييييييييين

نور ( فتحت الباب) : مااا... انت تاني انت هنا ليه هاااااااا

الولد: انا حبيت بس اعتزرلك عن اللي حصل والله انا وصحابي كنا مش قاصدين انا ساكن هنا

جمبكم... واسمي ادهم وو ( وقامت مقطعاه)

نور : وانا مالي ساكن هنا ولا ساكن فين ومالي باسمك وفصلك متشكرين اي خدمه

ادهم : انتي غريبه طب عل فكره بقي انا مجتش اعتزرلك ولا حاجه وانتي تساهلي تتخبطي بالكوره والمره الجايه هخبطك ( وقبل ما يكمل كان بوز الباب في وشو) وطرررررررررررخ

نور ( من جوه ) : ههههههههههههههه نعيما يا باشا المرادي في انفك المره الجايه الامر ميسلمش هههههههههه

ومشي ادهم عل الشاليه بتاعهم واةةة يا انفي والحقيني يا ماما انفي المسمسمه

والدة ادهم : مالك يابني في ايه؟!!!

ادهم : انفي انا مستقبلي راح خلاص مش هعرف العب كوره تاني

والدة ادهم : ههههههههههه ومال الكوره بالانف يا مشاغب انت ادخل يلا ادخل خد دش

ودخل ادهم وخد دش نام.........

الباب خبط تاااااااااااااااااني ... بس عند نور

نور : اوووووووووف ايه الحكايه بقي .... والله لو هوا لا اوريه هه

نور : وبعديــــــــــــــــــــ ـــ ماما حبيبتي

والدة نور باسغراب: وبعدين ايه يا نور!!!

نور : لالالا مفيش وبعدين اتاخرتي ليه؟!!

الام : اممممم مفيش يا ستي كان اخر امل لتقديمك في المدرسه تخيلي

نور : بلا ارف يا ماما انا الف مدرسه تتمناني المهم جبتلنا اكل انا هموت من الجوع..

الام : يوووو نسيت اشتري ....

نور : نعم نسيتي ياربي يا ماما ده انا جعانه...

الام : بصي يا نونه انتي تنزلي السوبر ماركت تحت اشتري حاجه نعملها في السريع كده

نور : امممممممم طيب قومي هاتي فلوس ( وقبل ما تكمل وبابتسامه واضحه عل ماما)
الفلوس اهيييييييي

نور : طيب مش هتأخررررر

ولقت باب الشاليه اللي جمبيهم بيتقفل وصوت زي ادهم بيقول خلاص حفظت

عيش فينو وجبنه كوره وبيـــف .... وصوت تاني من جوه : ولبن يا حبيبي

نور اتلخبطت وقالت يلاهوي لا يردلي الضربه بس هيا ولا هممها وعدت ونزلت عادي...

ادهم : انتي شوفتي ان يومك مكنش بعيد انا ممكن معدكيش ويبقي يومك فحلقي
بس رفقا بالقوارير هعديكي... عدي

نور : ـــــــــــــــــــــــــ ـــــــــــــــــــــــــ ـــــــــــــــ ( دي مش شتيمه نور مردتش عليه)

ادهم : وخشن صوته ) اهاااااااااا ايوه كده

نور نزلت وفضلت ماشيه وهوا وراها برمي الكلام قامت وقفالو

نور : مممممممممم وبعدين

ادهم : بيصفر) نعم يا قطه انتي بتكلميني!!

نور : اممممم تصور انا بكلمك تنازل رهيب مني بس المره الجايه هتكلم بطريقه تاني
الا قولي اخبار انفك ايه ههههههههههههه ( ومشيت ووصلو الاتنين للسوبر ماركت)

واشترت نور حاجاتها وطبعا هوا محتاس ونسي مامته قالتلو ايه... انتو فاكرين

اة اة افتكرت بس مش انا اللي هفكرو نور بعد ما حسبت الكاشير راحت وقالتلو... عيش فينو
وجبنه كوره وبيـــف ولبن... مسطول

وخرجت نور وماشيه لطريقها للشاليه وقابلت الصبيان اللي كانو مع ادهم وخبطوها بالكوره

وهذا كان الحوااااااااااااااااار...... ...

الاصدقاء: اخبارك دماغك ايه يا عم سماعيل
بيردو عليه: والله يابني مانا شايف ما تيجي انت تشوف
ــــــــــــــــ: طيب ما تقفل كده عشان اشوف دماغك

ووقفو قدام نور ونور خافت : نعم خير في حاجه يابابا انت وهوا

ــــــــ : بابا في البيت يا قطه ههههههههههههههه

نور : طيب يا انت حاسب عشان اعدي

ــــ : لالالالالا مستحيل تعدي غير لما نطمن عل دماغك

.........................................

ادهم خارج من السوبر ماركت : انا هيا تفكرني وتقولي مسطول ده انا لو شوفتها دلؤتي
ولسه مكملش لقه صحابو واقفين حواليها ومش راضين يعدوها

جري عليهم : ياااااااا يا شباب احسنتم عملا جبتوهالي لحد عندي اتكلو عل الله انتو بقي

نور : انت هتستهبل بقولكم عدوني... وانا اللي كنت فكراك محترم طلعت....

ادهم : بسسسسسس ومن غير غلط لا اكعورك... يلا انتو يا شباب منخدمكوش في حاجه

ومشيو الشباب وهوا ساب ايدها وقالها... متنزليش تاني متاخر كده القريه هنا بتبقي من وره الشاليهات مفيهاش حد وممكن حد يضايقك ... اة وانا اسف اني مسكت ايدك بس مكنوش هيسبوكي واتفضلي امشي قدامي

ومشيت نور قدام ادهم وهيا مكسوفه من نفسها اوي.. وطلعت وبعدين وصل هوا الشاليه بتاعهم وقبل ما تحط المفتاح رجعتلو وقالتلو : انا... انا متاسفه

وراحت عل الشاليه وهيا مضايقه وفتحت الباب ودخلت ......... وحكت لماما عل كل حاجه

الام : انا اسفه يا حبيبتي والله ما كنت اعرف الساعه9.30 ومش متاخر اوي

نور : لا يا ماما محصلش حاجه محصلش حاجه

ونامت نور ونام ادهم ...........

وفي الصبـــــــــاح .......

الام : نووووووور قومي عندي ليكي خبر جناااااان

نور : اممممم في ايه يا ماما عل الصبح هنرجع تاني القاهره ولا ايه !( بتريقه)

الام : هههههههه لا يا لماضه قومي بس وصحصحي

نور : ايون اهو خيررررر

الام : في مكتبه هنا وعاملين مسابقات كتير بعد كورسات معينه في اللي هتختاري تسابقي
فيه...

نور : مممممم والمطلوب!

الام : نعممممم هتشركي طبعا انتي رسمك حلو جدا هنقدم واهو تضيعي الشهرين دول
في حاجه مفيده

نور : امممم طيب قومي بقي عشان انام...

الام : تنامي مييييييييييين قووومي هنفطر وننزل نقدم

وفعلا فطرو ووهما خارجين من الشاليه كانت والدة ادهم وادهم نازلين

وكان الحوار.......

مامت ادهم : اهلا انتم جيران جداد؟
مامت نور : اةة اتشرفت بيكي انا هاله
مامت ادهم : وانا مريم

مريم : ده ادهم ابني طالع 2 ثانوي بس قولي يارب يعديها
هاله : اهلا يا سي ادهم انا عارفاك عل فكره بس انت متعرفنيش
ادهم : ازاي مش فاهم حضرتك!!
هاله : لا ده موضوع كبير المهم انا عايزه اشكرك عل موقفك مع نور وياريت تاخد بالك منها
نور وحيده وملهاش اخوات

ادهم: اكيد يا طنط انت تؤمريني... ويبص لنور وبعدين يقول لمامته: طيب انا هتاخر عل الكورس
كده الله يخليكي يا ماما متنسيش الاكل اللي طلبتو.. عن اذنكم

ونزل نور مع مامتها وسلمو عل مريم وهاله قالت لمريم : انا هقدم لنور في السابقه بس رسم

مريم : فعلاااا ده ادهم في كورسات المكتبه ورسم برضو هههههه

هاله : حقيقي طب كويس جدااااا بقالو كتير

مريم : لا ده لسه بدأين من يومين روحو قدمو وممكن تحضر من انهارده ومضيعش وقت

نور استغربت انه معاها برضو في الكورس
وفعلا نزلو ووصلو هناك وقدمتلها

وف عز الكورس الباب خبط

مستر وليد : اتفضل

ادهم : بصوت واطي ( نوووور)

مستر وليد : ايوه اقدر اخدمك

نور: انا معاكو في الكورس هنا جديده

مستر وليد :تشرفينا اتفضلي ديسك 20........

ودخلت نور وخلصو الكورس ووهيا خارجه

حد بينادي ............ نووووووووووووور


--------------------------------------------------------------------

طولت عليكم انهارده معلش بقي
ويارب تعجبكم

[ياسمين14]

اه الموضيع الجامدة ده يلا مستنين كملى

[roro_rawan]

الله شكلها حلو
وبقلك ايه انا هبطل اقول فى التوبيك دا ( ظريفه ولطيفه) بس على شرط متتأخريش فى التكمله
فاهمه ياروحى
بجد شكلها قصه حلوى اوى وانا بحب القصص جدا
ميرسى يا مووووووووونى