ربنا يسامحك يا عرابى............................

**ايسل** · 14 - 9 - 2010, 06:54 AM

ايه يا عم احمد يا عرابى انت بتقول ايه ولمين انت قد الكلام اللى بتقوله ده اه اه اسفه معلش افتكرت انك كنت قده وقدود بس معلش يا معلمى ايها المصرى ومصرى بجد مش لقب وخلاص
عايزه اسألك وانت كنت بتكلم كده وبالثقه دى كنت بتكلم مين
اوعى اوعى ياراجل بحد اوعى
اوعى تكون كنت بتكلم مصريين قولى بجد الحماس والشهامه والجدعنه وعزة النفس دى من ايه وكنت بتكلم مين والنبى
لالالالالالالالالالالالال الالالالالالالالالالالالا لالالالالالالالالالالالال الا
اوعى تقولى مصريين لالالالالالالالالالالالال الالالا بتهزر انت كنت بتكلم جنس تانى وناس تانى ودم تانى صدقنى ايه بتعارضنى ليه ومضايق ومتنرفز منى ليه بقول الحقيقه اللى انت مت قبل ما تشوفها
انت مت واللى سمعوا كلامك ودمهم كان زى دمك حامى ماتوا يمكن معاك ويمكن بعديك بكتير عارف مات امتى اخرهم بعد ما حرر اخر حته محتله فى ارضه بس وبيقولولك ايه بقى يا عم عرابى دلوقتى
مش هعلق لقد خلقنا الله احرار لانه سبحانه وتعالى خلقنا كده
بس هعلق على بقيت الجمله علشان تعرف شعار المصريين دلوقتى
هنورث وهنستعبد بمزاجنا مش بمزاج حد تانى اوعى تتنرفز منهم يا حاج عرابى ما هما مصريين بردوا بس مصريين بيستهبلوا او بيستعبطوا دلوقتى شعارهم غير شعارك دلوقتى هما بيقولو مصلحتى يا مصلحتى او فى نوع تانى بيقول اه يا خوفى اه يا خوفى
متستغربش اه صدق مالك صح اللى انت شايفه المصريين رضيوا بالذل والهوان عادى يعنى متزعلش قوى كده ما هو انت مت قبل عصر العولمه يا بختك وبقولك ايه انا مش بحبك علشان انت مش راجل بتحدد كلامك المفروض وانت بتقول
لا نــــــــــــــــــــــور ث ولانـــــــــــــــــــــ ـــــــــــستعبد بعد اليوم
كنت حددت التاريخ مش تسيبها عايمه كده وتخلينا نحلم ونصدق ونعيش الوهم مع كلامك وفى الاخر نتصدم طيب اتفرج انت على اللى هيحصلنا بعد كام شهر هنورث وهنستعبد اكتر ما كنا مستعبدين
ولا هتلاقى حد بيكلم وابقى قولى بقى اكرهك على حلمك وكلامك اللى خلتنى اصدقهم واقتنع بيهم واعيش عليهم ولا احبك هستنى ردك ايها الزعيم؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

**ابو تريكه** · 14 - 9 - 2010, 07:15 AM

ههههههههههههههه

مش هتجبيها لبر انا عارف

ربنا يستر

**SCREEM** · 14 - 9 - 2010, 10:13 AM

الخط كبير قوي

**هشام اللول1** · 14 - 9 - 2010, 01:37 PM

لكل بدايه نهايه يا ايسل
للفساد بدايه في عهد حسني
وان شاء الله يا ايسل
هينتهي مع انتهي عصر مبارك

ممكن يبقي الشعب ضعف شوية
بس هيجي عليها يوم ويفوق

وانا مش عاوز اقول احنا منتظرين
واحد زي
صلاح الدين ولا عرابي ولا مصطفي كامل
ولا جمال عبد الناصر

لانه بجد اللي ظهر وموجود دلوقتي ( البرادعي )
بيحاول يحرك الشعب لكن بردوا للاسف ناس كتير جدا
بتشكك في تصرفاته
ولكن اقف ضدهم واقول لهم
من الذي وقف امام الحزب والرئيس بهذه القوة
واخاف الحزب
لكي نقف معه
؟؟؟؟؟؟؟؟؟؟؟؟؟

للاسف الشعب فعلا في
غيبوبه تامه تامه تامه تامه

شكرا ليكي يا ايسل
ولازم يبقي الامل موجود

بارك الله فيكي وحفظك ورعاكي

**A7med elsayed** · 14 - 9 - 2010, 06:53 PM

ربنا يسامحك يا أيسل
جعلتينى أرجع إلى التاريخ وأنظر إلى عزه المصرى المسلم وثقته بنفسه وأقارن بينها وبين حالنا الآن

لا إله إلا أنت سبحانك إنى كنت من الظالمين

**البنت الجديده 1** · 14 - 9 - 2010, 07:01 PM

قالها عرابي في سبتمبر 1881 وحتي الان لم ياتي اليوم الذي يمكننا ان نقول هذه المقوله بصدق وكرامه نفس وعزه سلطان .

بعدما رحل الانجليز ظننا اننا لن نورث ولا نستعبد ولكن مر كثير من العدوان ولم ياتي ذلك اليوم فمتي.....؟؟

بعد انهزام اسرائيل في الحرب كان بودنا ان نفكر رأسنا فخورين ببراعه قواتنا ولكن ........

ما حققته الحرب قتلته السياسه بمعاهده كامب ديفيد وجاء التطبيع والاعتراف بدوله اسرائيل هما اول مطالب المعاهده ليبدا هنا الاحتلال الداخلي .......احتلال وغطرسه المطالب الاميريكيه والاسرائيليه
ليعيش المصريون منذ ذلك اليوم تحت عطف هؤلاء الخونه من الزعماء العرب

متي نقول والله لانورث ولا نستعبد بعد اليوم ....

متي نقول لانورث ولا نستعبد بعد اليوم ....

ومازلنا في الانتظار
ومازلنا في الانتظار
......................................

اشكرك ايسل

ارجوا ان لا اكون قد اطلت عليكي

تقبلي مروري المتواضع علي موضوعك الرائع

**براكودا** · 15 - 9 - 2010, 01:53 AM

بعد الموضوع الجميل ده
وبعد مشاركات الاعضاء الرائعة دي
وبعد اتهام ايسل ليا بالعبط واني بسخن بسرعة

لذلك انا قررت اني مسخنش بسرعة ومعلقش عالموضوع

بس ان دخلت الموضوع لاني مقدرش اشوف موضوع لايسل من غير ما اشارك فيه

تسلموا

**ايسل** · 15 - 9 - 2010, 09:03 AM

ههههههههههههههه

مش هتجبيها لبر انا عارف

ربنا يستر

ههههههههههه
متقلقش يا تريكه مش احنا اللى ياخدوا بالهم مننا
هما عنيهم على الكبار اللى ممكن يعملولهم بلبله فى البلد اما احنا بالنسبه ليهم كتاكيت صغيره مفيش منا خطوره
والله نورتنى ونورت الموضوع ونورت القسم السياسى كله يا كابتن

**ايسل** · 15 - 9 - 2010, 09:11 AM

الخط كبير قوي

جبته لنفسك استنى احكيلك قبل ما تنام والنبى

اوعى تنام وانا بحكى بص يا سيدى انا شوفت الصوره واضايقت بجد من المكتوب عليها فلقيت الوحى بتاع الرغى نزل عليه وانا كنت اصلا مش شايفه وعايزه انام ها معايا ولا نمت المهم وانا بكتب النت فصل روحت كتبت الموضوع عندى على الكمبيوتر وعلشان مش شايفه وعايزه انام كبرت الخط وبعدين النت رجع روحت عملت كوبى وطبعت بسرعه علشان انام عرفت الخط كبير ليه طيب الحمد الله كمل نوم بقى وانا اخرج اسكتلك العيال اللى فى المنتدى برا اقولهم وطوا صوتكم اخوكم كريم نايم فى موضوعى جوه تصبح على خير يا حاج

**ايسل** · 15 - 9 - 2010, 09:18 AM

لكل بدايه نهايه يا ايسل
للفساد بدايه في عهد حسني
وان شاء الله يا ايسل
هينتهي مع انتهي عصر مبارك

ممكن يبقي الشعب ضعف شوية
بس هيجي عليها يوم ويفوق

وانا مش عاوز اقول احنا منتظرين
واحد زي
صلاح الدين ولا عرابي ولا مصطفي كامل
ولا جمال عبد الناصر

لانه بجد اللي ظهر وموجود دلوقتي ( البرادعي )
بيحاول يحرك الشعب لكن بردوا للاسف ناس كتير جدا
بتشكك في تصرفاته
ولكن اقف ضدهم واقول لهم
من الذي وقف امام الحزب والرئيس بهذه القوة
واخاف الحزب
لكي نقف معه
؟؟؟؟؟؟؟؟؟؟؟؟؟

للاسف الشعب فعلا في
غيبوبه تامه تامه تامه تامه

شكرا ليكي يا ايسل
ولازم يبقي الامل موجود

يا هشام الا قولى هو انت ليه بتعمل فيه كده
ايه كمية الامل والتفائل دى
يعنى بعد كام شهر هيورثونا بالحيا
وعافيه واقتدار وانت تقولى
هينتهى بانتهاء عصر مبارك
هو هينتهى عصر مبارك
اللى خلف ما متش ياحاج
تركه وهيسلموها من ايد لأيد
وبكره تقول ايسل قالتلى
نورتنى بكمية التفائل والامل دول
ويارب دايما

الموضوع: ربنا يسامحك يا عرابى............................

أدوات الموضوع

ربنا يسامحك يا عرابى............................

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة