محدش يلوم عليا بقلم عصام قمر

[عصام الدين محمد]

محدش يلوم عليا

محدش يوم يلوم عليا

لما أقول اني مسافر

أرض تانية لناس تانية

عايز احس بنفسي قادر

أخرج من دنيا عذابك

أكسر باب سجن جنابك

فتحتلك جنة قلبي بكل حب

خدعتيني وعيشتيني نارك

صبرت ياما ياما كتير

وكان أملي يكون فيه تغيير

لكن الأمل كان كل يوم يدبل لحد م مات

والآه الواحدة نبتت جوايا ملايين الآهات

وأشوف كتير الناس حواليا في الهنا

ووحدي عايش حزين تعيس في شتات

هو كان عقد حب اللي بينا ولا كان عقد بيع

بعت فيه نفسي ليكي والتمن رخيص وضيع

خلتيني أكره نفسي وبرده بتقسى لحد القرف

وأسال نفسي ليه الصبر؟ ترد نفسي خايفة اضيع

وهو فيه في الدنيا ضياع اكتر من كدة

عجيب أمرك يانفسي والله وصبرك فظيع

**********************

عصام قمر

[اميره بلا وطن]

حلوه جدا القصيده دى
بس الصبر احيانا بيكون السبيل الوحيد
احيانا بنعمل وبنتكلم ومش بيفيد كل كلامنا فى حاجه
فالصبر مفتاح الفرج
ربنا يوفقك

[عصام الدين محمد]

حلوه جدا القصيده دى
بس الصبر احيانا بيكون السبيل الوحيد
احيانا بنعمل وبنتكلم ومش بيفيد كل كلامنا فى حاجه
فالصبر مفتاح الفرج
ربنا يوفقك

عزيزتي أميرة بلا وطن
شكرا لمرورك الجميل علي التوبيك وفعلا الصبر مفتاح الفرج.... بكل الود تقبل تحياتي وأجمل أمنياتي
عصام قمر