كلام كبير جدا
و جامد جدا
اعتقد للشاعر الواعد هشام الجخ
تسلم الأيادى أختى أميره
دمت بود و إحترام و تقدير
شعور سخيف , إنك تحس بأن وطنك شئ ضعيف .... صوتك ضعيف , رأيك ضعيف ....إنك تبيع قلبك وجسمك , إنك تبيع قلمك و اسمك .... ما يجيبوش حق الرغيف .... أنا عايش في و طني ما ليش لازمه .... و لما مره شكيت ادوني بالجزمه ..... يا بلدي لا شفت فيكي هنا و لا شفت فيكي ترف .... كل اللي فيكي قرف ..... كرامتنا متهانه و اللقمة بإهانة .... بتخلفينا ليه , لما انتي كارهانا .... يعني إيه تبقي انتي هبة النيل , و كل يوم الميه تقطع .... و لما اشتكي غلو الفاتوره , يقولو اشكي بس تدفع .... و لما جلادك على ولادك بيبطش .... و لما علمك ما يلاقيش ياكل فيطفش .... علومنا في المدارس يعني إيه كلمة قيام , علمونا نخاف من الناظر فيتمنع الكلام .... علمونا إزاي نخاف و إزاي نكش , بس نسيو يعلمنا الأحترام .... فمتزعلوش لما مانسمعش كلامكم , و ما تزعلوش لم نخرج عن النظام .... و ما تزعلوش لم نخرج عن النظام ....
كلام كبير جدا
و جامد جدا
اعتقد للشاعر الواعد هشام الجخ
تسلم الأيادى أختى أميره
دمت بود و إحترام و تقدير
ثورة 25 يناير
التغيير
الحريه
العدالة الإجتماعيه
إلى كل من يحب مبارك أبشروا قال رسول الله صلى الله عليه و سلم :
يحشر المرء مع من أحب
يا ناس حد شااااااف توقيعى ؟
walid وليد
البحث على جميع مواضيع العضو عفريت أفندى
فعلا كلمات جميله ومؤثره
شكرا لكي اميره علي اختياريتك الجميله
بارك الله فيكي وحفظك ورعاكي
الله ينور علك يا باشا
القصيدة الأصلية للشاعر هشام الجخ
جحا
شعور سخيف
إنك تحس بإن وطنك
شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت عايش بدون لازمة
ولما مرة شكيت إدونى بالجزمة
مش لاقي تطفح اديك
هاتولنا وجيبولنا وادونا ودونا
هنجيب منين نديك
مش لاقي تطفح اديك
طافح يا بلدي غدايا
ولوعتي غدايا
وادي الأحبه التقو واتجمعوا عدايا
أنا اللى زارعك دهب بتأكلينى سباخ
إن كان دة تقل ودلع بزيادة دلعك باخ
لا شفت فيكى هنا ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا بوبه
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى
حبس اعتباطي
يعنى ايه مش حاسة بالعمر وغلاوته
بتصبى مر العمر ليه
دا انا كنت ح اوهب لك حلاوته
أنا عمرى ما أتأمرت ولا حطيت شروطى
ومكان ما ترسى مركبك بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه أنا اتعذبت بيه
بتكرهّينى عيونك السودة وأيامى اللى فاتت
مانتيش حبيبيتى من النهاردة حبيبنتى ماتت
مع صوت أدانك جرس فى الشدة صاحينلك
من امتى كانوا الحرس هما اللى باقينلك
بعتينى علشانهم وعنيكى معصوبة
ياهلترى خاينة ولا زيى مغصوبة
كل الكلام اتقال والشعر بقي ماسخ
والصبر علو جبال والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية ورضعونا الخوف رضاعة
علمونا فى المدارس يعنى ايه كلمة قيام
علمونا نخاف من الناظر فيتمنع الكلام
علمونا ازاى نخاف وازاى نكش
بس نسيوا يعلمونا الاحترام
فمتزعلوش لما ابقى مش باسمع كلامكم وماتزعلوش لما ابقى خارج ع النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك كان نفاق
الحب يعنى اتنين بيدوا
مش ايد بتبنى وستميت تيت تيت يهدو
الحب حالة الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين الحب
يعنى جواب لكل المسجونين
هما ليه بقوا مسجونين
يعنى أعيش علشان هدف علشان رسالة
يعنى احس بقيمتى فيكى إنى مش عايش عوالة
يعنى لما اعرق تكافئينى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس بتجيب غداها من صناديق الزبالة
الحب جواكي استحاله
بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع زنا لهم خفا
جاءوا بموكبهم واشتغلت الزفة
الدفة مظبوطة وأصلا مافيش دفة
والكفة مش مايلة علشان مافيش كفة
و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف من الناس ولا حس على طوله
الناس عشمها كبير جريوا بيشكوله
ضحك جحا ضحكة مواشى ..
مادام بعيد عن طينى ... ماشى
الدود قاعد لك يا جحا ولابد فى طينك
بعد اما يمص فى دمانا مش هيحلاله الا طينك
احنا اهلك احنا رجالتك أمانك
إحنا وقت الشدة سندك إحنا زادك
يا جحا احمى ولادك لو كنت عايز تحمى طينك
سوف أرحل ربما يلقانى من ارجو لقاه
هامشى ويا الشحاتين وابكى على حلمى اللى تاه
بس مش هاشحت رغيف هاشحت وطن لله
أنا لا أريدك أن تبكي
ولا أريد عيناك تصافحان أمامي البكاء
فأنا
وإن مات فيك الهوى
لا أريد أن يموت فيك الكبرياء
البحث على جميع مواضيع العضو thesniper_12007
أنا لا أريدك أن تبكي
ولا أريد عيناك تصافحان أمامي البكاء
فأنا
وإن مات فيك الهوى
لا أريد أن يموت فيك الكبرياء
البحث على جميع مواضيع العضو thesniper_12007
فعلا شئ سخيف ومش سخيف لأ مميت انى احس ان وطنى اغلى شئ عندى فخرى وعزى يكون ضعيف
امتى يا مصر ترجعى تانى ام الدنيا
ياريت يكون قريب
شكرا اميره على ما راق لكى بالفعل اختيار جميل تسلمى يا قمرايه
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
الذين يشاهدون الموضوع الآن: 1 (0 من الأعضاء و 1 زائر)