الحب المستحيل

[حب العمر]

عايزة اقولكم انى حبيته بجد حبيت كل حاجة فيه حتى عيوبه انا راضية بيها مش عايزة حاجة غيره حبيت حنانه اللى
حاسة انه اكتر حاجة مدوبانى فيه بحب خوفه عليه بحب كل حاجة واى حاجة فيه كرهت تعليمى لانى حسيت انه اكتر حاجة بعدتنى عنه وحرمتنى منه من احلى احساس ممكن بنت توصلله انا بقيت مش عايزة احضر محاضرات ولا سكاشن وان حضرت بيبقى تقضية واجب ومشكلتى انى فى كلية عملية محتاجة تركيز حاسة انى عايزة افشل عشان اساويه بالرغم من ان التعليم ده كان اكبر هدف لى فى الحياة ده طبعا قبل ما اقابله واحبه كنت بتمنى انى اعيش عمرى جمبه فى حضنه بس برده حاسة انه اتنازل بسهولة عنى كل اللى قاله انه مستحيل اهلى يوافقوا عليه من غير ما يسالهم كل اللى قاله انه مش ممكن يظلمنى ويحرمنى من تعليمى بس انا برده عارفة انه موقف صعب اوى واحساس مش حلو بان هو اقل منى بس برده لازم يقدر انى مش عارفة اتخيل حياتى وهو مش فيها
اتخيل نفسى مع حد تانى ازااااااااااااااااى ده انا قلبى حتى مش عارف يطاوعنى بعد اما اتاكدت من انه مش ليه
والله العظيم مش عارفة رغم انى متاكدة من ان شخصيتى اقوى من كده بكتيييييييير مش عارفة ابعد عنه انا عارفة انى بهين نفسى بس قولولى اعمل ايييييييه فى حد هو دنيتى وناسى واهلى واصحابى وحبيبى كل حاجة
وتعليمى ده قرار مش بايدى ومش بتاعى عشان احكم فيه ورغم انى هبقى بظلم نفسى لو عملت كده
بس حاسة انى عمرى ماهقابل حد يبقى هو روحى اللى ممكن احكيلها على اى حاجة كل حاجة فى الدنيا اقدر احكيهاله رغم ان فى حاجات كتير الانسان ممكن ما يقدرش يحكيها بس انا وهو ما بنخبيش حاجة على بعض
اى احساس فى الدنيا نقدر نوصفه الوحيد اللى قدر يفهمنى بجد قولولى اعمل ايييه بالذات فى انى مش عارف اوقف علاقتى بيه واصعب حاجة فى الدنيا ان الحب يتحول لصداقة

[المستشار محمد]

حب العمر

اولا تحياتى لقلبك وحبك الجميل لحبيبك

بس عايز اقولك حاجة بسيطة

انتى متاكدة انه مش ليكى

يبقى ليه بتتعبى نفسك اولى تبعدى باى طريقة

الهى نفسك فى الدراسة

ولو معرفتيش قوليله يجى يتقدم وانتى بقى حاولى تضغطى على اهلك باى شكل من الاشكال

انا حاسس بيكى اوى على فكرة

الحب احساس جميل بس حاولى تقربى المسافات والحاجات اللى بعدتكم عن بعض اولوا انتو الاتنين تتخطوها

واسمعى يابنت الناس اوعى تفضلى متعلقة بيه كده لانك ممكن متقدريش تنسيه العمر كله لو فضلتى تحبيه كده ويارب ياحب العمر يارب يكون هو بيحبك نصف بك ليه بس

ومتتخليش عنه بسهولة بس لو معرفتيش تعملى اجة يبقى تنسى وربنا يارب يقدملك ما فيه الخير ليكى وليه

وتعليمك اولا ثم اولا ثم اولا اوعى تنسى ده لانك لو اهملتيه يبقى كل حاجة راحت منك

فكرى فى كلامى كويس جدا واعملى اللى عليكى وسيبى الباقى على ربك هو اعلم بينا كلنا

تحياتى يافندم لحضرتك ولجمال موضوعك

معالى المستشار

[حب العمر]

السلام عليكم
اولا ميرسيه جدا على الرد والاهتمام يا معالى المستشار
ثانيا انا بجد حاولت كتير جدا انى انساه واحاول انشغل فى اى حاجة تانية بس بحس طول الوقت ان كل لحظة حلوة عيشتها فى حبه بتمنعنى حتى من ان انا ابعد
انا فعلا حاسة بمعنى كلمة مش قادرة انسى وابعد او حتى مجرد انى اتخيل انه خلاص هيبقى ليه حياة تانية وزوجة واولاد وحياة تانية خالص غير اللى انا فكرت فيها مع انى بجد واثقة من ان شخصيتى اقوى من كده بكتيييييييير
انا كنت زمان ما بقتنعش بكلمة مش قادرة اما بسمعها من صحابى
وفى الاخر اوعدك بجد انى هفكر تانى بس اكيد مش فى نسيانه
واسفة على الاطالة

[حرف مشتعل]

حب العمر
اولا احب اقولك انك تهمتمى بدراستك وحاولى تكونى عمليه يعنى شخص ماهو لى ليه اتعلق بيه ثانيا اعتقد ان التانزل عن الدراسه امر وقرار مصيرى لانى اعتقد ان الحب عمره ما يقف بينه فروق التعليم ثالثا هم ما اتقدم ليكى وقرر الرفض من اهلك وما حاول ويمكن يكون العكس ليه يستسلم المفروض هو الرجل وهو اللى يبدء ويحاول ويعمل المستحيل عشان اهلك يوافقو يعنى يمون متمسك بيكى بالحاح لو كان فعلا بحبك
اكيد الحب وبعده فراق صعب بس لازم تكون تجربه وتتعلمى منها
واخيرا اتمنى الا تكونى تضايقتى من كلامى بس حاولت اوضح لك حقائق ربما كنتى بحاجه لتوضيحها
وتمنياتى لك بلتوفيق وراحه البال
اختك

[حب العمر]

السلام عليكم
ميرسيه جدا على ردك واهتمامك
وعايزة اقولك انى بجد مش زعلانة المشكلة انى حاسة بجد فعلا انه اتنازل عنى بسهولة
بس بحاول اديله مبرر لانى بجد حبيته
اوعدك انى بجد هفكر اكتر فى دراستى لانى وبالرغم من انى مش مهتمة بيها الا انى عمرى ما فكرت انى اتنازل عنها وحبيبى كان اكتر واحد بينصحنى على كده لانى ببساطة تعبت اوى عشان اوصل للكلية ده

[هبه الاله]

بصي ياست البنات
اولا انا مقدره مشاعرك اوي وبحترمها جدا
ثانيا انتي لازم تاخدي خطوه عمليه ف الموضوع ده
يعني يتقدملك رسمي وبعد كده تناقشو الموضوع مش تحطو افتراضات وتبنو عليها قرارات .
وهوه كمان المفروض لوبيحبك بجد مش هيفرق معاه التعليم زي مهو مش فارق معاكي
كمان مستوي التعليم مش بيحدد مستوي ثقافة الانسان
النسان هوه اللي بايده يطور نفسه يعني منقدرش نحكم عاي انسان انه متعلم ومثقف بمؤهله
وفي النهايه بدعيلك ان ربنا يقدملك اللي فيه الخير

[حب العمر]

السلام عليكم
اولا انابشكرك جدا على الرد والاهتمام وتقديرك كمان لمشاعرى
ثانيا عايزة اقولك ان فعلا التعليم مش هو اللى بيحدد ثقافة الانسان وكمان هو بجد حد مثقف جدا فى حاجات كتير فى الدنيا اى موضوع بنتكلم فيه ببقى بجد معجبة باراؤه اللى بحس ان عنده فكر وكيان مستقل وده حاجة بتخليه يكبر فى نظرى كفاية انه بيفهمنى من قبل ما اتكلم ده بيخلينى انسى اى فرق فى التعليم رغم ان موضوع التعليم ده مش فارق معاى اصلا كل اللى فارق انى عايزة افضل جمبه عمرى كله بس يا رب عمرى يكفيه واعرف اسعده

[عمارطه2009]

بجد انتي أنسانه جميله ورقيقه اوي في مشاعرك وبجد أتأثرت بموضوعك لدرجه ان عجزت عن وضع حل لمشكلتك بس عايز اقولك ان أحنا البشر لا نملك حق الا ختيار بأيدينا اكيد بتكون في ظروف وحاجات أحنا ليس لنا يد فيها ولا نستطيع ان نغيرها الا بأردة الله و احنا مش بنأخد كل حاجه اكيد لما الدنيا بتدينا حاجات بتأخد اكيد حاجات تانيه مننا احنا كنا بنحبها
انها هي الحياة
وفي النهايه مفيش قدامك غير دراستك لازم تحافظي عليها وتنجحي بتفوق لانك ذي ما قلتي تعبت اوي عقبال ما وصلتي للمستوي اللي انتي فيه
اما بالنسبه لحبيبك اكيد هو اللي خسر في النهايه انسانه زيك بمشاعرها وقلبها الكبير
بأتمنالك السعادة في الدنيا والاخرة
سلام

[عمارطه2009]

باتمنالك حياة سعيدة في الدنيا والاخرة

[المستشار محمد]

السلام عليكم

حب العمر يارب تكونى بخير وفى احسن حال يارب العالمين

ياريت يكون فى حاجة جديدة عندك فرحتك مع حبيبك يارب تكونوا لبعض يارب العالمين

طمنينا عنك دايما

تحياتى

معالى المستشار