مصر لمت هدومها ومشيت

[رهف]

ازيكم يا احلى اعضاء فى اجمل منتدى
الخاطرة دى جبتلى عا الاميل وعجبتنى فحبيت
انكو تشوفها ويرب تعجبكو

مصر لمت هدومها و مشيت


صحيت فى يوم لقيت الناس عمالة بتجرى
سالت فيه ايه مالكم كده من بدرى

قالولى مصرلمت هدومهاومشيت
قولتلهم ازاى هى لولادها نسيت

استنوا اكلمهاواحاول افهم منها
وطالبت رقمها ورن تليفونها
وراحت ردت على محمولها

قولتلها مالك ياست الكل
ماشية ليه وسايبة الكل

قالتلى اقول ايه ولا ايه
داانا تعبت اوى يااسمك ايه


ولما اشتكى عمرهم مابيسمعونى

قولتلهامين دول قوليلى عليهم
وانا اروح اكسرلك ايديهم

قالتلى تكسرى مين يااسمك ايه
دايعنى 80مليون وزيادة عليه

جاعوا وتعبوا وشقيوا
اتغربوا اتمرمطوا وبكيوا

قولتلها اكيدعليكى
نفسهم يرجعوا عندك يبوسواايديكى

بكيت ست الكل وقالتلى
ايدمين؟
ولادى بقوا عليا لايمين

فاكرنى عليهم قسيت
ولحقوقهم عليانسيت

بس والله يااسمك ايه
اناعمرى ماجيت عليهم
دول هما الله يسامحهم
وفى اخرتهم ربى يحاسبهم

اللى ظلموهم وبهدلوهم
ومن حضنى طفشوهم

قولتلها طيب اهدى ياست الكل
قوليلى انتى فين؟
اصلى رصيدى هيقطع
ومش هنلحق نقول الكلمتين

قوليلى وانا اجى لحد عندك
اصالحك وابوس ايديكى
ومن همك اخدك

قالتلى تجيلى فين
اناتايهة من سنين

اروح على اقف على النيل وابوص عليه
اصله بكره هيروح منى
ومش هالحق ابكى عليه
واروح على الاهرامات
وافتكر ولادى وقوتهم وعزيمتهم
وتاريخى اللى مات
وابوص على البرج وجماله وافتكرالذكريات
والاقى شكله بقى جميل واسال من ايه
اعرف انهم اجروه لبتوع الامارات

بذمتك دا اسمه كلام عاقلين
ناقص الاقى معبدابوسمبل مكتوب عليه
صنع فى الصين
داغيرالقطن والقمح واحلى خضار تاكليه من ارضى
سيبناداكله وزرعنا الكيوى
واعمل ايه ولاايه واناايه بيدى

قولتلها طيب اهدى ومتعيطيش
وعلى عيالك متلوميش
ونشوف عملوا كده ليه وانتى بس متتعصبيش
قالتلى الوم على مين ولا مين

ولادى لخيرى عليهم بقوا ناسين
ويلوموا على اللى برا لما يبقوا
عليا اسيين
تذويروتحوير وكدب
وحاجات تانية كتير
وحكومات فاسدة واس مش قادرة
وناس لتاريخى ناكرة

اااااااااه يااسمك ايه
دول ليا مش بس ناسين
دول بقوا كتير قاسين

والناس ماشية تسال فين هو وطنى
لامعارضة ولااخوان مسلمين
ولاحديقول حزب مستقل
ولاحزب معرفش مين
وتقولى مش قاسين

ولادى بيموتوا ادامى من الجوع
الرجالة عيونها بتزرف دموع
وكان بلدهم بتقولهم
عيشتكم فيها بقت ممنوع

والاخوات بيقتلوا فى بعضهم
واطفال من الجوع بتشكى بطنهم

وتقولى مش ناسين
وقافلين حدودى ليه مع فلسطين
هما دول اصلا مين
يعرفونى ويعرفوا اخواتى منين

دفنوا تاريخى الله يخرب بيوتهم
وباصين للغلابة حتى فى قوتهم

وفرض ضرايب من واحدحمار
وكان الخيبة عليهم نزلت
زى الاعصار

بيخبطوا فى بعض وخلوا احلام
ولادى دمار
والله دول اخرتهم عند ربهم فى النار
وتقوليلى لمى هدومك ليه
ونبى سيبينى امشى بقة يااسمك ايه
ومعرفتش اسالها ليه

بس قولتلها عشان خاطرى اهدى
ومعايافى الكلام خدى وادى
قالتلى صلى على النبى
قولت الف صلى عليك يانبى

قالتلى شوفتى اللى الخضرا عملته فيا
قولتلها اه وصعبتى اوى عليا
قالتلى بس انابقة منها مش زعلانة
انابس كنت حيرانة
هى عملت معاياكده ليه

وعرفت ان قيمتى بتقل مابينهم
وخلاص هيحسبونى مش منهم
واللى بقول عليهم ولادى
هما اللى عمله فيا كده الله يخرب بيتهم

وعندك مشكلة حوض النيل
ودى بقة اكبر دليل
ولا سوريا اللى علياغالية
دااحنا كنا حبايب
وبينا وحدة عربية
معرفش بقت واخدة حانب منى ليه
وبعيدة عنى اوى كده ليه
اتارى اللى اسمهم ايه
هما اللى عملوا كده

ولايعينى على فلسطين
وولادها المتبهدلين
يقفلوا معابرى معاها ويقولوا منهم خايفين

ونبى دا اسمه كلام
وكل البلاد التانية بترمى بالملام

وليبيا كمان زعلانة
والكويت والامارات
وغيرهم وغيرهم من كل البلاد

يرضى مين اسيب اخوانى العرب
واروح ارمى نفسى فى وسط الجرب

امريكا مين ومين اسرائيل
دول يروحوا يقابلوا عزرائيل

يخدهم ويريحنا
واحنا العرب ربنايجمعنا ويفرحنا

مش اروح اعمل معاهدة سلام
دا اسمه اى كلام فى اى كلام

ومانع ولادى من الجهاد
ودماغه ناشفة كالمعتاد
وناس بتبعد عنى فى ازدياد

وتقوليلى خليكى
داانا من الهم كبرت
ومن الغم عجزت
ومن كتر اللى عملوه ادينى سكت

وماشية ومش راجعة تانى

واللى يسالك عنى
قوليلوا ينسانى
لحدماحالهم يتعدل
وانا لوحدى هارجع تانى

يالا بقى عشان مطولش عليكى
وسلميلى على اللى بيحبونى بجد
من اللى حوليكى

قولتلها ماشى يامصر ياست الكل
سلام
وخلص مابنا الكلام

ومصر لمت هدومها ومشيت

[ميدو2]

مصر العزيزة لى وطن
وهى الحمى وهى السكن
وهى الفريدة فى الزمن
وجميع ما فيها سكن
لسمائها الصيت البعيد
ولارضها الخصب المزيد
كل الايادى والمنن

[رهف]

مصر العزيزة لى وطن
وهى الحمى وهى السكن
وهى الفريدة فى الزمن
وجميع ما فيها سكن
لسمائها الصيت البعيد
ولارضها الخصب المزيد
كل الايادى والمنن

ميرسى يا ميدو على مروك

[هشام اللول1]

كلمات جميله جدا رهف
من حقها تلم هدومها
لان ولادها بجد تعبوها
ولا عارفين يحفظوا عليها ولايحموها

بارك الله فيكي وحفظك ورعاكي

[محمد أبراهيم]

الامل
لو لم يوجد بحياتي
لما رأيتني هنا
وكما يقولون
الصبر مفتااح الفرج
فلست
أدري كيف
كان سيفوتنى
هذا النص الفريد
فما سقط منك
كان رائعا جدا
هي الحياة أمال وألام
وربما بعض سعادة
حين تجود علينا بما
لا نرغب تعايشه
وإن ارتشدنا منها
تقودنا
لأطول المسافات
وأصعبها
لبلوغ حلم
او لنيل المنى

الرائع
رهف
قدمت لنا رائعه
فكانت
ككعكه مره المذاق
راقني مذاقه
رغم المرورة
فيه
أجدت وأبدعت
بلا شك
ايها القلب الشامخ
رويدك
جرحت قلمك
واوجعت قلوبنا
ان ما المك قد
اخرج لنا
لوحة فنية ذات
بيان ساحر
نظمت احرفها انامل ماسية
تعودت
التميز والابداع
احساس صافي استطاع
ان ينفرد بنا الى عالم
ملئ بالابداع
استمعت هنا
خالص تقديرى

[رهف]

كلمات جميله جدا رهف
من حقها تلم هدومها
لان ولادها بجد تعبوها
ولا عارفين يحفظوا عليها ولايحموها

بارك الله فيكي وحفظك ورعاكي

عندك حق والله يا هشام مصر اتخنقت مننا

ميرسى على مرورك الى اكيد شرفنى

[رهف]

الامل
لو لم يوجد بحياتي
لما رأيتني هنا
وكما يقولون
الصبر مفتااح الفرج
فلست
أدري كيف
كان سيفوتنى
هذا النص الفريد
فما سقط منك
كان رائعا جدا
هي الحياة أمال وألام
وربما بعض سعادة
حين تجود علينا بما
لا نرغب تعايشه
وإن ارتشدنا منها
تقودنا
لأطول المسافات
وأصعبها
لبلوغ حلم
او لنيل المنى

الرائع
رهف
قدمت لنا رائعه
فكانت
ككعكه مره المذاق
راقني مذاقه
رغم المرورة
فيه
أجدت وأبدعت
بلا شك
ايها القلب الشامخ
رويدك
جرحت قلمك
واوجعت قلوبنا
ان ما المك قد
اخرج لنا
لوحة فنية ذات
بيان ساحر
نظمت احرفها انامل ماسية
تعودت
التميز والابداع
احساس صافي استطاع
ان ينفرد بنا الى عالم
ملئ بالابداع
استمعت هنا
خالص تقديرى

اخى العزيز فارس الكلمة .

كم اسعدنى مرورك على موضوعى وزادنى كل الشرف