الي أعز الناس....الى أمي الحبيبة..

[رضا محمود]

غصب عني....
صدقيني غصب عني...لما يغلبني الحنين..
لما باشتاقلك ياأمي....وانتي غايبة من سنين..
والقى صوتك بيناديني.....وبياخدني من سنيني..
رغم بعدك عن عيوني....لسة عايشة جوة مني...
مش بايدي....غصب عني..
لسة فاكر..كل كلمة ....من كلامك قولتيهالي..
لسة عايش...بين دموعك وابتسامك عمر غالي..
لما تجرحني الليالي....مين يداوى الجرح فيا..؟؟؟
مين يا امي اشكيله همي...غيرك انتي يحس بيا..
واما تهجرني الحبايب...حضنك الدافي يلاقيني..
والقى صوتك بيناديني....وبياخدني من سنيني..
رغم بعدك عن عيوني....لسة عايشة جوة مني.
مش بايدي.....غصب عني..
الحياه من بعد منك....صدقيني مش حياه..
الأماني الحلوة ضاعت...والأمل تاهت خطاه..
انتي فين؟؟؟محتاج وجودك....نفسي أشكي وتسمعيني..
والقى صوتك بيناديني...وبياخدني من سنيني..
رغم بعدك عن عيوني...لسة عايشة جوة مني..
مش بايدي...........غصب عني..

بقلم (رضا محمود)

[بك أستجير فمن يجير سواك]

جمـــيلة جدا
حزينه جداااا
بس بجد احساس عالى
سلمت اناملك اخى الفاضل
ابداع وتميز ولا تحرمنا جديدك
تحياتى وتقديرى

[العاشقة المجروحة]

سلمت يمناك

فأنت مبدع حقا
كلماتك أخترقت كيانى
وسكنت وجدانى
أحساسك عالى جدا
فللامام دائما
لك تحياتى
وتقبل مرورى

[thesniper_12007]

ايوه طبعا
ما هي امك
قلب مين يقدر يضمك
زي امك
قلبها مليان اماني
قلب ما فيش منه تاني
قلب ابيض
قلب امك
دمت بود على كلماتك الرائعه ولي تعليق بقصيدة إن شاء الله
خالص تحياتي

[ابو احمد رزق]

احسنت اختيار كلماتك اخي رضا
قطعا كلمات الحنين للأم
يتأثر بها اي قلب
لك خالص ودي وتقديري

[رضا محمود]

الأخت العزيزة ...العاشقة المجروحة....شاكراً مروركم العاطر وتعليقكم الطيب

[رضا محمود]

ايوه طبعا
ما هي امك
قلب مين يقدر يضمك
زي امك
قلبها مليان اماني
قلب ما فيش منه تاني
قلب ابيض
قلب امك
دمت بود على كلماتك الرائعه ولي تعليق بقصيدة إن شاء الله
خالص تحياتي

أخي الحبيب ...شاكرا مروركم العاطر ...وفعلا أبدعت في ردك واحساسك وكلماتك المعبرة ....

انت شجعتني اني أقولك ...وبرضه عن الأم...

القلب اتعلم من حبك..معنى الاخلاص..
ماهو أصل الحب مهوش كلمة..تتقال وخلاص..
وانتي طول عمرك بتضحي...وبتدي كتير..
ولا عمرك يوم استنيتي...شكر وتقدير..
علمتي الناس من حواليكي صدق الاحساس..

[رضا محمود]

احسنت اختيار كلماتك اخي رضا
قطعا كلمات الحنين للأم
يتأثر بها اي قلب
لك خالص ودي وتقديري

الأخ العزيز...أبو احمد...
أسعد الله مسائكم بكل خير..
طبعا أخي الحبيب ....امام الأم وفضلها ووصف الشعور بحبها....تعجز كل الأقلام...زتخرس كل الألسنة...وما محاولتي الاكقطرة في بحر أفضالها...
شاكراً مروركم العاطر...تقبل تحياتي

[دره]

الله عليك
بجد حلوه اوى
حزينه اوى وكلماتها رائعه
حسيت كانى بعده عن امى رغم وجودها جنبى
وده علشان جمال كلماتك
دمت متميز

[jokata]

شكراااااااااااااااااااااا ااا لان دى اول كلمات جعلتنى ابكى وكانى طفلة مش عارفة توقف دموعها
شكراااااااااااااااااااااا االان دى اروع كلمات مش هسمع بعدها
شكراااااااااااااااااااااا االانك خلتنى اشتاق لامى وانا جانبها
موضوعك تحفة مش الكلام بس لاكن صعب تخلى حد يبكى بعد ما يقراء 3 سطور فقط
فى تقدم مستمر تقبل مرورى البسيط