مبروك التوريث يا جيمى؟!

[دره]

السلام عليكم ورحمه الله وبركاته
دى رساله حلوه كده لجمال مبارك الرئيس القادم
وهديك كام دليل كده منى انك هتاخد عزبه السيد الوالد
بص بقى
طبعا من ناحيه انتخابات مجلس الشعب
فبقولك صباحك خير يا اسطى
طبعا خدتوها
لما ادخل اللجنه ويقولى ظابط ماسك عصاه كهربا
ويمنعنى انى ادلى بصوتى
وال ايه لازم بطاقه حمرا
طيب البيضا متمشيش ولا الحمرا دى لون الدم اللى هنتسممه
ولا البطاقه القوميه دى ايه ملهاش لازمه
يمكن الشعب ملوش لزمه
فاكيد انا مليش لازمه
وصباحك اخرس
تعالى بقه هنا قولى لاهي الرشوه دى مش حرام
ولا انت لما تدى الغلابه 50ج او 100 عالصوت ده يعتبر اه؟
متقول يا باشا
اكيد ده دعم بقى للغلابه
والله قلبك طيب
صحيح نسيت اقولك
لما شيخ وامام مسجد كبير مع الاحتفاظ بالاسامى يبقى تبع حزبك
والرشاوى اللى انتشرت دى منكم
ده ايـــــــــــه
اكيد ده دعم
صباح الحنيه
طبعا مش هنسى مصطفى بكرى راجل ابن بلد وبعد الشر عليه
هيموت من عماليلك السوده
ربنا يشفيه
وطبعا صباحك فل يا استاذ حمدين
البلد دى مش هتقدر اللى زيك بس بردو خليك فيها
نيجى بقى للاخوان
هما بيقرصوك
لما تتعدم الرحمه والستات تضرب
واحده محجبه ولا منتقبه راحه تدى صوتها
دى بقى تضرب ليه
يمكن مثلا معاها متفجرات
تصدق يمكن
طوارئ طوارئ
حسبى الله ونعم الوكيل يا فخرى
المهم بقى
طبعا اقولك ملييون الف تزوير للانتخابات مش دى بس لا لكل الانتخابات اللى بالمنظر ده
طبعا بعد ده كله ولاونه جزء من كلام كتير
بس خلينا فى الكلمتين دول
طبعا انت كده معاك مجلس الشعب وصباحك شورى راجل يا وطنى
احب بقى اباركلك على الورث اللى والدك هيديهولك فى حياته
لا تصدق راجل ميه ميه
خايف على مسستقبل ابنه
مبارك عليك مصر يا جمال

حسبى الله ونعم الوكيل

[فتى الإسلام]

هو أنا سمعت اليومين دول
أن في أنتخابات
هي أمتى ؟؟؟؟؟



وبعدين أيه الحقد دا يا اسماء
راجل وبيحب أبنه
لدرجة أنه هيسبله شعب يلعب بيه
بلاش الغل دا

وسلامي الكبير
للحزب الواطي
احم احم
أقصد الحزب الوطني

ركزي أنتِ في المزاكرة
وسيبك من الورث


الورث متقسم من زماااااااااااااااااااان



والشعب هينفجررررررررررررررر
قريب

أنتظرونا

[عفريت أفندى]

وجهة نظر محترمه

تمهيد كل المؤسسات و ترويض المعارضه التعبانه و التخلص من مثيرى الشغب أمثال بكرى و حمدين

و كله فداااااااااك يا جيمى

شعب و بلد عشان عيونك

كلنا ليك يا كبير

[هيما الطاير]

من وجهة نظرى المتواضعة إن كل ده مش هيعدى سهل
لا الإخوان هيسكتوا ولا المعرضة باْغلبها
ولا اْمريكا هتفوت فرصة تدعيم المعارضة عشان هم عاوزين الفرصة دى
ولا الحكومة هتبطل اعتقالات ولا إغتيالات فى قيادات المعرضة لاْنها اْكيد
عارفة إن الحكاية مش سهلة
وربنا يستر على شعب مصر فى الاْيام الجاية
والله دى مجرد رؤية منى على قدى
لااْنا منتمى لحكومة ولا معرضة ولا إخوان
اْنا منتمى لشعب مصر المغلوب على اْمره بكيفه وغصب عنه

[محمد مدحت راغب]

قااااااااااااالو لفرعون ايش فرعنك قال ملقتش حد يلمني
لووووووووووووووووووول

[آيه محمد]

والله عسل ياسمسمه
ايه يابنتى الهجوم ده
وبعدين انتى فين من زمان
وحشتينى قوىىىىىى
الامتحانات اخبارها معاكى ايه
شكلك مبدعه خالص

[هشام اللول1]

خلاص
جمال مبارك علي اعتاب الرئاسه
يعني باقي ليه زلطه واحده ويقعد علي الكرسي
ومعانا كمان 20 او 30 سنه مباركيه

ولك الله ياشعب مصر اليأس

شكرا علي موضوعك اسماء

[المستشار القانونى]

صباح عيد الأضحي الماضي ذهب أحمد عز ليصلي العيد بين أبناء دائرته، وبعد أن انتهت الصلاة وهم بالخروج من المسجد، حدث ما يمكن أن نعتبره طقسا من طقوس أحمد عز الخاصة، التي لا تعكس تواضعه ولا خفض جناحه حتي لأبناء دائرته. أحد رجال عز يحمل له حذاءه، يقف منتظرا أمام المسجد، وبمجرد أن خرج أمين تنظيم الحزب الوطني، سارع إليه رجله ونزل علي قدميه ليلبسه حذاءه، لا حول ولاقوة الا بالله

[المستشار القانونى]

http://www.*************/photo.php?f...7176250&ref=nf

[SCREEM]

عادي وانتي مستغربه ليه ماهو ده المتوقع لو سمعتي نشره الاخبار يوم الانتخابات باليل هتسمعي المذيع وهو بيقول بلسانه ان الانتخابات كانت نزيهه بنسبه 100% رغم حدوث حالات اشتباك ولكنها كانت لا تخص العمليه الانتخابيه

عايزه بجاحه اكتر من كده

كبري دماغك انا قبل الانتخابات واحد خبط عليا في البيت من الحزب الوطني بيقولي انا بعمل استطلاع راي طردته


مفيش جديد للاسف شعب يستاهل الي يجراله