مجلس الحزب و ليس الشعب !

[عفريت أفندى]

الآن و بعد إنتهاء الإنتخابات و إعلان نتيجتها وبعد الأحداث المؤسفه و المخزيه لما حدث فيها من تجاوزات أكدت جميع القوى من معارضه او اخوان او مستقلين او حتى بعض أعضاء الوطنى أنها كانت غير نزيهه و مزوره أصبح المجلس مجلس الحزب و ليس الشعب
فهو لا يعبر عن الشعب بكافة طوائفه و انتماءاته
تم الإعلان اليوم عن آداء أعضاء مجلس الحزب لليمين و أعتقد أن صيغة اليمين قد تغيرت و أصبحت كالتالى ( أقسم بالله العظيم أن أجعل أذن من طين و أخرى من عجين )
زاد الإحباط لدى جموع الشعب
فلا امل فى التغيير او التصحيح
و سيبقى الحال على ماهو عليه
مجلس الموافقه ( موااااااااااااافقون )
و كما عهدنا الكثير ممن تم انتخابهم كمستقلين سيتحولوا بقدرة قادر إلى حزب وطنى
و يغنوا نشيد ( مصلحتى يا مصلحتى )
و يبقى المواطن المطحون الخااااااسر الأكبر
ستزداد الحاله سؤا و سيعم الفساد و ينتشر أكثر فأكثر و سيصاب الشباب بالإحباط و الإكتئاب أكثر و أكثر
إلى متى ؟؟

إلى متى ؟؟

إلى متى ؟؟

اللهم لا تؤاخذنا بما فعل السفهاء منا

[الحريه]

احباط واكتئاب طيب مفيش شوية امل
تدخلهم جوه الموضوع عشان نقدر نعيش
ولا خلاص كده اكتئاااااااااب على طول
الى مالانهايه

[ايسل]

ايه يا حكيم ايه القوه الوطنيه قالت انتخابات غير نزيهه دول كدابين

بابا حسنى ربنا يديلو طولة العمر قال نزيهه تبقى نزيهه بلاش كلام فاضى ال مش نزيهه ال

زى ما قال الريس زى ما قال الريس منتخب الحزب الوطنى كويس ومعملش تزوير ولا تسويد ولا حاجه فاهم

[براكودا]

وليد حبيبي

متزعلش

الحزب استعد صح

من السنة اللي فاتت

يوجد بالحزب الوطني داهية اسمه احمد عز بيعرف يخطط كويس

مش بتاع كلام زي بتوع المعارضة والمستقلين

ارجع لكلام احمد عز في المؤتمر السنوي للحزب السنة الماضية
وانت تعرف ازاي الوطني اكتسح الانتخابات

تسلم

[عفريت أفندى]

احباط واكتئاب طيب مفيش شوية امل
تدخلهم جوه الموضوع عشان نقدر نعيش
ولا خلاص كده اكتئاااااااااب على طول
الى مالانهايه

حاولت أدور و أفتش عن أى أمل او شعاع نور يا فريدوم

مش لاقى

بس بردوا مش هنيأس

لازم نعيش ع الأمل عشان مش نتجنن او ننتحر

منورانى يا فريدوم

[عفريت أفندى]

ايه يا حكيم ايه القوه الوطنيه قالت انتخابات غير نزيهه دول كدابين

بابا حسنى ربنا يديلو طولة العمر قال نزيهه تبقى نزيهه بلاش كلام فاضى ال مش نزيهه ال

زى ما قال الريس زى ما قال الريس منتخب الحزب الوطنى كويس ومعملش تزوير ولا تسويد ولا حاجه فاهم

لو قلت فاهم ابقى كدااااااااب

طب أكدب عيونى؟

أكدب ودااااااانى؟

الريس حر

و طالما الريس بيقول احنا ف عصر الحريه و الديمقراطيه

إذن أنا حر

و كل واحد يقول اللى على كيف كيفه

منوره يا ايسل

[عفريت أفندى]

وليد حبيبي

متزعلش

الحزب استعد صح

من السنة اللي فاتت

يوجد بالحزب الوطني داهية اسمه احمد عز بيعرف يخطط كويس

مش بتاع كلام زي بتوع المعارضة والمستقلين

ارجع لكلام احمد عز في المؤتمر السنوي للحزب السنة الماضية
وانت تعرف ازاي الوطني اكتسح الانتخابات

تسلم

معاك يا براكودا ان فيه داهيه ف الوطنى اسمه عز

و بالفعل الحزب خطط كويس ازاى يطبخها

و ازاى يتخلص من كل المعارضين اللى كانوا عاملين ازعاج امثال مصطفى بكرى و حمدين صباحى و علاء عبد المنعم و محمد مصطفى شردى و جمال زهران و غيرهم .......

بس للأسف مش بنزاهه و شرف

بتزوير و بلطجه

و مش هاستشهد بكلام المعارضه لالالالالالالا

كفايه كلام مرشحى الوطنى اللى أقروا بالتذوير و ان الحزب زور النتائج و سود البطاقات فى صالح منافسيهم و كان سبب ف خسارتهم

الحزب و الحكومه فاكر اننا لسه ف عصر القناه الأولى و بس و ناسى الإنترنت و و الفضائيات و وكالات الأنباء

الوحيد اللى بيقول الانتخابات نزيهه سواء من داخل البلد أو خارجها هو الحزب و مش كله كمان

يا ترى ده كلام معقول و منطقى ؟

الحزب بس اللى شايف و كل اللى تابعوا مش شايفين ؟

منور يا براكودا

ليك وحشه يا راجل

[براكودا]

بس تصدق انا تأكدت ان احمد عز بينجح بدون تزوير

من يومين كنت في المنوفية وفي الدايرة اللي يتبعها احمد عز

وشعبيته هناك ملهاش حدود

بسأل واحد بقوله انت انتخبت مين قال بالحرف" طبعا احمد عز "

بعد كده اكتشفت مدى خدمات عز لاهل دايرته في جميع النواحي بصورة مذهلة حقيقة

[عفريت أفندى]

بس تصدق انا تأكدت ان احمد عز بينجح بدون تزوير

من يومين كنت في المنوفية وفي الدايرة اللي يتبعها احمد عز

وشعبيته هناك ملهاش حدود

بسأل واحد بقوله انت انتخبت مين قال بالحرف" طبعا احمد عز "

بعد كده اكتشفت مدى خدمات عز لاهل دايرته في جميع النواحي بصورة مذهلة حقيقة

ياريته يقدم خدمات للشعب و البلد يا براكودا و بالتالى هتعم على أهل دايرته

ولا هو عشان ابن الدايره يبقى مش يخدم غير الدايره ؟

منور يا كبير

و الله وحشتنى

[هشام اللول1]

كله كلام صحيح ياحاج وليد

ياحاج بركودا
التزوير والبلطجه والتسويد
في جميع اللجان وكانت من جانب اعضاء الحزب
والخطه مدروسه من الحزب
و احمد عز طلع كتير وكان حالف انه هيقضي علي الاخوان
وعلي معظم قوي المعارضه

وصرف كام الحزب من فلوسي وفلوسك وفلوس الناس الغلابه
صرفوا بما يقدر مليار جنيه من خزانه الدوله
علي الرشاوي وشراء الاصوات

اللي قالك احمد عز قال علشان واخد رشوي

عاوزين كلمه حق يابركودا

الحزب الوطني بينجح علشان معاها الداخليه والسلطه والجيش
بس مش هيدوم علي فكره

لان الدوام لله واحده سبحانه وتعاله

تسلم يا وليد علي الموضوع
بارك الله فيك وحفظك ورعاك