مصراوي مية مية
ياللى مالكش قلب
منين يجيلك قلب
تخدع بيه حبيبك
ياللى ماكش قلب
بكره الشوق يجيبك
وازاى تعرف تحب
والقسوة طبع فيك؟
بتجرح فى كل قلب
مطاوعك ومشتريك
وجرح القلب صعب
واْكيد لازم اْسيبك
ومنين يجيلك قلب
تخدع بيه حبيبك
صحيح زى ماقالو
مراية الحب عامية
وبرده ياقلبى ماله
مفيش فى فرحة دايمة
ولايفضل شيئ بحاله
وحالنا راح يتغير
واالى جرحنا بجماله
بكرا الزمن يتدور
مصراوي مفيش منه
مش بهدّد ياابراهيم...
دي الحقيقة..مش بهدّد..
لو هتفضل زي ماانت...
يبقى هنسى الحب وابعد..
اللّي بينّا ابتدى يختفي واللوم عليك..
كل يوم..تعلن تحدّي..
والغرور ..أصبح ماليك..
بالعناد بتزيد هواني..
وابتديت ..تنكر زماني..
طب أنا هنساك..وهبعد..
وابقى عيش من غير حناني..
مش بهدّد ياابراهيم...دي الحقيقة..مش بهدّد..
أخي الشاعر الرائع...ابراهيم..
تخيلت أنني حبيبتك التي تهاجمها بقوة وهذا هو ردّي البسيط من وحي كلماتك..
تقبل مروري..
مصراوي مية مية
هههههه
حبيبى رضا
سيبها تهدد بكره تندم
ههههه
شكرا ليك ولردك الجميل
اْسعدنى وجودك جدا
مشرف عام
مصراوي مية مية
المشاركة الأصلية كتبت بواسطة فارس الكلمه
الاْجمل مرورك الجميل
شكرا ليك
نجم مصراوي
كان ليا قلب وكان بيحب
بس مات من قسوتك
وجرحك لقلبى جرح صعب
عمره ماشاف حنيتك
تجرح وتظلم قلب حب
ومشافش يوم غير قسوتك
بقة هى دى فى الحب كانت فكرتك؟
عايزنى بعد ده كله ليه
مجرحش فيك ولا أعذبك
الرائع إبراهيم
سلمت يداك
بجد كلمات جميلة وكويس إحساس عدم الندم ده بانك حبيت
وانك هتكمل حياتك ومش فارقة معاك
وتقبل ردى البسيط جدا
وسلامى ليك
لنفترق قليلا.. لخيرِ هذا الحُبِّ يا حبيبي
وخيرنا.. لنفترق قليلا
لأنني أريدُ أن تزيدَ في محبتي
أريدُ أن تكرهني قليلا
البحث على جميع مواضيع العضو العاشقة المجروحة
الحب رساله ساميه
ماهوش احساس وبس
ومرايته برضه عاميه
وبيمس القلب مس
مش لايمه ف يوم عليك
قول اللي ماليه ضميرك
وانا برضه كلي ليك
مش عاشقه لحد غيرك
بس الحكايه باخت
والذكرى فينا شاخت
مصيرنا مش لبعض
ومانيش راهب في ديرك
يا حبيبي حس بيا
وكفايه لوم عليا
شوف انا أبقى ايه؟
وانت القلب اللي فيا
يا هيما ياللي طاير
أرحم حناني فيك
انا بعدك قلبي باير
إرحمني حرام عليك
اخي هيما هذا رد كيبوردي سريع باعتباري من أحببت
كلماتك جميله
تقبل تحياتي
وافر تحياتي وجل احترامي
أنا لا أريدك أن تبكي
ولا أريد عيناك تصافحان أمامي البكاء
فأنا
وإن مات فيك الهوى
لا أريد أن يموت فيك الكبرياء
البحث على جميع مواضيع العضو thesniper_12007
مصراوي مية مية
هو ده الرد البسيط؟
ده ردك اْحلى من موضوعى
وطبعا لازم اْكمل حياتى لاْن الدنيا مش واقفة عشان حد انجرح
الدنيا كده اْو كده هتمشى
شكرا ليك ولإحساسك الجميل واْبياتك الجميلة
مصراوي مية مية
ايه الرد الجميل ده ؟
وايه الكيبورد الناطق والسريع البديهة ده؟
عاوز كيبورد زيه يقدر يتكلم بالنيابة عنى
هههههه
وكمان مايرضينيش حد يبور بسببى مش قد كده هههه
شكرا جدا على الرد المتميز والكلمات الجميلة
بس عاوز اْعرف حضرتك عضو اْم عضوة؟
ولية العذر فى السؤال لاْنى جديد فى المنتدى
وع العموم كده اْو كده تشرفت بيك وسعيد بردك
صباح العسل يا عم هيما أشكرك على كلماتك الجميله ويا عم الحاج خد الكيبورد اللي عندي ولو عايز الجهاز كله تحت أمرك
أما بالنسبة لي فأنا عضو وكونك تتلخبط بين الاتنين فبالنسبة لي عادي لإن إسمي بيمشي على الإتجاهين
اقولك نصيحه وما تقولش لحد
لما تحب تعرف العضو شوف البيانات الشخصية الخاصه به من خلال الضغط على الصورة الرمزية الخاصه به تقدر تشوف بياناته ودي تكفيك عن السؤال
وافر تحياتي وجل احترامي
التعديل الأخير تم بواسطة thesniper_12007 ; 18 - 12 - 2010 الساعة 06:22 AM
أنا لا أريدك أن تبكي
ولا أريد عيناك تصافحان أمامي البكاء
فأنا
وإن مات فيك الهوى
لا أريد أن يموت فيك الكبرياء
البحث على جميع مواضيع العضو thesniper_12007
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
