مش مهم...

[لبنى مصر]

مش مهم...المهم تكون انسان مهم

يكون لك هدف ف الدنيا وده الاهم

تصنع طريق وتمشى فيه وتنسى الهم

طريق فيه شوك او حتى ميه دوق الالم

متبصش لحد ضحك عليك او حتى ذم

اسعى لهدفك وكمل طريقك حتى لو حد شتم

واياك تكون انسان كفيييييييييييف او اصم

لازم تشوف وتتكلم حتى لو كنت متهم

خلى طريقك مليان احلام وهتحققها وعندك دليل

بص ف تاريخنا هتلاقى سد وقناة واهرامات ونيل

هتلاقى ان مفيش ف الدنيا ابدا مستحييييييييييل

عندك يقين عندك ايمان وربنا معاك ده مش قليل

متبصش وراك او حتى جنبك بص قدام لطريق طويل

احلم تكون انسان جميل معاك ضمير ملكش مثيل

متكونش ف يوم لاى حد محتاج او ذليل

قول يارب ومد ايديك وادعى طول ما حلمك نبيل

هتلاقى ناس كارهه النجاح ومش عايزينك تكون كبير

بس الاكيد انك هتلاقى ناس جميله بتساعدك كتير

بص لنص الكبايه المليان واعرف ان الدنيا لسه بخير

متبصش للنص الفاضى وفجاه تلاقى نفسك الاخير

مش عيب انك تكون مش لاقى اللضا او فقير

العيب انك تكون لفقرك ف يوم ذليل او اسير

واذا كنت عاجز متستسلمش لكرسى او سرير

احلم وفكر وبكره هتكون ف قصر النجاح انت الامير

حددت هدفك وابتديت طريقك يبقى لازم تكمله

هتلاقى احباط وياس وانت ماشى اى صعب اتحمله

ولو حسيت بعجز لازم تنساه انت بعقلك هتجمله

اول ما حلمك تبدا تنفيذه تحقيقه لازم تتامله

لو لقيت حد ف طريقك نفسه يوصل للنجاح انضمله

هيتعب تفكيرك هتتعب رجليك اى الم استحمله

بكره هترتاح وهتعيش ف نجاح كل العالم يهتمله

ولازم دايما تحمد ربنا وتصليله وتتشكر اله

[لبنى مصر]

ياجماعه انا غلطت وكتبت نص الموضوع ومعرفتش امسحه فلو هتشيلو حاجه متشيلوش ده ارجوكو لان انا تعبته ف كتابته شيلو التانى لانه اتتعمل من غير قصد مكنش كمل اصلا

[المستشار محمد]

اللام عليكم

موضوعك جميا اوى بجد

بعد ما كمل اكتر

كلماتك جميلة

متخافيش هما هيشيلوا التانى مش ده

تحياتى لكلماتك الرائعة ولشخصك الكريم

معالى المستشار

[لبنى مصر]

شكرا يا سيادة المستشار ع مرورك الكريم وارجو ان تتابع باقى موضوعاتك هكون سعيده جدا برايك ويارب يكون الموضوع فعلا عجبك

[المستشار محمد]

السلام عليكم

شكرا لردك الجميل عليا حضرتك

موضوعك بالفعل جميل

ومدلول ذلك كلماتك الراقية


مش مهم

ههههههههههههه


تحياتى لحضرتك يافندم

المستشار محمد

[لبنى مصر]

مرسى يا سيادة المستشار اتمنى انك تشوف الموضوع الجى اسمه بكت عينى بس ده مش بالعامى ده بالفصحى بس على قدى

[العاشقة المجروحة]

كلامك جميل يا لبنى
وكله عبر والله
واحساسك باللى احنا فيه جامد
تسلم ايديكى وللامام
تقبل مرورى وتحياتى

[لبنى مصر]

مرسى يا سماح اتمنى بقى انك تقرا كل موضوعاتى ع فكره انا متابعه موضوعاتك وفعلا معجبه بيها ربنا يوفقك

[لبنى مصر]

واتمنى من الجميع انهم يقرو كل موضوعاتى عشان يقولو رايهم

[محمد أبراهيم]

الاخت الفاضله
لبنى
يجب ان تذيلى اسفل النص
بكلمه ( بقلمى )
او معدل
او ان تكتبى المصدر فى حال منقول
سانتظر ولنا عوده