الله يرحمك يا سبت

**here_death** · 27 - 1 - 2011, 06:36 PM

فى كل بلكونه فى البيت

كان السبت متعلق

دايمــــاً عالحيط

أنزله يرجع بالفول

وعمره يوم ما دلقلى الزين

وأنزله يرجع جرنان

وأنزله يرجع بالعيش

وأنزله يرجع قمصان

فى وسطهم أفرول الجيش

وأنزله يرجع نسمه

وطفل مش طايل

ســــور الكورنيش

وأنزله يرجع جوابات

وأنزله يرجع حكايات

دقة قلبى أول مره

قلت أنا حبيت

وأنزله يرجع أفراح

يوم النتيجه وشهادت النجاح

دلوقتى بانزل أنا والسبت والبيت

ونرجع إيد ورا وإيد قدام

لا فـــرح معانا

ولا حتى إبره وخيط

**هبه اتش** · 27 - 1 - 2011, 07:01 PM

يسلمووووووووووووووووووووو

**محمد أبراهيم** · 27 - 1 - 2011, 08:09 PM

الله يرحمك ياسبت
نثرت هنا العطر والسحر
تحياتي لقلمك
الرقيق

**أحمد السقاء** · 30 - 1 - 2011, 10:24 AM

الله علي
الكلمات الجمله

**أحمد السقاء** · 30 - 1 - 2011, 10:28 AM

الله على الكمات

الموضوع: الله يرحمك يا سبت