صباح الخير على التحرير ( سعيد شكري )

[هشام اللول1]

صباح الخير على التحرير ( سعيد شكري )



الأولى مصر
والثانية مصر
والثالثة مصر

الأولى هو
والثانية أنت
والثالثة إحنا
الأولى هو وكان ساند عليك ضهرو
والثانية أنت اللى قسم ضهروا
والثالثة احنا اللى كسرنا القيد واتظاهروا

الاولى هو وكان ساند عليك ضهرو
وفى الحدوتة كان ياما كان
وبالإمكان
نبدى القول
ونصلى على العدنان
ومن طُهرو
نتعلم نقول الحق مانخافشى
ونبدى القول
و كان ياما كان
كان سيد من السادات
ف عيد النصر ومظاهرو
حشود من خيرِ جند الله
ومن بينهم يا حول الله
طلع فارس على مهرو
مايحسبشى الجدع إنو
كان ناوى
على قهرو
رصاصة من سلاح رشاش
وايد واحدة كساها الشاش
طمع وجهالة
واتصاهرو
وراح فيها الجدع باناس
وجات الطعنة
من ضهرو

والثانية
إنت اللى قسم ضهرو
وراح فيها
حكاية ازاى تداريها؟
ناس بتحب سى السيد
وناس الحقد ماليها
وملعوبك وراه شياطين
يافيها يا إما تخفيها
بلفة شاش
وجيت تضحك على دقونا
فاكر التاريخ نسٌاى
مابينساش
هيرويها

قصرو
كُنا فى حالة
اللهُ العليم بيها
وصدقنا اللى كان منك
عن سكة هتمشيها
على دربو
خطاوى كان بيمشيها
ومشينا معاك سكة
واتغير علينا كتير
تعبنا وقولنا يافكة
إمتى راح نشوف تغيير؟
لاحررناكى ياعكا
ولانابنا غير البواسير
وفاض الكيل على الأخر
وكل شيئ وله آخر
أصرينا على التغيير

والثالثة احنا اللى كسرنا القيد
واتظاهروا
وورانا النظام عُهرو
وورانا من التنكيل
كتير وقليل
هجانة وجمال والخيل على ضهرو
نظام فاسد بيترنح
كلاب السلطة بتقبح
باعاجز عن التحليل
طلع مارد من القمقم
ثورة فى شوارع مصر
لو تعلم
وفى التحرير هناك ملايين
لو صرخوا
يهدوا عليك حيطان القصر
وهتندم
يا أمة خير جند الله
مشاء الله على الثورة
يامصر صحينا من نومنا
وادى الظالم
لاحول له ولا قوة

قولولى بس مين هو
اللى باع شعبوا وعاش مرتاح
اتظاهروا
زمان الصمت عدى وراح
إتظاهروا
مساء وصباح
اتظاهروا
شبابية وسلمية
اتظاهروا
نقول حدوتة مصرية
اتظاهروا
صباح الخير ياحرية
صباح النور يامصريين

[لبنى مصر]

الله جميله جدا تسلم ايدين اللى كتب ويسلم دماغ اللى الف بس سؤال ياهشام هو سعيد شكرى ده شاعر محترف ولا بيكتب زينا مع تحياتى ومرسى على انك سمعتنا كلام جميل تقبل مرورى

[محمد أبراهيم]

تحيه
لمصر ارضا
وشعبا
تحيه لكل
صوت
لكل نبض
حريه
نستنشقها
من قهر
الدكتاتوريه
هشام اللول
صرخة محب لوطنه
كتبها بعد
أن تنفس هواء
الحرية
وما أعذبه من
هواء مس
شغاف القلب
أحيي
الحرف الثوري
هنا
وأحيي كل نبض
مصري
وكل نفس
مصرية
تقديري

[سعيد شكرى]

والله تسلم إيدين وقلوب وايدين ومشاعر ولاد مصر
اللى فتحوا طاقة القدر لكل حر ساهم فى الثورة المجيدة
..ويسلم وجدان كل مصرى بيحب مصر وعبر عن حبه لها بقول أو فعل ..
يسلموا شباب مصر الاحرار الابرار الثوار .
وتسلم ايدك ياعم هشام
وافر الشكر والتقدير لمساهمتك فى نشر هذا النص القريب جدا من القلب
...تحياتى لكم جميعا...
سعيد شكرى
ومش محترف يالبنى

[لبنى مصر]

لا ده انت محترف وجدا كمان انا رايى ان الاحتراف لما تقول كلام ونحس بيه ويوصل للقلب ونفهمه اوى وممكن ميكونش متقن لغويا لكن الحاجات التانيه دى اللى مبنفهمهاش ولا بنحس بيها مهما كانت بريفكت لغويا مسمهاش احتراف لان الاحتراف اللى بيسمعه الناس حضرتك محترف وجدا كمان عشان وصل للقلب وحسيت بيه وفهمته وكان متقن من وجهة نظرى فانت شاعر كبير ومحترف جدا تحياتى
والحريه بتقولك صباح النور سعيد شكرى
وصباح جى من لبنى ومن احمد ومن حنا ومن فكرى
واجمل صباح لبلادى ولعلمى عصافيره بتنادى من بكرى
مصر باذنه من بكره هتكون جنه تكون ملكى تكون حكرى
لا هيبقى فيها متسلط ولا نصاب ولا حرامى
هيبقى الكل متساوى ويبقى المصرى ده عصامى
هيبنى نفسه من الاول مفيش رشوى وده كلامى
تحياتى لك سعيد شكرى وكل مصرى اتظاهر وده سلامى

واتمنى ان نراك كثيرا فى منتدانا وتنعش سمعنا بمثل هذه الكلمات الجميله ولا تكون هذه اخر مشاركه تقبل مرورى وتحياتى يك ولاخى هشام

[هشام اللول1]

الله جميله جدا تسلم ايدين اللى كتب ويسلم دماغ اللى الف بس سؤال ياهشام هو سعيد شكرى ده شاعر محترف ولا بيكتب زينا مع تحياتى ومرسى على انك سمعتنا كلام جميل تقبل مرورى

شكرا ليكي لبني علي مرورك الجميل
الشاعر سعيد شكري شاعر محترف
وليه دواوين كتير
وان شاء الله هيمتعنا بيه معانا في المنتدي
ده بعد اذنه طبعا

بارك الله فيكي وحفظك ورعاكي

[jewel_lowis]

كلمات جميلة بجد
تسلم الايادى

[هشام اللول1]

تحيه
لمصر ارضا
وشعبا
تحيه لكل
صوت
لكل نبض
حريه
نستنشقها
من قهر
الدكتاتوريه
هشام اللول
صرخة محب لوطنه
كتبها بعد
أن تنفس هواء
الحرية
وما أعذبه من
هواء مس
شغاف القلب
أحيي
الحرف الثوري
هنا
وأحيي كل نبض
مصري
وكل نفس
مصرية
تقديري

شكرا لكي اخي الكريم فارس
وشكرا لقلبك الطيب
وقلمك المستنير
بارك الله فيك وحفظك ورعاك

[هشام اللول1]

والله تسلم إيدين وقلوب وايدين ومشاعر ولاد مصر
اللى فتحوا طاقة القدر لكل حر ساهم فى الثورة المجيدة
..ويسلم وجدان كل مصرى بيحب مصر وعبر عن حبه لها بقول أو فعل ..
يسلموا شباب مصر الاحرار الابرار الثوار .
وتسلم ايدك ياعم هشام
وافر الشكر والتقدير لمساهمتك فى نشر هذا النص القريب جدا من القلب
...تحياتى لكم جميعا...
سعيد شكرى
ومش محترف يالبنى

شكرا لتواجدك معانا الشاعر سعيد شكري
وبالفعل لقد انرت المنتدي بفيض كلماتك
وحضورك النقي اللامع
وننتظر ابداعاتك وحضورك الدائم

بارك الله فيك وحفظك ورعاك
دمت مبدعا ومتالقا

[هشام اللول1]

كلمات جميلة بجد
تسلم الايادى

شكرا لحضورك انجي
بارك الله فيك وحفظك ورعاكي