غناوى من ديوان عشقك ( سعيد شكرى)

[سعيد شكرى]

فيكى
بكتب الأشعار
وأحسب عمرى بالكلمات
وليكى
يترسم بوحى
سطور من نور على الصفحات
والاقيكى
ربابة من شرايينى
بتشجينى
وترمينى على الغنوات
أغنيلك
أغنيكى
أغانى الفرح فى عنيكى
محتاجة لأمسيات
واحكيلك
وأحكيكى
ديوان العشق مكتوبة
حروفه من حكاياتك
وانا الحكايات
******
انا الشاطر حسن لما
يعدى بحور علشانك
ويقطف من نجوم الليل
عقود الفل والياسمين
ومايخفشى من الغولة
ومايخافشى من اللايمين
ولايخافشى من المتاهات
ويرجع فوق حصان أبيض
بتوب أبيض وقلب أبيض
وألف ربيع يغنيلك
يفك السحر عن ليلك
ويتبدل بألف نهار
******
نعيمة وبات حسن داير
كطير طاير
يردد فى الهوى ألحان
ويّسبح كما الكروان
يهل الفجر من صوته
وف سكونه
تبات الدنيا نشوانة
بحلم جديد
بفجر جديد
مسير الصبر هيوصل مراكبنا)
ونتقابل أنا وأنت وحبايبنا(
بزغروطة صداها بعيد
*****
بهية لو ياسين مقتول
بقالو سنين
أبقى أنا مين ؟
أنا هو لكن عايش
دمعة ف حرقة العاشقين
أنا نقطة عرق سالت
على أرضك بتروى الطين
يزهر حلمك النابت
ف حبة من تراب حطين
أنا دم الشهيد عطشان
لدم جديد
يرد الروح لأوصالك
هنيالك
أدام ليكى أكون هالك
مانيش هالك
هتلقى ألف ألف ياسين
وناس تانين
ف مشوارك
أدام فى السكة ناس

[أحلى بنت ندى]

الله الله على الأشعار حلوة تسلم عيونى

[محمد أبراهيم]

زفت حروفك
لنا البشارة
فكم دافىء
بالحب
هذا الشتاء
أضاءت قناديلك
دروب الروح
فاينعت
بالقلب وردة
حمراء
بميلاد رافق
فرح ميلاد
لعام اول
سماته النقاء
والصفاء والعطاء
عام جديد نستقبله
بالسعادة
عام جديد يشتاق
للحريه لقاء
بعمق الكلمة
وشوق الحرف
على جمر
السطور
تواجدك
يملأ المكان
بالسرور
بك نبدأ عهد
جديد
وبحروفك
يزداد جمالا
هذا العيد
سعيد شكرى
بالتحية بالابتسامة
كسيت منتدانا
حلة بيضاء
لتقرع الاجراس
لحن العيد
مودتى

[لبنى مصر]

اعجز عن الرد وانحنى اعجابا لجمال الكلمات فانت مبدع وتستحق الاعجاب والتقدير
ملحوظه( انا اول مره اكون مبسوطه وانا بقرا شعر جميل زى كده انا بكتب بردو شعر بس مش بكون مبسوطه زى ما اتبسطت انا وبقرا لحضرتك انت شاعر محترف جدا)
تسلم الايادى وزادك الله تالقا وابداعا تحياتى وانتظر المزيد

[سعيد شكرى]

الله الله على الأشعار حلوة تسلم عيونى

تسلم عيون وتسلم صاحبة هذا المرور الكريم
شكرى وتقديرى