قصيدة شعر / الطموح

**اشرف عمر** · 21 - 2 - 2011, 12:23 PM

الطموح في بلدي

هو ايه معنى الطموح

الطموح ؟

الطموح هو الطموح

بس فيه واحد جموح

و البواقي مش بتخلف

عايشه

بس عيشه تقرف

الفطار فول أو فلافل

و المخابز عيشها قافر

واللي ييجي ف يوم يعافر

يبقى قابض م الاعادي

يمسكه الأمن ف بلادي

يسحله لما يبوح

............................

الطموح ؟

الطموح اني اقدر اسرق

كوم ارانب م البنوك

إن يبقى نابي أزرق

شركسي وسط الديوك

واما ييجي الدور عليه

والمباحث تبقى جايه

آخد اوردر بالفرار

اجري و اهرب ع المطار

و الابيج يبقى جاهز

قد كام مليون دولار

تنفتح صالة الكبار

والفلوس قبلي تروح

زي ابن ابو الفتوح

......................

الطموح ؟

الطموح اني ابقى قيمه

يعني ابقى نجم سيمه

ولا واحد م الاكابر

يشتري الكل بفلوسه

واللي مش عاجبه
يدوسه

والعيون تبقى ف جيوبه

يمدحوه ...حتى بعيوبه

واما ييجي يخون بلاده

يبقى رمز للوفاء

تبقى كل افعاله حكمه

مهما كانت م الغباء

ينبطح ساعة الشموخ

تبقى دي غاية الوضوح

...............................

الطموح ؟

الطموح ان ابني يورث

ملك دوله او خِلافه

يبقى عاهل او رئيس

او زعيم تم اكتشافه

يحكم الناس بالبريد

والحفيد يورث حفيد

يبقى ديل العم سام

كل يوم يديه تمام

زي ما عمل العقيد

والكراسي ليه تدوم

ف العلالي او السفوح

المهم يبقى عمره

ع الكراسي عمر نوح

....... واهودا معنى الطموح

**♥بـونـبـونـايـه سـكـره♥** · 21 - 2 - 2011, 03:03 PM

السلام عليكم
اهلا بيك منور المنتدى معانا بكد
و نتمنى اننا نشوفوك معانا علتول
و نشوفوا موضوعاتك معانا
و مشاركاتك الفعاله
و نشوفوا حضورك وستنا
ان شاء الله
و نتمنى ان المنتدى يكون عكبك
و تنورنا فيه علتول
اسرة مصراوى كافيه اسعدتها حضورك
يتم نقل التوبيك
للقسم المناسب

**~~komyz~~** · 21 - 2 - 2011, 03:21 PM

بصراحة القصيدة دى

تحفةةةةةةةةةةةةةةةةةةةةةة ةةةةةةةةةةةةةةةةةةةة

**بنت مصر1** · 21 - 2 - 2011, 04:53 PM

رائعه جداً
سلكت أناملك علي ماخطه لنا قلمك
تحياتي..

**محمد أبراهيم** · 21 - 2 - 2011, 09:36 PM

روعه
لى عوده
مودتى

**محمد أبراهيم** · 21 - 2 - 2011, 10:41 PM

أبصرت
مـن خلف
الأسـوار
أناسا لايفهمون
معنى الطموح
لمحتهم
كالتماثيل أو الأحجـار
لا يقدسـون طـرق
الوضوح
يارائع
بكلمات تائهة
تدور في
الفضاء
ومعاناة احلام
تصارع للبقاء
وامل
بان ينتهي
كل هذا
الداء
فالنهاية حتمية
لكل هؤلاء
الرائع
أشرف عمر
اسئله حائره
والطلب بعدم
السؤال
كان نهرك
ثائرا
وكان حرفك للحقيقة
حال
هو قلمك الذي
أبحر بنا
بعمق امواجه
ودفق حالاته
تسلح
باقوى العبارات
فالفجر بسطركـ
لاح
فجاء حرفي
بكل شُكره
صاح
أهلا بهمس قلمكـ
وأهلا
بألحان تملأ
جميع الأركان
بعزف صدّاح
مودتى