كش فش

[اشرف عمر]

بمناسبة السرقات الكبرى التي حدثت في مصر / اهدي اليكم هذه القصيدة التي كتبتها عن احوال مصر من فترة ليست بالقصيرة و ارجو التشرف بتعليقاتكم

كش فش

كش فش
حش دش
اوعى ترمش أو تهش
ولا تلبس أي وش
إلا وش الأخ دونكي
لما يسمع حاه و هش
............................
كش فش
عيش و مش
أي أكله يالله ناكل
نقضي ليلنا ف الحكاوي
ع المشاكل و المهازل
ع المقاوله و المقاول
مين هايبني و مين يناول
مين هايقضي ومين يداول
بس أخر الليل نحاول
قبل ما نطرطش نكش
لما ييجي النوم نخش
..........................
كش فش
سات ودش
بالماتور الأمريكاني
ولا قطعه ساتها تاني
ع الأوروبي تبقى بصّه
وأنا قاعد ليّه جعصه
حجتي بسمع رياضه
والإشاره تبقى ميّه
ع البنات العريانين
ألقى كل الغيرانين
هايقولولي ده حرام
يزنقوني ف الكلام
يبقى قدامهم هاكش
بس أول لما اروح
هافتح المذكور وأدش
...........................


كش فش
ناري طش
لما بتذكر عيالي
اللي يمكن لما أجيبهم
يلعنوني غصب عنهم
إني مت وسبتهالهم
ضايقه جداً من قبالهم
وإن غيري بالكلاحه
والخيابه والتناحه
ولا بشوية بجاحه
لم كام مليون بتاع
م الخصوصي و القطاع
وف نظرهم هابقى كبش
ولا واحد كان طربش
........................
كش فش
مين يرش
أصلنا ساكنبن ف حارة
لا حلال ولا حرام
اللي يملك فينا مره
يهبر الهبره التمام
لو ها يكدب او يحايل
أو ها ينصب أو يغش
مش مهم مين ها يعرف
عيني عينك وش وش
كله متلفع وشايل
ولا حاطط جوه كرش
واللي فينا يبان ها يهرب
ولا يغطس أو يكش
واللي يملك فينا خزنة
لما دوره يجيه يفش
أصلنا ف النحو خدنه
عاش يعيش
كش فش

[سعيد شكرى]

لا ياعمنا
انت جميل اوى اوى
وبتكتب بمزاج عالى واخر روقان
بجد استمتعت هنا
تحياتى ياشاعر

[هشام اللول1]

جميله جدا اشرف
تسلم الايادي اللي كتبت
والعقل اللي فكر
اسلوب جميل ساخر

ننتظر المزيد من ابداعاتك
بارك الله فيك وحفظك ورعاك

[لبنى مصر]

جميله جدا اخى اشرف عمر سلمت اناملك وافكارك انت فعلا بتكتب بمزاج عالى وروقان زى ما قال اخى سعيد شكرى
هذه ثانى قصيده اقراها لك فشاهدتك فى الاولى هشام الجخ وفى هذه شاهدتك احمد فؤاد نجم فانت متنوع فى كتاباتك وهذا واضح وساخر جيد جدا وممتع للقراء ننتظر مزيدك ودمت متالقا
تقبل مرورى
اختك لبنى

[العاشقة المجروحة]

الله على الروقان
بجد الله عليك يا اشرف
كلمات جميلة وبصورة شبه هزلية
خليتنا نضحك بالرغم من الواقع المخزى اللى فيها
تسلم اياديك وفى انتظار جديدك وياريت تحط جديدك فى ابداعات الاعضاء
تقبل تحياتى ومرورى

[نور الشمس]

بجد تحفه انت برنس على فكره كلامك تحفه وكمان اسمك عشان زي اسم خطيبي
ههههه

[محمد أبراهيم]

سيد
وخلف قضبان
بالطمع مأسور
هكذا
مصيره مهما
تغيرت العصور
يبني
من الطمع
حكايه
فتصبح رمال
مابناه من
قصور
اشرف عمر
هذا
هو ديدان
حكام العرب
من المحيط الى الخليج
إلا من رحم ربي
اخى الفاضل
اشتقنا حقا
لبريق قلمك
وهو
يشع ابداعا
بسماء منتدانا
فالعطر
تنثره حروفك
هنا
والرقة دفىء
سطر تشتاقه
مراكبنا
فاتنه احرفك
الثائره
إن عانق ميادين
إلهامك
وحركت ذائقتك
الاحداث
لـ تنزف بـ كومة
الجمال هذه
ابدعت
واتقنت رسم
هذه اللوحة
الشفافة الجميلة
والتي احيكت
من صلب
واقع
هنيئا
افتخر كوني كنت
بحضره
هذا الجمال
مودتى


وينقل للابداعات

[محمد أبراهيم]

اشرف عمر
اعترف
لك بانه
صباح لايشبه
اي صباح
وخصوصا
حينما يشدنا
بعطره
هذا الزهر الرائع
الفواح
فحروفك
اراها مثل
البلسم
تطيب النزيف
تغسل الجراح
تضفي مساحات
مشرقه على
السطور
تجعل الفكر مبتهجا
يتوسم الافراح
فحين مشاركتك
بالهمسات والحروف
اشعر فعلا
بالارتياح
عاجز عن الشكر اخى الكريم
فقد عشقت
فعلا حرفك المضئ
الغني بالأحاسيس
اللماح
مودتى

[ابو احمد رزق]

رائعه هي
تلك الكلمات
واسلوبك الساخر
زادها ابداع
أخي المبدع
اشرف عمر
وصفت الحال
ببراعه عاليه
لك كل الود والتقدير
ووافر التحيه