والله ابويا كان شجاع

**راس الغش** · 4 - 4 - 2011, 12:22 PM

والله ابويا كان شجاع
حب بلده على قدر المستطاع
لافى يوم تاجر ولا اشترى ولاباع
غير بالحلال عاش رزق يومى ولا اشتكى ولازاع
ومن الخلفه حريف وسره باتع لايزاع
ولما حب يموت قال خلاص خذوا حقيكم اللى ضاع
ساب من الخلفه..(15) عيل وبتاع
واربع ارامل صيتهم فى البلد مزاع
اللى تضرب بالروسيه واللى ببشله واللى بسنجه
وزجاجة مياة نار وبتاع.
اهو اكل عيش ولحمه وخلاصة حق من المجتمع بعد الضياع
خلى بقى الدوله دىتصرف عليهم صاعين وصاع
والارمله الكبيره منهم(70)سنه غير فى الشهادة اللى ضاع
من الضمان الاجتماعى والذكاة والاتاوى اصرف ياولد على الجياع
الولاد اللى بيشم واللى بيسرق واللى بينهب واللى هجام واللى ضاع
كان ابوهم رغم سنه حاكم على مستقبل الضياع
حكم الارامل ومقسم الخلفه بالعدل بنهم بقدر المستطاع
والعيال عامل لهم للنوم ارفف فى المكان المستطاع
بيناموا بالدور الكبير ثم الصغير وعلى الارض حتة عيل صغير بيصرخ كده وبتاع
والخلاصه فى المتابع واللى عرف منهم حتى قصدى من البتاع
فى عرفهم اخذوا حقهم من اللى خالف ورمى واللى كتب واللى نشر
واللى التليفزيون صوره واللى زاع
حتى ظنوا ان اللى يطولوه بايدهم يصبح مشاع
من حقهم اشمعنا بتوع القروض والخصخصه والاراضى والعلاج
مش برضوه ده كله من حقنا وعندهم مشاع؟؟
وان قولتلهم حا تدفعوا يوما الحساب؟
يقولولك ياابو جهل الحساب يوم الحساب ! !
احنا لا بنروح لوزير ولابنركب عربيات وواحد يفتح لنا الابواب !
ولما نحب نأكل بنخبط على اى حد يفتح لنا الابواب
اتفضلوا فول وجبنه وفحل بصل معلش ما نعرفش الكباب !
نأكل ونشكر ونشرب كباية شاى هباب ؟ !
والله ابويا كان شجاع
حب بلده قدر المستطاع
احزروا ثورة اولاد الشوارع ! !
والشعب اللى الجوع منه جاع !!
وعجبى...........................

**ميرو المصريه** · 4 - 4 - 2011, 03:02 PM

السلام عليكم ورحمته وبركاته
انا مبسوطه انى اول عضو رد على الموضوع
عندك حق ابويا شجاع
ربنا يكرمك

**هشام اللول1** · 4 - 4 - 2011, 04:36 PM

كلمات رائعه
واسلوب اروع

دمت متميز ومبدع
بارك الله فيك وحفظك ورعاك

**راس الغش** · 4 - 4 - 2011, 08:48 PM

ابنتى ميرا....
نعم شرفت ان تكونى الاولى تشاهدى تلك الصورة التى رسمتها لناس كتير عيشين العيش دى....!
.........................
اما انت الابن الجميل اللول
فى اطراء حروفك لى......لايسعنى سواء ان اقول لك الشكر وتذوقك ....وانت شجاع..

**لبنى مصر** · 15 - 4 - 2011, 10:44 AM

هنا كنت انت
كنت كبير المبدعين كنت شيخا للابداع
حروفك وكلماتك اشبعتنا امتاعا واقناع
فاسمح لى ان اقول لك انك هنا فى المنتدى
اصبحت ابى الشجاع
سلمت ايادى حضرتك
دمت بكل الود

الموضوع: والله ابويا كان شجاع

أدوات الموضوع

والله ابويا كان شجاع

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة