اسئله بارده اوى اوى

[ELKHWAGA]

س: ايه الشبه بين الجرنال والشمس ؟؟
ج: الاتنين بيطلعوا الصبح

س: ايه الشبه بين التفاح والكمثرى ؟؟
ج: الاتنين مش جوافة

س: ايه الشبه بين الصعيدي الذكي وسوبر مان ؟؟
ج: الاتنين خيال علمي

***********

س: ايه الفرق بين الصحراء.. وايام الاسبوع.. وموس لورد ؟؟
ج: الصحراء مفيهاش حد
ايام الاسبوع فيها حد واحد
موس لورد فيه حدين

***********

س: واحد وقع من الدور التاسع لقى ايه ؟؟
ج: لقى مصرعه

س: واحد وقع من الدور العاشر لقى ايه ؟؟
ج: لقى حتفه

***********

س: ليه الأرنب مبيعديش من قدام القهوة ؟؟
ج: بيخاف من السحلب المكار


س: دكتور أسنان ارتكب جريمة يسجنوه فين ؟؟
ج: في سجنال تو


***********

س: ليه نابليون كان بيقعد قدام التلاجة ؟؟
ج: عشان يستنى حملة فريزر


***********

س: ايه هي قمة الادب ؟؟
ج: انك تخبط على التلاجة قبل متفتحها


س: ايه هي قمة الصبر ؟؟
ج: انك تستنى حد يفتحلك


س: ايه هي قمة الدهشة ؟؟
ج: حد يفتحلك فعلا


***********

س: إيه وجه الشبه بين الحلاق وجورباتشوف ؟
ج: الإتنين بيتعاملوا مع الروس

س: إيه وجه الشبه بين القمر وصينية البطاطس ؟
ج: الإتنين ميتعملوش عصير مانجو


***********

س: إيه العلاقة بين الكمبيوتر والحفرة ؟
ج: الكمبيوتر حاسب آلى
أما الحفرة حاسب لتقع

س: ليه في الأرجنتين مش بيزرعوا تين ؟
ج: لأنها من الدول اللا تينية


***********

س: إيه الفرق بين الليمون والزيتون ؟؟
ج: الأولاني بيتعمل منه لاموناتة والتاني مابيتعملش منه زاتوناتة

[n2n6]

هههههههههههههه



باااااااااااااااااااااااا اااااااااارة
بس حلو موت

[ELKHWAGA]

شكراااااااااااااااااااااا ااا على مرورك

[n2n6]

شكرا على مواضيعك انت يا مان

[ELKHWAGA]

تسلمى يا نانى على مرورك

[n2n6]

ماااااااااشى يا اسلام
عيزاك تشرف مواضيعى

ولا مش عجباك