بعشقك يامصرى
بواسطة
في 7 - 2 - 2011 عند 11:18 PM (1639 المشاهدات)
بعشقك يامصرى ياللى قالواعليك شاب نت وشاب سيس
بعشقك وانت بتقاوم الظالم والحاقد والندل والخسيس
بعشقك وانت بتهتف فى مظاهرة من التحرير وفى رمسيس
بعشقك وانت بتضم ايد المسلم والمسيحى والشيخ والقسيس
بعشقك وانت بتتحدى البلطجى والعربجى والوزارة والرئيس
بعشقك فى كلمة حق من دم الشهيد الغالى واللى ميتبعش رخيص
اشهد بكلمة حق المصرى حر وعنيد ومايقبلش الغش والتدليس
وان كانوا كمموا أفواهنا واستعبدونا وسكتنا من الخوف والتحريص
هانقول لا والف لا للفساد والمحسوبية والتزوير وباقى المدة والترخيص
سامحينا يامصر سكتنا وصبرنا تلاتين سنة وكان الذل لينا صاحب وونيس
لكن شبابك صرخ بنضالك بكبسة زر قام العالم ومقعدش لشباب الفيس
تسلموا ولا تستسلموا فات الكتير ووقع الكبير والنصر قريب ونفيس
وبعشقك يامصرى يابن النيل وصاحب الكرامة والشهامة والشهادة
وحجر التأسيس
جينا النمرسى